భగవంత్ కేస‌రితో నువ్వా నేనా అంటే ఢీ
నందమూరి బాలకృష్ణ న‌టించిన 'భగవంత్ కేసరి' చిత్రం దసరా కానుక‌గా అక్టోబర్ 19న విడుదలకు సిద్ధమవుతోంది
By: Tupaki Desk | 15 Aug 2023 4:13 AM GMT
నందమూరి బాలకృష్ణ న‌టించిన 'భగవంత్ కేసరి' చిత్రం దసరా కానుక‌గా అక్టోబర్ 19న విడుదలకు సిద్ధమవుతోంది. అనిల్ రావిపూడి ఈ చిత్రానికి ద‌ర్శ‌క‌త్వం వ‌హిస్తున్నారు. చిత్రీక‌ర‌ణ శరవేగంగా పూర్త‌వుతోంది. ఈ చిత్రంలో బాలీవుడ్ న‌టుడు అర్జున్ రాంపాల్ కీల‌క పాత్ర‌ను పోషిస్తున్న సంగ‌తి తెలిసిందే. తాజా స‌మాచారం మేర‌కు.. అత‌డు త‌న షూటింగ్ పార్ట్ పూర్తి చేసుకున్నాడు.
ఈ చిత్రంతో టాలీవుడ్‌లోకి అరంగేట్రం చేస్తున్న అర్జున్ రాంపాల్ సెట్లో టీమ్ తో ఎంతో బాగా క‌లిసిపోయారు. భగవంత్ కేసరి సెట్స్ లో న‌ట‌సింహా నందమూరి బాలకృష్ణతో అత‌డు ఎంతో జోవియ‌ల్ గా క‌నిపించాడు. ఆ ఇరువురి న‌డుమా కెమిస్ట్రీ పెద్ద రేంజులో వ‌ర్క‌వుట‌వుతుంద‌ని టీమ్ చెబుతోంది. ఇక టాలీవుడ్ లో అత‌డి కెరీర్ మ‌రింత ఎద‌గాల‌ని చిత్ర‌బృందం కోరుకుంటోంది. అలాగే ఈ చిత్రంలో రాంపాల్ పాత్ర పేరు రాహుల్ సంఘ్వి అని వెల్లడించారు.
మేకర్స్ లీడ్ తార‌ల ఫస్ట్ లుక్ పోస్టర్‌లను ఆవిష్కరించారు. బాలకృష్ణ పుట్టినరోజు సందర్భంగా రిలీజ్ చేసిన పోస్ట‌ర్ కి అద్భుత స్పంద‌న వ‌చ్చింది. అఖండ లాంటి బ్లాక్ బ‌స్ట‌ర్ త‌ర్వాత వీర‌సింహారెడ్డితో మ‌రో విజ‌యాన్ని బాల‌య్య త‌న ఖాతాలో వేసుకున్నాడు. ఇప్పుడు భగవంత్ కేస‌రిగా అల‌రించేందుకు వ‌స్తున్నాడు. ఈ చిత్రానికి ఎస్.ఎస్ థమన్ సంగీతం అందించ‌గా..పాట‌ల ప్రమోషన్ కార్యక్రమాలు కూడా త్వరలో ప్రారంభం కానున్నాయి. షైన్ స్క్రీన్స్ బ్యానర్‌పై సాహు గారపాటి, హరీష్ పెద్ది ఈ భారీ బడ్జెట్ ఎంటర్‌టైనర్‌ను నిర్మిస్తున్నారు.
