భీమా న్యూ ఇయర్ సర్‌ప్రైజ్ అదిరింది
అయితే ఈ మధ్య కాలంలో ఎలాంటి హడావుడి లేకపోవడంతో అసలు సినిమా ఏమైంది అనే చర్చ మొదలైంది.
By: Tupaki Desk | 1 Jan 2024 9:35 AM GMT
యాక్షన్ హీరో గోపీచంద్ ప్రస్తుతం కన్నడ దర్శకుడు హర్ష దర్శకత్వంలో ఒక సినిమా ను చేస్తున్న విషయం తెల్సిందే. చాలా రోజుల క్రితం ఈ సినిమాను ప్రకటించారు. సినిమా ప్రకటించిన సమయంలో అందరి దృష్టిని ఆకర్షించారు. అయితే ఈ మధ్య కాలంలో ఎలాంటి హడావుడి లేకపోవడంతో అసలు సినిమా ఏమైంది అనే చర్చ మొదలైంది.
కొత్త సంవత్సరం కానుకగా గోపీచంద్, హర్ష సినిమా ఫస్ట్‌ లుక్ ను విడుదల చేయడం జరిగింది. భీమా అనే టైటిల్ తో ఈ సినిమాను గోపీచంద్ ప్రేక్షకుల ముందుకు తీసుకు రాబోతున్నాడు. ఈ సినిమాలో పోలీస్ ఆఫీసర్ గా గోపీచంద్ కనిపించబోతున్నాడని గతంలోనే ప్రకటన వచ్చిన విషయం తెల్సిందే.
తాజాగా పోలీస్ ఆఫీసర్ గెటప్ లో గోపీచంద్ ను చూపిస్తూ భీమా టైటిల్ తో పోస్టర్ ను విడుదల చేసి ప్రేక్షకులకు కొత్త సంవత్సరం శుభాకాంక్షలను యూనిట్ సభ్యులు తెలియజేశారు. ప్రస్తుతం ఈ సినిమా యొక్క షూటింగ్‌ మంగళూరులో జరుగుతున్నట్లుగా యూనిట్ సభ్యులు తెలియజేశారు.
దట్టమైన అటవీ ప్రాంతంలో గోపీచంద్ మరియు కొందరి పై యాక్షన్ సన్నివేశాలు చిత్రీకరణ జరుపుతున్నారు. కేజీఎఫ్ మరియు సలార్‌ సినిమాలకు సంగీత దర్శకుడిగా చేసిన రవి బస్రూర్‌ ఈ సినిమాకు సంగీతాన్ని అందిస్తుండటం విశేషం. మాళవిక శర్మ, ప్రియా భవానీ శంకర్‌ లు హీరోయిన్స్ గా నటిస్తున్నారు. సక్సెస్ కోసం వెయిట్‌ చేస్తున్న గోపీచంద్ కు భీమా సినిమా 2024 లో ఆ సక్సెస్ ను ఇచ్చేనా చూడాలి
