ప‌ద్మభూష‌ణ్ బాల‌య్య‌కు చెల్లెలి గ్రాండ్ పార్టీ!

నంద‌మూరి బాల‌కృష్ణ‌కు కేంద్ర ప్ర‌భుత్వం ఇటీవ‌లే ప‌ద్మ‌భూష‌ణ్ పుర‌స్కారాన్ని ప్ర‌క‌టించిన సంగ‌తి తెలిసిందే. తెలుగు చిత్ర ప‌రిశ్ర‌మ‌కు ఆయ‌న అందించిన సేవ‌లను గుర్తించిన కేంద్ర స‌ర్కార్ ఆయ‌న‌కు ఈ అవార్డును అనౌన్స్ చేసింది. బాల‌య్య‌కు ఈ పురస్కారం ద‌క్క‌డంతో సినీ, రాజ‌కీయ ప్ర‌ముఖులు ప‌లువురు ఆయ‌న‌కు శుభాకాంక్ష‌లు తెలిపారు.

అయితే బాల‌య్య‌కు ఈ అవార్డు ద‌క్కినందుకు రేపు హైద‌రాబాద్ న‌గ‌ర శివార్ల‌లో ఓ భారీ ఫామిలీ పార్టీ జ‌ర‌గ‌బోతున్న‌ట్టు స‌మాచారం. ఆ పార్టీని ఏర్పాటు చేస్తున్న‌ది మ‌రెవ‌రో కాదు. బాల‌య్య చెల్లెలు, ఏపీ సీఎం భార్య నారా భువ‌నేశ్వ‌రి. సిటీ అవుట్ స్క‌ర్ట్స్ లో ఉన్న చంద్ర‌బాబు నాయుడు ఫామ్ హౌస్ లో ఈ పార్టీ భారీ ఎత్తున జ‌ర‌గ‌నున్న‌ట్టు తెలుస్తోంది.

ఈ పార్టీకి నారా, నంద‌మూరి ఫ్యామిలీ మెంబ‌ర్స్ తో పాటూ ఇరు కుటుంబాల‌కు అత్యంత స‌న్నిహితులైన వారికి మాత్ర‌మే ఆహ్వానం ఉంద‌ట‌. కుటుంబ స‌భ్యులు, స‌న్నిహితుల‌తో పాటూ బాల‌య్య‌తో సినిమాలు తీసిన ద‌ర్శ‌కుల‌కు, నిర్మాత‌ల‌కు కూడా ఇప్ప‌టికే ఆహ్వానం వెళ్లిన‌ట్టు తెలుస్తోంది. బాల‌య్య‌కు అవార్డు ప్ర‌క‌టించిన త‌ర్వాత ఆయ‌న‌కు జ‌రుగుతున్న మొద‌టి భారీ స‌న్మానం ఇదే.

ఇది కాకుండా టాలీవుడ్ నుంచి కూడా బాల‌య్య కోసం ఓ గ్రాండ్ స‌న్మాన స‌భ‌ను ఏర్పాటు చేయాల‌ని చూస్తున్నారు. కాక‌పోతే అది ఎవ‌రు ఏర్పాటు చేస్తార‌నేది ఇంకా తెలియ‌దు కానీ క‌చ్ఛితంగా టాలీవుడ్ నుంచి బాల‌య్య‌కు ఓ స‌న్మాన స‌భ అయితే ఉంటుంది. గ‌తంలో మెగాస్టార్ చిరంజీవికి ప‌ద్మ అవార్డు వ‌చ్చిన‌ప్పుడు కూడా టాలీవుడ్ నుంచి ఘ‌నంగా సన్మానించారు. ఇప్పుడు బాల‌య్య‌ను కూడా అలానే స‌న్మానించాల‌ని ప్లాన్ చేస్తున్నారు.

ఇక బాల‌య్య సినిమాల విష‌యానికొస్తే రీసెంట్ గా సంక్రాంతికి బాబీ కొల్లి ద‌ర్శ‌క‌త్వంలో తెర‌కెక్కిన డాకు మ‌హారాజ్ తో సూప‌ర్ హిట్ అందుకున్నాడు. ప్ర‌స్తుతం బాల‌య్య త‌న ఆస్తాన డైరెక్ట‌ర్ అయిన బోయపాటి శ్రీనుతో అఖండ సినిమాకు సీక్వెల్ గా అఖండ‌2 తాండ‌వం చేస్తున్నాడు. అఖండ‌2 సెప్టెంబ‌ర్ 25న ప్రేక్ష‌కుల ముందుకు రానున్న‌ట్టు సినిమా అనౌన్స్‌మెంట్ టైమ్ లోనే మేక‌ర్స్ వెల్ల‌డించారు.