ముచ్చ‌ట‌గా మూడు లాక్ చేసిందిలా!
వ‌చ్చిన అవ‌కాశంతో ట్యాలెంటెడ్ బ్యూటీన‌ని నిరూపించుకుంది.
By: Tupaki Desk | 20 Nov 2024 5:59 AM GMT
'మిస్ట‌ర్ బ‌చ్చ‌న్' తో టాలీవుడ్ కి ఎంట్రీ ఇచ్చిన భాగ్య‌శ్రీ భోర్సే సుప‌రిచిత‌మే. అమ్మ‌డికి తొలి సినిమా ప్లాప్ ఇచ్చినా? న‌ట‌న పరంగా పాస్ అయిపోయింది. వ‌చ్చిన అవ‌కాశంతో ట్యాలెంటెడ్ బ్యూటీన‌ని నిరూపించుకుంది. సోగ‌స‌రి న‌ట‌న‌లో ఈజ్ ఉంది. హీరోయిన్ ప‌క్క‌న హీరోయిన్ అనే లెక్క‌లో కాకుండా వినూత్నమైన న‌ట‌న‌తో రీచ్ అయింది. ప్ర‌స్తుతం దుల్క‌ర్ స‌ల్మాన్ , రానా న‌టిస్తోన్న 'కాంత'లో హీరోయిన్ గా న‌టిస్తోంది. ఇది భాగ్య‌శ్రీకి రెండ‌వ సినిమా.
తాజాగా మూడ‌వ సినిమా కూడా ఖాతాలో వేసుకుంది. ఎనర్జిటిక్ స్టార్ రామ్ హీరోగా మైత్రీ మూవీ మేక‌ర్స్ ఓ సినిమా నిర్మిస్తుంది. ఇది రామ్ కి 22వ సినిమా. ఇందులో ఆయ‌న‌కు జోడీగా భాగ్య‌శ్రీని ఎంపిక చేసారు. ఎనర్జిటిక్ స్టార్ కి జోడీగా తీసుకున్నారంటే? ఆయ‌న న‌ట‌న మ్యాచ్ చేయాలి. అందులో భాగ్య శ్రీ ఎక్క‌డా త‌గ్గే న‌టి కాదు. రామ్ కి పోటీగా న‌టించ‌గల స‌మ‌ర్దురాలే. 'మిస్ట‌ర్ బ‌చ్చ‌న్' లో ర‌వితేజ‌కి జోడీగా పోటీగా న‌టించింది.
అమ్మ‌డు ఎక్క‌డా డెబ్యూ అనే ఫీల్ తీసుకురాకుండా చేయ‌డంతో మంచి స‌క్స‌స్ అయింది. మ‌హేష్ బాబు.పి ద‌ర్శ‌క‌త్వం వ‌హిస్తోన్న ఈ సినిమా మ‌రికొన్ని గంట‌ల్లో అధికారికంగా ప్రారంభం కానుంది. లైన‌ప్ లో ఉన్న సినిమాలు గనుక స‌క్సెస్ అయితే భాగ్య శ్రీ ట్యాలెంట్ కి త‌క్కువ స‌మ‌యంలోనే స్టార్ లీగ్ లో చేర‌డానికి అవ‌కాశం ఉంది. అమ్మ‌డు టాలీవుడ్ కంటే ముందే బాలీవుడ్లో లాంచ్ అయింది.
అక్క‌డ 'యారియాన్-2'లో న‌టించింది. ఇటీవ‌ల రిలీజ్ అయిన 'చుందు ఛాంపియ‌న్' తోనూ అల‌రించింది. కానీ అక్క‌డ ఆశించిన విధంగా ఛాన్సులు రాలేదు. ఈ క్ర‌మంలోనే టాలీవుడ్ లో అడ‌గు పెట్టింది. అయితే అమ్మ‌డి కెరీర్ ప్రారంభ‌మై ఏడాది మాత్ర‌మే గ‌డిచింది. మును ముందు మంచి భవిష్య‌త్ ఉంది. భాగ్య శ్రీది ఔరంగాబాద్. మోడ‌లింగ్ నుంచి సినిమాల్లోకి ఎంట్రీ ఇచ్చింది.
