50,000 పాట‌ల గాన‌కోకిల‌కు అరుదైన వేదిక‌ పై నివాళి

లండన్‌ లోని రాయల్ ఆల్బర్ట్ హాల్ ప్ర‌త్యేక‌త గురించి ఎంత చెప్పినా త‌క్కువే. ఈ హాల్ లో ఒకేసారి ఏకంగా 6000 మందికి సీటింగ్ ఏర్పాటు ఉంటుంది. ఈ వేదిక‌ ను ఎక్కువ‌గా సంగీత క‌చేరీల కోసం ఉప‌యోగిస్తుంటారు. ఇప్పుడు అలాంటి వేదిక‌ పై సంగీత దిగ్గజం, సీనియ‌ర్ గాయ‌ని లతా మంగేష్కర్ అరుదైన ప్రత్యక్ష సంగీత కచేరీని నిర్వ‌హించారు. దాదాపు 49 సంవత్సరాల విరామం తర్వాత ల‌తాజీ త‌న‌ అత్యంత ప్రజాదరణ పొందిన కొన్ని పాటలను ఆల‌పించి మరోసారి క‌చేరీతో ప్రత్యేక నివాళులర్పించారు. గాన‌కోకిల లతా మంగేష్కర్ గత ఏడాది ఫిబ్రవరిలో 92 ఏళ్ల వయస్సులో మరణించారు మరియు ముంబైలో ప్రభుత్వ అంత్యక్రియలు నిర్వహించారు.

'లతా మంగేష్కర్: బాలీవుడ్ లెజెండ్' పేరుతో BBC వార్షిక వేసవి సీజన్‌ లో ఆర్కెస్ట్రా కార్య‌క్ర‌మాన్ని ప్లాన్ చేసింది. దీనిని ప్రోమ్స్ అని పిలుస్తారు. ఇది సాధారణంగా పాశ్చాత్య శాస్త్రీయ సంగీతానికి అంకితమైన‌ది. భారతీయ ప్రవాసుల కు తన ఆకర్షణ ను విస్తృతం చేయడానికి ఇటీవల కొన్ని ప్రయత్నాల లో భాగంగా ల‌తాజీ మెలోడీల‌తో కాన్సెర్ట్ ని బిబిసి నిర్వ‌హించింది. ప్రోమ్ 18 వేడుక‌ లో మార్చి 1974లో రాయల్ ఆల్బర్ట్ హాల్‌లో అవార్డు గెలుచుకున్న దివంగత ప్లేబ్యాక్ సింగర్ తాలూకా స్వీయ‌ ప్రత్యక్ష ప్రసారాల నుండి అనేక ప్రదర్శనలను ఇచ్చారు. వీటిలో 1949 చిత్రం 'ఏ మేరే వతన్ కే లోగో'..'ఆయేగా ఆనే వాలా' స‌హా ప‌లు పాట‌లు ఉన్నాయి. మహల్-సిటీ ఆఫ్ బర్మింగ్‌హామ్ సింఫనీ ఆర్కెస్ట్రా (CBSO)తో పాటు ఈ కార్య‌క్ర‌మం రంజింప‌జేసింది.

ఇక ఈ సంగీత క‌చేరీలో ప్ర‌ముఖ గాయ‌నీగాయ‌కులు పాల్గొన్నారు. గాయ‌కుడు పాల‌క్ ముచ్చ‌ల్ మాట్లాడుతూ.."ఇది నాకు చాలా ప్రత్యేకమైన క్షణం. అటువంటి భారతీయ సంగీత దిగ్గజానికి నివాళులు అర్పించడం నా అదృష్టం. ప్రపంచవ్యాప్తంగా ఆరాధించిన మేటి గాయ‌ని ల‌తాజీ" అన్నారు. గొప్ప నేపథ్య గాయకుడు పరోపకారి అయిన ముచ్చల్ 1978 చిత్రం 'సత్యం శివం సుందరం' టైటిల్ ట్రాక్‌తో కెరీర్ ని ప్రారంభించాడు, ఆ తర్వాత బాలీవుడ్ క్లాసిక్స్ అయిన ముఘల్-ఎ-ఆజం-కభీ కభీ -దిల్‌వాలే దుల్హనియా లే జాయేంగే-మొహబ్బతే-కభీ ఖుషీ కభీ ఘమ్ స‌హా ఎన్నో బ్లాక్ బ‌స్ట‌ర్ చిత్రాల‌ కు పాడారు.

"ఒక సాయంత్రం ఏడు దశాబ్దాల కెరీర్ తాలూకా స్నాప్‌షాట్‌ ను మాత్రమే అందించగలదు. అందులో ల‌తాజీ లెక్కలేనన్ని చిత్రాల కు సుమారు 50,000 పాటలు పాడారు. ఆమె అందమైన స్వరం 36 విభిన్న భాషల లో విస్తృతమైన భావోద్వేగాల ను రేకెత్తించింది. ల‌తాజీకి 'ది నైటింగేల్ ఆఫ్ ఇండియా' అనే బిరుదును ఇచ్చింది ఆ స్వ‌ర‌మే"అని BBC ప్రోమ్స్ ఒక ప్రకటనలో పేర్కొంది. లైవ్ కచేరీల‌ కోసం పాటల ఎంపిక లో అర్ధ శతాబ్దానికి పైగా భారతీయ సంగీతం లో ల‌తాజీకి చెందిన‌ అనేక మెడ్లీలు ఉన్నాయి. కొన్ని పాట‌ల‌ తో పాటు బాలీవుడ్ అండ్ కో తో లండన్‌కు చెందిన డ్యాన్సర్‌లు కూడా ప్ర‌ద‌ర్శ‌న ఇచ్చారు.

వారు సినిమా ఒరిజినల్‌ల నుండి ప్రేరణ పొందిన నృత్య సన్నివేశాలను ప్రదర్శించారు. సంగీత విద్వాంసులు టిమ్ పొట్టియర్, సౌరభ్ శివకుమార్, నాథన్ దురాసామి, మైఖేల్ సీల్ లైవ్ ఆర్కెస్ట్రా కోసం ఏర్పాట్లు చేశారు. CBSO కళాకారులు వయోలిన్, సెల్లోలు, క్లారినెట్‌లు మరియు తబలా, ఢోలక్ , ధోల్ వంటి అనేక వాయిద్యాలను మిళితం చేసి వేలాది మందితో కలిసి పాడారు. అలాగే నృత్యం చేశారు. ఇది ఒక దశాబ్దానికి పైగా వార్షిక ప్రోమ్స్‌లో మొదటి బాలీవుడ్ వేడుకగా గుర్తింపు ద‌క్కించుకుంది. అధికారికంగా హెన్రీ వుడ్ ప్రొమెనేడ్ కచేరీలు అని పేరు పెట్టారు. వీటిని ఎనిమిది వారాల పాటు BBC ప్రత్యక్ష ప్రసారం చేస్తుంది.

ప్రపంచ వ్యాప్తంగా ఉన్న కళా ప్రక్రియలు - కళాకారులతో ప్రోమ్ ఉత్స‌వాలు జరుగుతాయి. ఈ సంవత్సరం మేము పోర్చుగీస్ ఫాడో .. నార్తర్న్ సోల్‌ని మొదటిసారిగా ప్రోమ్స్‌కి తీసుకువచ్చాము. అలాగే బాలీవుడ్ ప్లేబ్యాక్ సింగర్ లతా మంగేష్కర్‌కి నివాళులర్పిస్తున్నాము అని BBC ప్రోమ్స్ డైరెక్టర్ డేవిడ్ పిక్కార్డ్ వెల్ల‌డించారు.