ప్రారంభానికి ముందే చెక్ పెట్టిన హీరోలు!

స్టార్ హీరోల సినిమాలు మ‌ధ్య‌లో ఆగిపోవ‌డం అన్న‌ది చాలా రేర్. ఎంతో బ‌ల‌మైన కార‌ణాలుంటే త‌ప్ప మ‌ధ్య‌లో ఆగిపోవ‌డం అన్న‌ది జ‌ర‌గ‌దు. కార‌ణాల విష‌యానికి వ‌స్తే ర‌క‌ర‌కాలుగా ఉంటాయి. క్రియేటివి డిప‌రెన్స్ కావొచ్చు. ఆర్దిక ఇబ్బందులు కావొచ్చు. ప్రధానంగా ఈ రెండు కార‌ణ‌ల‌తో ప్రాజెక్ట్ లు బ్రేక్ అవుతుంటాయి. అయితే ఈ ర‌కంగా గ‌తంలో జ‌రిగేది. ఇలాంటి కార‌ణాల‌తో ఇప్పుడు అలాంటి ప‌రిస్థితులు పెద్ద‌గా చోటు చేసుకోవ‌డం లేదు. ఆ మ‌ధ్య మెగాప‌వ‌ర్ స్టార్ రామ్ చ‌ర‌ణ్‌-కొర‌టాల శివ ప్రాజెక్ట్ మాత్రం ప్రారంభోత్స‌వం అనంత‌రం ఆగిపోయింది.

ఆ సినిమా రెగ్యుల‌ర్ షూట్ మొద‌లు కాక‌పోవ‌డంతో న‌ష్టాల నుంచి బ‌య‌ట పడింది. లేదంటే నిర్మాత‌కి భారీ న‌ష్టం త‌ప్పేది కాదు. తాజాగా మ‌రికొన్ని కాంబినేష‌న్లు ప్రారంభోత్స‌వానికి కూడా ఛాన్స్ లేకుండా ముందుగానే ఓ మాట అనేసుకుని ఆగిపోయిన‌ట్లు తెలుస్తోంది. నేచుర‌ల్ స్టార్ నాని క‌థ‌నాయ‌కుడిగా బ‌లగం వేణు ద‌ర్శ‌క‌త్వంలో `ఎల్ల‌మ్మ` అనే సినిమాని ప్ర‌క‌టించిన సంగ‌తి తెలిసిందే. ఈ చిత్రాన్ని దిల్ రాజు నిర్మించ‌డానికి ఒప్పందం చేసుకున్నారు. అయితే ఇప్పుడీ సినిమా ఆగిపోయింద‌ని స‌మాచారం.

`ఎల్ల‌మ్మ` క‌థ‌..శ్రీకాంత్ ఓదెల నానికి చెప్పిన క‌థ స‌మీపంగా ఉండ‌టంతో వేణు ప్రాజెక్ట్ ని ఆపేసిన‌ట్లు వార్త‌లొస్తున్నాయి. అదే నిజ‌మైతే వేణు మ‌రో క‌థ‌తో నానిని ఒప్పించాల్సి ఉంటుంది. అలాగే ఐకాన్ స్టార్ అల్లు అర్జున్ - అట్లీ ప్రాజెక్ట్ కూడా ఆగిపోయిన‌ట్లు వార్త‌లొస్తున్నాయి. ఈ సినిమా ఆగిపోవ‌డానికి చాలా కార‌ణాలు వినిపిస్తున్నాయి. బ‌న్నీకి స్టోరీ న‌చ్చ‌లేద‌ని, అట్లీ భారీ గా పారితోషికం డిమాండ్ చేసాడ‌ని, బాలీవుడ్ హీరోల రాజ‌కీయాలు ఉన్నాయ‌ని ఇలా కొన్ని కార‌ణాలు వైర‌ల్ అవుతున్నాయి.

అందులో స్ప‌ష్ట‌త రావాల్సి ఉంది. అలాగే ర‌వితేజ‌-గోపీచంద్ మ‌లినేని కూడా ఓ సినిమా ప్ర‌క‌టించిన సంగ‌తి తెలిసిందే. అయితే ఈ సినిమా బ‌డ్జెట్ కార‌ణంగా ఆగిపోయిందంటున్నారు. వ‌రుస వైఫ‌ల్యాల‌తో ఉన్న ర‌వితేజ పై ఇప్పుడంత బ‌డ్జెట్ పెడితే న‌ష్ట‌మ‌ని భావించిన నిర్మాత వెన‌క్కి త‌గ్గుతున్న‌ట్లు వార్త‌లొస్తున్నాయి. అలాగే సాయితేజ్- సంత‌ప్ నందిల సినిమా `గాంజా శంక‌ర్` కూడా బ‌డ్జెట్ కార‌ణంగా ఆగిపోయింద‌ని ఇప్ప‌టికే ప్రచారంలో ఉంది. అయితే ఇవేవి ప్రారంభోత్స‌వం కూడా చేసుకోలేదు. దీంతో ఆ సినిమాల‌కు ఆ ర‌క‌మైన న‌ష్టం కూడా ఎదుర‌వ్వ‌లేదు. మొద‌లై ఆగిపోవ‌డం కంటే ముందే ర‌ద్ద‌వ్వ‌డం అన్న‌ది మంచి విష‌య‌మే.