'భరతనాట్యం' టైటిలేమో క్లాసిక్.. టీజర్ మాత్రం థ్రిల్లర్​గా

తెలుగు చిత్ర సీమలో మరో కొత్త హీరో పరిచయం కానున్నాడు. అతడే సూర్య తేజ ఏలే. 'భరతనాట్యం' సినిమాతో రానున్నాడు. మీనాక్షి గోస్వామి హీరోయిన్. కామెడీ యాక్షన్ థ్రిల్లర్​ రానున్న ఈ సినిమా రీసెంట్​గానే ప్రమోషన్స్​ను ప్రారంభించుకుంది. ఇందులో భాగంగా ​ తాజాగా టీజర్​ను రిలీజ్​ చేశారు మేకర్స్​. ఇది ఆద్యంతం ఫన్ అండ్​ యాక్షన్​తో ఆకట్టుకుంటూ అందరీ దృష్టిని ఆకర్షిస్తోంది.

ఇండస్ట్రీలో కష్టపడే మనలాంటి హౌలాగాడి గురించే ఈ కథ అంటూ బ్యాక్‌ గ్రౌండ్ వాయిస్‌తో ఈ టీజర్ ప్రారంభమైంది. ఆ తర్వాత 'ఓ పేద అమ్మ, ఓ పేద నాన్న, ఒక శాడిస్టిక్ గర్ల్‌ఫ్రెండ్' అంటూ రొటీన్‌గా సాగిన ఈ ప్రచార చిత్రంలో ఆ తర్వాత అసలు కథ మొదలైంది. 'అలాంటి దరిద్రంలో నుంచి బయటపడడానికి ఓ తప్పు చేయడానికి సిద్ధమవుతాడు మన హీరో' అంటూ బ్యాక్‌గ్రౌండ్ వాయిస్​తో కామెడీగా సాగిన టీజర్​.. వెంటనే సీరియస్ మోడ్‌లోకి మారుతుంది.

భరతనాట్యం కావాలి అంటూ టీజర్ అంతా మంచి సీరియస్​గా ఇంట్రెస్టింగ్​గా సాగుతుంది. అయితే అసలు భరతనాట్యం ఏంటి అనేది టీజర్‌లో రివీల్ చేయలేదు మేకర్స్. టైటిల్ చూడడానికి క్లాసిక్‌గానే ఉన్నప్పటికీ.. ఇది ఓ క్రైమ్ కామెడీ జానర్‌లా సాగింది. మరి ఇంతకీ ఆ భరతనాట్యం అంటే తెలియాలంటే తెరపై చూడాల్సిందే..

ఇక ఈ చిత్రాన్ని దొరసాని ఫేమ్​ కేవీఆర్ మహేంద్ర తెరకెక్కిస్తున్నారు. మొదటి సినిమాతోనే ఆకట్టుకున్న ఈయన.. తన రెండో చిత్రాన్ని కూడా మంచిగా తెరకెక్కించినట్లు అర్థమవుతోంది. కథను గ్రిప్పింగ్​గా ప్రజెంట్ చేశారు. ఓ ఫ్రెష్ స్టోరీలా ఉంది. స్టోరీ టెల్లింగ్​, టెక్నికల్​ - ప్రొడక్షన్ స్టాండర్డ్స్​ అన్నీ బాగున్నాయి. కొత్త నటుడే అయినా హీరోగా సూర్య తేజ నటన కూడా బాగుంది.

వివేక్ సాగర్ అందించిన మ్యూజిక్, వెంకట్ ఆర్​ శకమురి కెమెరా వర్క్​ బాగానే ఉంది. రవితేజ గిరిజాలా ఎడిటర్​గా వ్యవహరించారు. పీఆర్​ ఫిల్మ్స్​ బ్యానర్​పై పాయల్​ షరఫ్​ సినిమాను నిర్మిస్తున్నారు. సినిమాలో వైవా హర్ష, హర్షవర్ధన్, అజయ్ ఘోష్, సలీం ఫేకు, టెంపర్ వంశీ వంటి చాలామంది ప్రముఖ నటీనటులు కీలక పాత్రలు పోషిస్తున్నారు. ఫైనల్​గా 'భరతనాట్యం' సినిమా ప్రేక్షకులకు సరికొత్త అనుభూతిని ఇస్తుందని టీమ్ కాన్ఫిడెంట్‌గా ఉంది.