కోనసీమ అందాల నడుమ భైరవం లవ్ ట్రాక్!

బెల్లంకొండ శ్రీనివాస్ నెక్స్ట్ మరో మాస్ హై వోల్టేజ్ సినిమాతో ప్రేక్షకుల ముందుకు రాబోతున్నాడు. అదే ‘భైరవం’. యాక్షన్ డ్రామాగా రూపొందుతున్న ఈ సినిమాలో మంచు మనోజ్, నారా రోహిత్, బెల్లంకొండ సాయిశ్రీనివాస్ ప్రధాన పాత్రల్లో కనిపించనున్నారు. యూనిట్ విడుదల చేసిన ఫస్ట్ లుక్ పోస్టర్లు ఇప్పటికే మంచి క్రేజ్ తెచ్చుకున్నాయి. ఈ తాజా లవ్ సాంగ్ షూట్ ద్వారా ప్రేక్షకుల అంచనాలు మరింత పెరిగాయి.

కోనసీమ అందాలను బ్యాక్‌డ్రాప్‌గా ల్ ‘భైరవం’ చిత్రానికి సంబంధించిన తాజా లవ్ సాంగ్‌ షూటింగ్ జరుగుతోంది. ఈ సినిమాలో హీరో బెల్లంకొండ సాయిశ్రీనివాస్, హీరోయిన్ అదితి శంకర్ మధ్య రొమాంటిక్ సీన్స్‌ను చిత్రీకరిస్తున్నారు. నేచురల్ లొకేషన్స్‌లో అందంగా పిక్చరైజ్ చేస్తున్న ఈ సాంగ్‌కు శ్రీచరణ్ పాకాల సంగీతం అందించారు. ప్రస్తుతం పాట షూటింగ్ శరవేగంగా కొనసాగుతోంది, ఇక ఫస్ట్ లిరికల్ సాంగ్ త్వరలో విడుదల కానుంది.

దర్శకుడు విజయ్ కనకమేడల ఈ చిత్రాన్ని ప్రత్యేకమైన కథాంశంతో తెరకెక్కిస్తున్నారు. అదితి శంకర్ ఈ సినిమాలో గ్రామీణ వాతావరణంలోని అందమైన పల్లెటూరి అమ్మాయిగా ‘వెన్నెల’ పాత్రలో నటిస్తున్నారు. లవ్ ట్రాక్‌లో అదితి శంకర్ అద్భుతమైన నేచురల్ ప్రెజెన్స్‌తో క్యారెక్టర్‌లో ఒదిగిపోయారు. అందుకు జతగా బెల్లంకొండ సాయిశ్రీనివాస్‌ తనదైన స్టైల్లో ఆకట్టుకుంటున్నారు. ఇక లొకేషన్ లో దర్శకుడు హీరో హీరోయిన్ ఈ విధంగా పోటోలకు స్టిల్స్ ఇచ్చారు.

ఈ సినిమాలో మరో ముఖ్యమైన పాత్రను ప్రియమణి పోషిస్తున్నారు. అదనపు ఆసక్తి రేకెత్తిస్తున్న ఈ పాత్రతో పాటు ముగ్గురు హీరోల మధ్య వచ్చే క్లాష్ ప్రేక్షకులను ఆకట్టుకునే విధంగా ఉండబోతుందని మేకర్స్ తెలిపారు. శ్రీచరణ్ పాకాల బ్యాక్‌గ్రౌండ్ స్కోర్ సినిమా హైలైట్‌గా నిలవనుందట. విభిన్నమైన కథతోపాటు అద్భుతమైన సాంకేతిక నైపుణ్యాలు ఈ చిత్రాన్ని మరింత ప్రత్యేకతను అందించనున్నాయి.

‘భైరవం’ చిత్రాన్ని శ్రీ సత్యసాయి ఆర్ట్స్ పతాకంపై కేకే రాధామోహన్ నిర్మిస్తున్నారు. ఈ చిత్రానికి సంబంధించిన తాజా అప్‌డేట్‌తో సినిమా పై ఆసక్తి మరింత పెరిగింది. ఆడియో నుంచి యాక్షన్ సీక్వెన్స్ వరకు అన్ని హంగులు మిక్స్ చేసిన ఈ సినిమా ప్రేక్షకులను సరికొత్తగా ఆకట్టుకోనుందని చెబుతున్నారు. ఇక సినిమా పవర్ఫుల్ టెక్నికల్ టీమ్‌తో రూపొందుతున్నట్లు తెలుస్తోంది. ఇక సినిమాను మొదట సంక్రాంతి టైమ్ లో విడుదల చేయాలని అనుకున్నప్పటికి సాధ్యం కాలేదు. త్వరలోనే న్యూ రిలీజ్ డేట్ పై క్లారిటీ ఇవ్వనున్నారు.