పిక్ టాక్‌ : అందమైన బీచ్ లో అందంగా శ్వేత
శ్వేత ఆ సమయంలో కొన్ని అనవసర ఎంపికల వల్ల కెరీర్ లో నష్టపోయింది.
By: Tupaki Desk | 25 Nov 2023 10:41 AM GMT
కొత్త బంగారు లోకం సినిమా తో హీరోయిన్ గా తెలుగు ప్రేక్షకులకు పరిచయం అయిన శ్వేత బసు ప్రసాద్‌ తక్కువ సమయంలోనే హీరోయిన్ గా మంచి గుర్తింపు దక్కించుకుంది. మొదటి సినిమా హిట్ అవ్వడంతో పాటు, ఆ సినిమాలోని శ్వేత నటనకు మంచి మార్కులు పడ్డాయి. ఆ తర్వాత కూడా మంచి ఆఫర్లు దక్కాయి.
శ్వేత ఆ సమయంలో కొన్ని అనవసర ఎంపికల వల్ల కెరీర్ లో నష్టపోయింది. ఇండస్ట్రీలో అడుగు పెట్టి ఇన్నాళ్లు అయినా కూడా శ్వేత బసు ప్రసాద్‌ ని జనాలు గుర్తుంచుకున్నారు అంటే అది కచ్చితంగా ఆమె సోషల్ మీడియా ద్వారా షేర్ చేసే అందమైన ఫోటోలు, వీడియోలు అనడంలో సందేహం లేదు.
తాజాగా మరోసారి బీచ్ లో బికినీ తో సందడి చేసి ఆ ఫోటోలను సోషల్ మీడియా ద్వారా షేర్ చేసుకుంది. గోవాలో జరిగిన IFFI లో శ్వేత బసు పాల్గొంది. ఆ సందర్భంగా చాలా కాలం తర్వాత గోవా బీచ్ లో అంటూ ఈ ఫోటోలను సోషల్ మీడియా ద్వారా షేర్ చేసింది. బికినీ అందంతో శ్వేత బసు ప్రసాద్‌ చూపు తిప్పుకోనివ్వడం లేదు అంటూ నెటిజన్స్ కామెంట్స్ చేస్తున్నారు.
ఆ మధ్య కాస్త బరువు పెరిగినట్లు అనిపించిన శ్వేత మళ్లీ బరువు తగ్గి ఆకర్షణీయంగా కనిపిస్తోందని ఈ ఫోటోలు చూసిన నెటిజన్లు అభిప్రాయం వ్యక్తం చేస్తున్నారు. అంతే కాకుండా ఈ ఫోటోల్లో బికినీ లో ఉన్న శ్వేత బసు ను ఫిల్మ్‌ మేకర్స్ చూస్తే తప్పకుండా మంచి ఆఫర్లు వస్తాయి అనే నమ్మకం ను కొందరు వ్యక్తం చేస్తున్నారు. వెబ్‌ సిరీస్ ల్లో కూడా శ్వేత బసుకి ఛాన్స్ రావాలని కొందరు కోరుకుంటున్నాం అంటున్నారు.
