మినీ సమీక్ష: బాంబ‌య్ మేరీ జాన్

ముంబై (బాంబ‌య్ ఒక‌ప్పుడు) అండర్‌వరల్డ్ పై సినిమాలు అన‌గానే ఆర్జీవీ తెర‌కెక్కించిన 'స‌త్య' సినిమా గుర్తుకు వ‌స్తుంది. కంపెనీ (2002), వ‌న్స్ అపాన్ ఏ టైమ్ ఇన్ ముంబై (2010), షూటౌట్ ఎట్ వడాల (2013) చిత్రాలు ముంబై మాఫియా క‌థ‌ల‌తో తెర‌కెక్కి చ‌క్క‌ని విజ‌యాలు సాధించాయి. ఇప్పుడు ఇదే కోవ‌లో ఓ వెబ్ సిరీస్ ఓటీటీలో విడుద‌లై మంచి స‌మీక్ష‌ల‌ను అందుకుంది. 'బాంబాయ్ మేరీ జాన్' అనేది టైటిల్. ఈ సిరీస్ టీజ‌ర్, ట్రైల‌ర్ తో ఆక‌ట్టుకుంది. మాఫియా నేప‌థ్యంలో ఆద్యంతం ర‌క్తి క‌ట్టించే కంటెంట్ తో ఈ సినిమా రూపొందింద‌ని ప్ర‌శంస‌లు కురుస్తున్నాయి.

నగరంలో అతిపెద్ద డాన్ అయిన ఒక సాధారణ వ్యక్తి కథ ఇది. 1964లో క‌థ మొద‌ల‌వుతుంది. ఇస్మాయిల్ కద్రి (కే కే మీనన్) రత్నగిరి నుండి బొంబాయికి ట్రాన్స్ ఫ‌ర్ అయిన‌ ఒక పోలీసు. అతడు నీతిమంతుడు .. గ్యాంగ్‌స్టర్ హాజీ (సౌరభ్ సచ్‌దేవా) .. అజీమ్ పఠాన్ (నవాబ్ షా)లకు చెందిన డెన్‌పై దాడి చేస్తాడు. అలాగే న‌గ‌రంలో స్మ‌గ్లింగ్ ని అరిక‌ట్టేందుకు ఇస్మాయిల్ అండ్ టాస్క్ ఫోర్స్ టీమ్ ఎలాంటి సాహ‌సాలు చేసారన్న‌దే ఈ సిరీస్ థీమ్. 10 ఎపిసోడ్ల‌తో ఇది తెర‌కెక్కింది.

ఎస్ హుస్సేన్ జైదీ కథ కొంచెం లెంగ్తీగా అనిపించినా కానీ.. చాలా వివరంగా..బాగా పరిశోధించి సిరీస్ ని తీసారు. రెన్సిల్ డిసిల్వా, సమీర్ అరోరా, చైతన్య చోప్రాల స్క్రీన్‌ప్లే (అదనపు స్క్రీన్‌ప్లే అబ్బాస్ దలాల్ - హుస్సేన్ దలాల్) ఆకర్షణీయంగా ఉంది. వీక్షకులు తమకు తెలిసిన కథను వేరే కోణంలో చూసేలా రచయితలు తమ శాయశక్తులా ప్రయత్నించారు. అబ్బాస్ దలాల్, హుస్సేన్ దలాల్ డైలాగ్స్ పదునైనవి.

అయితే ఇలాంటి సిరీస్‌లో కొన్ని పంచ్ డైలాగ్‌లు ఉండాల్సింది. షుజాత్ సౌదాగర్ దర్శకత్వం బాగుంది. అతను కథనాన్ని చాలా సరళంగా ఉంచాడు. గందరగోళానికి ఎలాంటి ఆస్కారం లేదు. పాత్రలు చక్కగా తీర్చిదిద్దారు. వారు ఒకరితో ఒకరు పంచుకునే బంధం చక్కని అనుభూతిని క‌లిగిస్తుంది.

మరో కోణంలో చూస్తే.. ఈ మూవీ ట్రీట్‌మెంట్ ముంబై అండర్‌వరల్డ్ చిత్రాల కంటే భిన్నంగా తీర్చిదిద్దార‌ని కూడా అర్థ‌మ‌వుతుంది. అయితే కంపెనీ- వ‌న్స్ అపాన్ ఏ టైమ్ ఇన్ ముంబై, షూటౌట్ ఎట్ వడాల చిత్రాల‌ను ఇది స్ఫుర‌ణ‌కు తెస్తుంది. రచయితలు వీక్షకులను పట్టుకునే విధంగా ట్విస్ట్‌లను జోడించడానికి ప్రయత్నించారు. అయితే ఈ సన్నివేశాలలో అంతిమ లక్ష్యం వీక్షకులు ఎగ్జ‌యిటింగ్ గా వేచి చూసేలా చేయ‌డ‌మే. రెండవది ఈ సిరీస్ 10 ఎపిసోడ్‌లతో సుదీర్ఘంగా ఉంది.

బాంబాయ్ మేరీ జాన్‌లో చాలా మంది ప్రతిభావంతులైన నటులు ఉన్నారు. కానీ కే కే మీనన్ షో స్టాప‌ర్ గా నిలిచారు. ఇది నిస్సందేహంగా అతడి నుంచి అద్భుత‌మైన ప్ర‌ద‌ర్శ‌న‌. పరిస్థితులకు లొంగిపోయే ధైర్యవంతుడైన‌, నిజాయితీ గల పోలీసు అధికారిగా అత‌డు గొప్ప‌గా న‌టించారు. అవినాష్ తివారీ పాత్ర లోకి ప్రవేశించి అద్భుతంగా నటించాడు. కృతిక కమ్రా (హబీబా) ఆశ్చర్యం కలిగించే న‌ట‌న‌తో ఆక‌ట్టుకుంది. పంచెతో కూడిన చక్కని పాత్రను పోషించ‌డం విశేషం. నివేదా భట్టాచార్య మనోహరం. సౌరభ్ సచ్‌దేవా ఆకట్టుకునే స్క్రీన్ ప్రెజెన్స్‌ని కలిగి ఉన్నాడు. ఇత‌ర న‌టీన‌టులు మెప్పించారు.