భజే వాయువు వేగం.. రిలీజ్ కు ముందే అదిరిపోయే డీల్స్!

కార్తికేయ గుమ్మకొండ, ఐశ్వర్యా మేనన్ జంటగా నటించిన 'భజే వాయువు వేగం' సినిమా విడుదలకు ముందే తన కమర్షియల్ అంచనాలను మరింత పెంచుకుంది. ప్రశాంత్ రెడ్డి దర్శకత్వంలో తెరకెక్కిన ఈ డిఫరెంట్ యాక్షన్ థ్రిల్లర్, థియేట్రికల్ రిలీజ్‌కు ముందే భారీ మొత్తంలో డీల్‌లను సొంతం చేసుకుంది. ముందుగానే టీజర్ పోస్టర్స్ తో సినిమా మార్కెట్ లో పాజిటివ్ వైబ్ సొంతం చేసుకుంది.

RX100 సినిమాతో మంచి గుర్తింపు అందుకున్న కార్తికేయ ఆ తరువాత సక్సెస్ ఫెయిల్యూర్స్ తో సంబంధం లేకుండా అవకాశాలు అందుకుంటూ ఉన్నాడు. రెగ్యులర్ కమర్షియల్ జానర్ లో కాకుండా ప్రయోగాత్మకమైన కథలు సెలెక్ట్ చేసుకుంటూ వెళుతున్నాడు. ఇక ఇప్పుడు ఎలాగైనా మరో మంచి సక్సెస్ అందుకోవాలి అని భజే వాయువు వేగం సినిమాతో రెడీ అవుతున్నాడు.

ఇక విడుదలకు ముందే భజే వాయువు వేగం మార్కెట్ లో మంచి డీల్స్ ను అందించింది. ఈ సినిమా స్ట్రీమింగ్ హక్కులను నెట్‌ఫ్లిక్స్, శాటిలైట్ హక్కులను జీ టీవీ కొనుగోలు చేసినట్లు తెలుస్తోంది. ఓటీటీ హక్కులు 10 కోట్లకు అమ్ముడు కాగా శాటిలైట్ డీల్ 5 కోట్లకు సెట్టయినట్లు టాక్. ఈ రూట్లో మొత్తంగా రూ. 15 కోట్ల రేంజ్ లో టేబుల్ ప్రాఫిట్ దక్కినట్లు సమాచారం.

కమర్షియల్ డీల్స్ తో 'భజే వాయువు వేగం' సినిమా మీద అంచనాలను మరింత పెంచాయి. ఈ సినిమాను UV క్రియేషన్స్ సమర్పించగా, UV కన్సెప్ట్స్ నిర్మించింది. UV క్రియేషన్స్ బ్రాండ్ వాల్యూ కూడా ఈ డీల్‌లను సాధించడంలో ముఖ్య పాత్ర పోషించింది. రధన్ సంగీతాన్ని అందించిన ఈ చిత్రానికి కపిల్ కుమార్ బ్యాక్గ్రౌండ్ మ్యూజిక్ సమకూర్చారు. RD రాజశేఖర్ ఫోటోగ్రఫీ మరియు మధు శ్రీనివాస్ డైలాగ్స్ అందించారు.

ఈ సినిమాలో తండ్రి-కొడుకు భావోద్వేగం ప్రధాన కోణంగా ఉంటుందట. భజే వాయువు వేగం వరల్డ్ వైడ్ గా మే 31న థియేటర్లలో విడుదల కాబోతోంది. 'బేబీ', 'హనుమాన్', 'టిల్లూ స్క్వేర్' వంటి సినిమాల ద్వారా ఖ్యాతి పొందిన ధీరజ్ మోగిలినేని ఈ చిత్రాన్ని థియేట్రికల్ గా మార్కెట్లో విడుదల చేయడానికి ఒప్పందం చేసుకున్నారు. దీంతో సినిమాపై అంచనాలు పెరిగాయి.

సినిమా విడుదలకు ముందే జరిగిన ఈ కమర్షియల్ డీల్‌లు, 'భజే వాయువు వేగం' సినిమాకు మరింత ఆకర్షణను తెచ్చిపెట్టాయి. కార్తికేయ, ఐశ్వర్యా మేనన్ జంటగా ప్రేక్షకుల మనసులు దోచుకునే ఈ సినిమా, థియేట్రికల్ రిలీజ్ సమయంలో ఎలా స్పందన అందుకుంటుందో చూడాలి.