మళ్లీ రాబోతున్న భోళా.. ఫ్యాన్స్ కి హ్యాపీ, టెన్షన్‌

మెగాస్టార్‌ చిరంజీవి ఆచార్య సినిమా తీవ్రంగా నిరాశ పరిచిన నేపథ్యంలో మళ్లీ అలాంటి డిజాస్టర్స్ వద్దని అభిమానులు బలంగా కోరుకున్నారు. మెగాస్టార్ చిరంజీవి కూడా మరోసారి అలాంటి ఫ్లాప్‌ పడకుండా జాగ్రత్తగా ఉండాలి అన్నట్లుగా సినిమాల ఎంపిక విషయంలో చాలా జాగ్రత్తగా ఉంటూ వచ్చాడు. అయినా కూడా భోళా శంకర్ సినిమా తో అదే తరహా డిజాస్టర్‌ పడింది.

భోళా శంకర్ సినిమా గత నెలలో ప్రేక్షకుల ముందుకు వచ్చింది. మెహర్‌ రమేష్ దర్శకత్వంలో రూపొందిన ఈ సినిమా పై విడుదలకు ముందు భారీ అంచనాలు పెంచారు. కానీ అంచనాలను అందుకోవడంలో విఫలం అయ్యారు. సినిమాలో చిరంజీవి పాత్ర తీరును, హుందాగా లేదు అంటూ కొందరు విమర్శించారు. మరి కొందరు మరో రకంగా ట్రోల్స్ చేయడం జరిగింది.

సోషల్‌ మీడియాలో భోళా శంకర్ గురించి వారం పది రోజులు తెగ హడావిడి జరిగింది. ఫ్యాన్స్ కొందరు పాజిటివ్‌ గా కామెంట్స్ చేస్తే.. ఎక్కువ శాతం మంది విమర్శలు చేశారు, ట్రోల్స్‌ చేశారు. భోళా శంకర్ బాధ నుంచి మెల్లగా బయట పడుతున్న మెగా ఫ్యాన్స్ కి మళ్లీ టెన్షన్ మొదలు అయింది. త్వరలోనే నెట్‌ ఫ్లిక్స్ లో భోళా శంకర్ సినిమా ఓటీటీ స్ట్రీమింగ్ కు రెడీ అవుతోంది.

కొందరు ఫ్యాన్స్ మరోసారి చిరంజీవి ని భోళా శంకర్ గా చూడబోతున్నందుకు సంతోషంగా ఉంటే మరి కొందరు మాత్రం మళ్లీ చిరు ట్రోల్స్ బారిన పడుతాడు అనే బాధను టెన్షన్ ను వ్యక్తం చేస్తున్నారు. భోళా శంకర్‌ ఓటీటీ స్ట్రీమింగ్‌ కోసం చాలా ఆసక్తిగా ఎదురు చూస్తున్న ప్రేక్షకులకు అతి త్వరలోనే నెట్‌ ఫ్లిక్స్ నుండి గుడ్ న్యూస్ అందబోతుంది.

ఈ చిత్రంలో చిరంజీవి సోదరి పాత్ర లో కీర్తి సురేష్ నటించగా హీరోయిన్‌ గా మిల్కీ బ్యూటీ తమన్నా నటించింది. మహతి స్వర సాగర్ సంగీతాన్ని అందించిన ఈ సినిమా పాటలకు పాజిటివ్‌ రెస్పాన్స్ దక్కింది. అనిల్ సుంకర ఈ సినిమాను భారీ బడ్జెట్‌ తో నిర్మించాడు. జబర్దస్త్‌ కమెడియన్స్ పలువురు ఈ సినిమాలో నవ్వులు పూయించే ప్రయత్నం చేశారు.