బ్రో కోసం బండ్లన్న.. అలా ట్విస్ట్ ఇవ్వరుగా?

సినీ నిర్మాత, నటుడు బండ్ల గణేష్ గురించి స్పెషల్ గా చెప్పక్కర్లేదు. ఆయన పవన్ కళ్యాణ్ కి వీరాభిమాని గా అందరికీ సుపరిచితమే. అయితే, బండ్ల గణేష్ తన మాటలతో అందరినీ ఆకట్టుకుంటూ ఉంటాడు. ఎక్కువగా తనకు సంబంధం ఉన్నా లేకున్నా కూడా కొన్ని విషయాలపై స్పందిస్తూ, తన అభిప్రాయాలు చెబుతూ ఎప్పుడూ సోషల్ మీడియాలో యాక్టివ్ గా ఉంటాడు.

ఇక, పవన్ కళ్యాణ్ విషయానికి వస్తే మాత్రం పూనకం వచ్చినట్లు ఊగిపోతూ ఉంటాడు. పవన్ మూవీ ఈవెంట్స్ కి తప్పకుండా హాజరౌతూ ఉంటాడు. ఆ సమయంలో ఈశ్వరా పవనేశ్వరా అంటూ పవన్ ని ఒక దేవుడిలా హైలెట్ చేస్తూ మాట్లాడుతూ ఉంటాడు. గబ్బర్ సింగ్, కాటమరాయుడు, వకీల్ సాబ్ మూవీల ఈవెంట్స్ లో ఆయన ఇచ్చిన స్పీచ్ లు హైలెట్ అనే చెప్పాలి.

అసలు పవన్ మూవీ ఈవెంట్ అంటే చాలు అక్కడ బండ్ల ప్రత్యక్షమౌతూ ఉంటాడు. అయితే, బీమ్లా నాయక్ కి మాత్రం మిస్ అయ్యాడు. అలా ఆయన రాకపోవడం వల్ల బండ్ల ఎంత ఫీలయ్యాడో లేదో తేలీదు.

కానీ, ఫ్యాన్స్ మాత్రం చాలా నిరుత్సాహానికి గురయ్యారు. బండ్లన్న మీరు ఎందుకు రాలేదు, మీ స్పీచ్ మిస్ అయ్యాం అంటూ ఫ్యాన్స్ ఆయనకు కామెంట్స్ కూడా చేశారు. ఆయనకు ఇన్విటేషన్ రాకపోవడంతో ఆయన ఈవెంట్ కి హాజరు కాలేదు.

అయితే, ఇప్పుడు మళ్లీ బ్రో మూవీ దగ్గరపడుతుండటంతో, ఈ మూవీ ఈవెంట్ కి మాత్రం బండ్లన్నకి ఇన్విటేషన్ వచ్చిందట. అంతే, ఈ విషయం తెలిసి ఫ్యాన్స్ కూడా సంబరాలు చేసుకుంటున్నారు. పవన్ ని పొగుడుతూ బండ్ల ఎలాంటి మాటలు చెబుతాడా అని ఆయన స్పీచ్ కోసం ఇప్పటి నుంచే ఎదురు చూస్తున్నారు. కానీ ఈవెంట్ లో బండ్ల గణేష్ స్పీచ్ ఉండకపోవచ్చు అనే గాసిప్స్ కూడా వస్తున్నాయి. ఆయన ఈవెంట్ కు వచ్చి మాట్లాడకపోతే మాత్రం ఫ్యాన్స్ అసలు ఒప్పుకోరు. మరి ఏం జరుగుతుందో చూడాలి.

ఇదిలా ఉండగా, ఇటీవల ఓ సారి పవన్ తో సినిమా చేయడం తన డ్రీమ్ అంటూ పేర్కొన్నాడు. మరి ఈ డ్రీమ్ గురించి అయినా స్పీచ్ లో ఆయన స్పందిచే అవకాశం కూడా లేకపోలేదు. చూడాలి మరీ, బండ్ల గణేష్ తన స్పీచ్ తో ఎలా అదరగొట్టనున్నాడో.