బాలయ్య ఫ్యాన్స్ కోసం ట్రిపుల్‌ ధమాకా...!

నందమూరి బాలకృష్ణ బ్యాక్ టు బ్యాక్‌ అఖండ, వీర సింహారెడ్డి మరియు భగవంత్‌ కేసరి సినిమాలతో విజయాలను సొంతం చేసుకుని హ్యాట్రిక్ సొంతం చేసుకున్నాడు. సినిమాల్లో హ్యాట్రిక్ దక్కించుకున్న బాలకృష్ణ ఎమ్మెల్యేగా వరుసగా మూడో సారి విజయాన్ని సొంతం చేసుకోవడం ద్వారా హ్యాట్రిక్ ను సొంతం చేసుకున్నాడు. ఫుల్ స్వింగ్ లో ఉన్న బాలకృష్ణ ప్రస్తుతం చేస్తున్న సినిమా పై అందరి దృష్టి ఉంది. బాబీ దర్శకత్వంలో బాలయ్య 109వ సినిమా షూటింగ్‌ ప్రారంభం అయ్యి చాలా కాలం అయ్యింది. మధ్య లో ఎన్నికల కారణంగా బాలయ్య చిన్న గ్యాప్ తీసుకున్నాడు.

ఎమ్మెల్యేగా గెలిచి, ప్రభుత్వం ఏర్పాటు అయిన కారణంగా ఆ గ్యాప్ కాస్త ఎక్కువ అయ్యింది. తాజాగా బాలయ్య షూటింగ్‌ లో జాయిన్‌ అయ్యాడు. విశ్వసనీయంగా అందుతున్న సమాచారం ప్రకారం మూడు విభిన్నమైన గెటప్స్ లో బాలయ్య ను దర్శకుడు బాబీ చూపించబోతున్నాడు. బాలయ్య ను ఫ్యాన్స్ ఎలా చూస్తూ చొక్కాలు చించుకుంటారో తనకు తెలుసు అని, ఆ విధంగా బాబీ ఈ సినిమాలో బాలయ్యను చూపించే విధంగా స్క్రిప్ట్ ను రాసుకున్నాడు అంటూ ఆ మధ్య చిత్ర యూనిట్‌ సభ్యులు ఆసక్తికర వ్యాఖ్యలు చేయడం జరిగింది.

ఇప్పుడు బాలయ్య 109వ సినిమా గురించిన వార్తలు సోషల్‌ మీడియాలో పెద్ద ఎత్తున వస్తున్నాయి. ప్రస్తుతం షూటింగ్‌ చివరి దశలో ఉన్న ఈ సినిమా ను ఈ ఏడాది చివరికి విడుదల చేసే విధంగా ప్లాన్ చేస్తున్నారు. థమన్ సంగీతాన్ని అందిస్తున్న ఈ సినిమాలో బాబీ డియోల్‌ కీలక పాత్రలో కనిపించబోతున్నాడు. చిత్ర యూనిట్‌ సభ్యుల నుంచి అందుతున్న సమాచారం ప్రకారం బాలకృష్ణ రెండు గెటప్స్ లో గడ్డం లేకుండా కనిపించబోతున్నాడు. ఒక పాత్ర లో మాత్రం చాలా సాలిడ్‌ మాస్‌ లుక్ తో కనిపించబోతున్నట్లుగా వార్తలు వస్తున్నాయి.

ఈ మధ్య కాలంలో బాలయ్య చేస్తున్న ప్రతి సినిమా వంద కోట్ల వసూళ్లను క్రాస్ చేస్తున్న నేపథ్యంలో బాబీ దర్శకత్వంలో రూపొందుతున్న ఈ సినిమా రెండు వందల కోట్ల రూపాయలు వసూళ్లు చేస్తాయనే నమ్మకంను ఇండస్ట్రీ వర్గాల వారు వ్యక్తం చేస్తున్నారు. ఫ్యాన్స్ కూడా ఈ సినిమా పై చాలా ఆశలు పెట్టుకుని వెయిట్‌ చేస్తున్నారు. బాక్సాఫీస్ వద్ద బాలయ్య సందడి కొనసాగడం ఖాయం అని, ఆ విషయం మరోసారి ఈ సినిమాతో నిరూపితం అవ్వడం ఖాయం అంటూ ఫ్యాన్స్ కామెంట్స్ చేస్తున్నారు.

బాబీ దర్శకత్వంలో చేస్తున్న ఈ సినిమా తర్వాత బాలయ్య తన తదుపరి సినిమాను బోయపాటి శ్రీను దర్శకత్వంలో చేయబోతున్న విషయం తెల్సిందే. ఇప్పటికే వీరిద్దరి కాంబోలో సింహా, లెజెండ్‌ మరియు అఖండ సినిమాలు వచ్చాయి. మూడు కూడా భారీ విజయాలను సొంతం చేసుకుని రికార్డ్‌ స్థాయి వసూళ్లు నమోదు చేయడం జరిగింది. కనుక వీరి కాంబోలో రాబోతున్న నాల్గొవ సినిమా కూడా అంతకు మించి అన్నట్లుగా ఉంటుందనే నమ్మకం వ్యక్తం అవుతోంది. బాలయ్య, బోయపాటి కాంబో మూవీ అఖండ 2 అనే వార్తలు కూడా వస్తున్నాయి. పూర్తి వివరాలు తెలియాల్సి ఉంది.