దాదా బ‌యోపిక్ షురూ

మాజీ క్రికెట‌ర్ బెంగాల్ దాదా సౌర‌వ్ గంగూలీ బ‌యోపిక్ పై ఇప్ప‌టికే చాలా క‌థ‌నాలు వెలువ‌డ్డాయి. స్టార్ బ్యాట్స్ మెన్ గా వెలిగిన దాదా బ‌యోపిక్ కోసం చాలా మంది అభిమానులు ఎదురు చూస్తున్నారు. కానీ ఇంత‌వ‌ర‌కూ ఆ క‌ల నెర వేర‌లేదు. ఇదిగో వ‌స్తుంది..అదిగో తీస్తున్నారని బాలీవుడ్ ప్రచారం త‌ప్ప ఇంత‌వ ర‌కూ అది సాద్య‌ప‌డ‌లేదు. అలాగ‌ని ఇదంతా త‌ప్పుడు ప్ర‌చార‌మ‌ని బాలీవుడ్ ఖండించ‌లేదు. ఈ నేప‌థ్యంలో దాదా బ‌యోపిక్ లో ఏ న‌టుడు న‌టిస్తాడు? అన్న‌ది చాలా కాలంగా ఆస‌క్తి మారిన అంశం.

తాజాగా వాట‌న్నింటిపై ఓ క్లారిటీ వ‌చ్చిన‌ట్లు తెలుస్తుంది. దాదా బ‌యోపిక్ లో నేను న‌టిస్తున్నాను అని డైరెక్ట్ గా చెప్ప‌కుండా ఇండైర‌క్ట్ గా బాలీవుడ్ న‌టుడు ఆయుశ్మాన్ ఖురానా వ్యాఖ్యానించాడు. `క్రికెట్ క‌థాంశంగా తెర‌కెక్కే సినిమాలో న‌టించాల‌నేది ఎన్నో ఏళ్ల క‌ల‌. ఆ కోరిక త్వ‌ర‌లోనే నెర‌వేరుతుంది. ఇలాంటి అవ‌కాశం వ‌చ్చిన‌ప్పుడు నాలో స‌త్తా ఏంటి? అన్న‌ది నిరూపించ‌డానికి ఛాన్స్ ఉంటుంది` అని అన్నాడు.

మ‌రి ఆయుశ్మాన్ ని గంగూలీ పాత్ర‌కు ఎలా ఫైన‌ల్ చేస్తున్న‌ట్లు? అంటే గ‌తంలోనే దాదా పాత్ర‌లో ఆయుశ్మాన్ న‌టిస్తున్నాడ‌ని బాలీవుడ్ మీడియాలో పెద్ద చ‌ర్చ సాగింది. దీనిపై భిన్న వాద‌న‌లు కూడా తెర‌పైకి వ‌చ్చాయి. అత‌నెలా అర్హుడు అవుతాడంటూ ఖండించిన వారు ఉన్నారు. ఆయుశ్మాన్ ఆస‌క్తిని ప్రోత్స‌హించిన వారు ఉన్నారు. ఆయుశ్మాన్ కేవ‌లం న‌టుడు మాత్ర‌మే కాదు.

అత‌ను మంచి క్రికెటర్ కూడా. అండ‌ర్ 19 పంజాబ్ జ‌ట్టు త‌రుపున ఎన్నో మ్యాచులు ఆడాడు. అంత‌ర్జాతీయ ప్లేయ‌ర్ కావాల‌నుకున్నాడు. కానీ అది సాధ్య‌ప‌డలేదు. దీంతో న‌టుడిగా బాలీవుడ్ లో తెరంగేట్రం చేసాడు. హీరోగా స‌క్సెస్ అయి రియ‌ల్ లైఫ్ లో సాధించ‌లేనిది రీల్ లైఫ్ లో సాధించ‌డానికి రెడీ అవుతున్నాడు. మ‌రి ఈ చిత్రాన్ని ఎవ‌రు టేక‌ప్ చేస్తారు? నిర్మాణ సంస్థ గా ముందుకొచ్చేది ఎవ‌రు? అన్న‌ది తెలియాలి. అలాగే అక్కినేని అఖిల్ కూడా మంచి క్రికెటర్ అవ్వాల‌నుకున్నాడు. కానీ సాధ్య‌ప డ‌లేదు. తండ్రి నాగార్జున వార‌స‌త్వాన్ని పుణికి పుచ్చుకుని సినిమాలు చేస్తోన్న సంగ‌తి తెలిసిందే.