మిస్టర్ బచ్చన్ బ్యూటీ.. తెలుగంధం ఉట్టిపడేలా

టాలీవుడ్ మాస్ మహారాజా రవితేజ లేటెస్ట్ మూవీ మిస్టర్ బచ్చన్.. రిలీజ్ కు సిద్ధమవుతున్న విషయం తెలిసిందే. స్టార్ డైరెక్టర్ హరీష్ శంకర్ దర్శకత్వం వహిస్తున్న ఈ సినిమా షూటింగ్ రీసెంట్ గా కంప్లీట్ అయింది. ప్రస్తుతం పోస్ట్ ప్రొడక్షన్ దశలో ఉన్న ఈ చిత్రం.. ఇండిపెండెన్స్ కానుకగా ఆగస్టు 15వ తేదీన ప్రేక్షకుల ముందుకు రానుంది. అయితే ఈ సినిమాతో మరాఠీ బ్యూటీ భాగ్యశ్రీ బొర్సే తెలుగు సినీ ఇండస్ట్రీలోకి ఎంట్రీ ఇస్తోంది.

ఇప్పటికే ఈ సినిమా నుంచి రిలీజ్ అయిన సాంగ్స్, పోస్టర్లు, గ్లింప్సెస్స్ లో భాగ్యశ్రీ తన లుక్స్ తో ఆకట్టుకుంది. ఆమె అందానికి అంతా ఫిదా అయిపోయారు. ఒక్కో ప్రోమో వస్తుంటే.. అమ్మడి క్రేజ్ ఇంకా పెరిగిపోతోంది. కుర్రాళ్లందరికీ డ్రీమ్ గర్ల్ గా మారిపోతోంది. సోషల్ మీడియాలో విపరీతంగా ఫాలోవర్స్ ను సొంతం చేసుకుంటోంది. రోజురోజుకు భారీగా పెంచుకుంటోంది. అయితే డెబ్యూ మూవీ రిలీజ్ ముందుకు భాగ్య శ్రీ పూజలు ఇప్పుడు వైరల్ గా మారాయి.

హైదరాబాద్ లోని ఒక ఆలయానికి వెళ్లింది భాగ్యశ్రీ బొర్సే. ప్రత్యేక పూజలు జరిపి ఆలయ పూజారి నుంచి ఆశీర్వాదం తీసుకుంది. అందుకు సంబంధించిన పిక్ ఇప్పుడు వైరల్ గా మారింది. అయితే బ్లూ కలర్ చీర కట్టుకుని సంప్రదాయంగా ఆలయానికి భాగ్యశ్రీ వెళ్లడం అట్రాక్టివ్ గా కనిపిస్తోంది. సిల్వర్ కలర్ జుంకాలు, మల్లెపూలు ప్రత్యేక ఆకర్షణగా నిలుస్తున్నాయి. చీరలో మహారాణి సూపర్ అంటూ నెటిజన్లు ప్రశంసలు కురిపిస్తూ ఆకాశానికెత్తేస్తున్నారు.

అచ్చమైన తెలుగు పడుచులా ఉందని పొగడుతున్నారు. చీరలో అందాల బొమ్మ అంటూ కొనియాడుతున్నారు. ఓ రేంజ్ లో ఫోటోను షేర్ చేస్తున్నారు. గ్లోయింగ్ స్కిన్ కు ఫిదా అయ్యామని చెబుతున్నారు. కుర్రాళ్ల కలల రాణి అని నెటిజన్లు అంటున్నారు. తెలుగులో ఈ బ్యూటీకి మంచి కెరీర్ ఉంటుందని జోస్యం చెబుతున్నారు. స్టార్ హీరో విజయ్ దేవరకొండ సినిమాలో భాగ్యశ్రీ హీరోయిన్ గా ఫిక్స్ అయిందని ఎప్పటి నుంచో వార్తలు వస్తున్నాయి.

పుణెకు చెందిన ఈ ముద్దుగుమ్మ.. మోడలింగ్ రంగంలో తనదైన గుర్తింపు సంపాదించుకుంది. అనేక బ్రాండ్స్ కు అంబాసిడర్ గా వ్యవహరిస్తోంది. యారియాన్ 2తో బాలీవుడ్ లోకి అడుగుపెట్టింది. అందాలు ఆరబోయడంలో ఏ మాత్రం తడబడని ఈ అమ్మాయి.. బీ టౌన్ ఆడియన్స్ కు తెగ నచ్చేసింది. ఇప్పుడు మిస్టర్ బచ్చన్ తో టాలీవుడ్ లో తన లక్ ను టెస్ట్ చేసుకోనుంది. మరి తెలుగు డెబ్యూ మూవీతో అమ్మడు ఎలా అలరిస్తుందో వేచి చూడాలి.