భగవంత్ కేసరి..అవార్డులకు మనసుంటే పరుగెత్తుకుంటూ వస్తాయ్..!

బాలకృష్ణ, అనిల్ రావిపుడి కాంబోలో వచ్చిన భగవంత్ కేసరి సినిమా భగవంత్ కేసరి దసరా సందర్భంగా రిలీజై సక్సెస్ ఫుల్ గా రన్ అవుతుంది. షైన్ స్క్రీన్ బ్యానర్ లో హరీష్ పెద్ది, సాహు గారపాటి ఈ సినిమా నిర్మించగా సినిమాలో కాజల్, శ్రీ లీల నటించారు. థమన్ మ్యూజిక్ అందించిన ఈ సినిమా సూపర్ సక్సెస్ అయ్యింది. ఈ సందర్భంగా భగవంత్ కేసరి బ్లాక్ బస్టర్ దావత్ సెలబ్రేషన్స్ నిర్వహించారు మేకర్స్.

ఈ సందర్భంగా దర్శకుడు అనిల్ రావ్పుడి చాలా జోష్ తో కనిపించారు. ఆయన ఎంత హ్యాపీగా ఉన్నారో వేడుకలో ఆయన్ను చూసిన వారికి అర్థమవుతుంది. ఇక సక్సెస్ సెలబ్రేషన్స్ లో అనిల్ రావిపుడి తన స్పీచ్ తో కూడా అదరగొట్టారు. సినిమాకు పనిచేసిన టెక్నికల్ టీం అందరికీ థాంక్స్ చెప్పిన అనిల్ తనకు సపోర్ట్ గా ఉన్న వారికి కృతజ్ఞతలు తెలిపాడు.

ఇక భగవంత్ కేసరి సినిమా బాలకృష్ణ గారితో చేయడం చాలా సంతోషంగా ఉందని అన్నారు. ఇక సినిమాలో బాలయ్య, శ్రీ లీల నటనకు నిజంగా అవార్డులకు మనసుంటే పరుగెత్తుకుంటూ వస్తాయని అన్నారు. అవార్డుల గురించి పెద్దగా ఐడియా లేదని కానీ వాటికి మనసుంటే మాత్రం బాలకృష్ణ, శ్రీ లీల దగ్గరకు వస్తాయని అన్నారు. ఈ సినిమా ద్వారా తను కూడా మెసేజ్ ఓరియెంటెడ్ సినిమాలు తీయగలననే నమ్మకం వచ్చందని తనకు ఈ నమ్మకాన్ని కలిగించిన ప్రేక్షకులకు పాదాభివందనం తెలిపారు. తన నెక్స్ట్ సినిమా కోసం కూడా ఇలానే కష్టపడతానని అన్నారు.

ఇదే వేడుకలో బాలయ్యతో మరో సినిమాకు తాను రెడీ అని అన్నారు అనిల్ రావిపుడి. బాలయ్య సై అంటే చాలు తాను కూడా సై అని అన్నారు. సినిమాలో బాలయ్యకు తొడకొట్టే సీన్ లేదని కొందరు విమర్శించారు. బాలయ్య బాబు తొడ కొట్టాల్సిన అవసరం లేదని ఈ సక్సెస్ అందుకున్న నిర్మాతలు తొడ కొడతారంటూ వేదికపై నిర్మాతలతో తొడ కొట్టించి తను కూడా తొడ కొట్టాడు అనిల్ రావిపుడి.

పటాస్ నుంచి భగవంత్ కేసరి వరకు వరుస సక్సెస్ లు అందుకుంటున్న డైరెక్టర్ గా అనిల్ రావిపుడి సూపర్ క్రేజ్ దక్కించుకున్నారు. భగవంత్ కేసరి సినిమాలో బాలయ్య మార్క్ యాక్షన్ తో పాటుగా సినిమాలో ఒక సోషల్ మెసేజ్ ఇవ్వడం అనేది ఆడియన్స్ కి బాగా రీచ్ అయ్యింది. అందుకే భగవంత్ కేసరి స్పెషల్ మూవీగా నిలిచింది.