బచ్చన్‌ బ్యూటీ బ్లాక్ & వైట్‌ అందం చూశారా!
ఈ మధ్య కాలంలో టాలీవుడ్‌లో ఎక్కువగా వినిపిస్తున్న హీరోయిన్స్‌ పేర్లలో భాగ్యశ్రీ బోర్స్ పేరు ముందు వరుసలో ఉంటుంది అనడంలో సందేహం లేదు
By: Tupaki Desk | 5 Nov 2024 4:41 AM GMT
ఈ మధ్య కాలంలో టాలీవుడ్‌లో ఎక్కువగా వినిపిస్తున్న హీరోయిన్స్‌ పేర్లలో భాగ్యశ్రీ బోర్స్ పేరు ముందు వరుసలో ఉంటుంది అనడంలో సందేహం లేదు. బాలీవుడ్‌ సినిమాలు చందు ఛాంపియన్, యారియాన్ 2 ల్లో నటించిన ఈ అమ్మడు టాలీవుడ్‌లో రవితేజ హీరోగా నటించిన 'మిస్టర్ బచ్చన్‌' లో నటించింది. ఆ సినిమా ఫ్లాప్‌ అయినా భాగ్యశ్రీ కి మంచి మార్కులు పడ్డాయి. సోషల్‌ మీడియాలో ఆమెకు ఉన్న ఫాలోయింగ్‌ గురించి ప్రత్యేకంగా చెప్పనక్కర్లేదు. ఇండస్ట్రీలో అడుగు పెట్టి కొంత కాలమే అయినా అప్పుడే ఇన్‌స్టాగ్రామ్‌లో మిలియన్‌ మంది ఫాలోవర్స్ ను సొంతం చేసుకుంది. ప్రస్తుతం సినిమాలతో బిజీ బిజీగా ఉన్న ఈమె సోషల్‌ మీడియాలో రెగ్యులర్‌గా సందడి చేస్తూ ఉంటుంది.
మిస్టర్ బచ్చన్‌ సినిమాలో భాగ్యశ్రీ బోర్స్ అందాల ఆరబోత చేసింది. సినిమాకి ఆమె అందం ప్రధాన ఆకర్షణ అంటూ రివ్యూలు వచ్చాయి. నటనకు ఆ సినిమాలో ఎక్కువ స్కోప్ దక్కలేదు. అయినా తనకు సాధ్యం అయినంత వరకు నటించి మెప్పించిందనే అభిప్రాయం వ్యక్తం అయింది. ఆ సినిమా తర్వాత విజయ్ దేవరకొండ హీరోగా గౌతమ్‌ తిన్ననూరి దర్శకత్వంలో రూపొందుతున్న సినిమాలో ఈ అమ్మడు హీరోయిన్‌గా నటిస్తోంది. విజయ్ దేవరకొండకు భాగ్యశ్రీ భలే జోడీ అనే అభిప్రాయంను సోషల్‌ మీడియా జనాలతో పాటు సినీ విశ్లేషకులు అభిప్రాయం వ్యక్తం చేస్తున్నారు.
రెగ్యులర్‌గా సోషల్‌ మీడియా ద్వారా ఫోటోలను షేర్‌ చేస్తూ ఉండే భాగ్యశ్రీ బోర్స్ ఈసారి ఇలా బ్లాక్ అండ్‌ వైట్‌ ఫోటోలను షేర్‌ చేసింది. సాధారణంగా బ్లాక్ అండ్‌ వైట్‌ ఫోటోలు పెద్దగా చూపరులను ఆకర్షించలేవు. కలర్‌ ఫుల్‌గా ఉన్న ఫోటోలతో పోల్చితే బ్లాక్ అండ్‌ వైట్‌ ఫోటోల పట్ల నెటిజన్స్ అంతగా ఆసక్తి చూపించరు. కానీ భాగ్యశ్రీ ఈ బ్లాక్ అండ్‌ వైట్‌ ఫోటోల్లోనూ భలే అందంగా ఉండటం వల్ల నెట్టింట ఈ ఫోటోలు వైరల్‌ అవుతున్నాయి. ఒక సినిమా సెట్స్‌ లో ఈ స్టిల్స్ తీసుకున్నట్లుగా తెలుస్తోంది. సింపుల్‌ అండ్‌ క్యూట్‌ ఎక్స్‌ప్రెషన్స్ తో భాగ్యశ్రీను చూసిన నెటిజన్స్ లైక్ చేయకుండా ఉండలేక పోతున్నారు.
ఇంతకు ముందు భాగ్యశ్రీ షేర్‌ చేసిన ఫోటోలు చాలా సార్లు సోషల్‌ మీడియాలో వైరల్‌ అయ్యాయి. అయితే ఈసారి అంతకు మించి అన్నట్లు ఈ బ్లాక్ అండ్‌ వైట్‌ స్టిల్స్ ప్రేక్షకుల దృష్టిని ఆకర్షిస్తున్నాయి. నెట్టింట అందరి దృష్టిని ఆకర్షిస్తున్న ఈ అమ్మడు ముందు ముందు టాలీవుడ్‌ టాప్‌ స్టార్‌ హీరోలతో సినిమాలు చేసే అవకాశాలు ఉన్నాయంటూ ఇండస్ట్రీ వర్గాల్లో టాక్‌ వినిపిస్తుంది. విజయ్ దేవరకొండ, గౌతమ్‌ తిన్ననూరి కాంబోలో రూపొందుతున్న మూవీ హిట్‌ అయితే కచ్చితంగా రాబోయే రోజులు మొత్తం భాగ్యశ్రీ బోర్స్ వే అంటూ సినీ విశ్లేషకులు నమ్మకం వ్యక్తం చేస్తున్నారు.
