మ‌రో 100 కోట్ల క్ల‌బ్?

'భూల్ భూలయ్యా'తో అక్షయ్ కుమార్ పెద్ద హిట్ ఇచ్చారు. ఆదిత్య శ్రీవాస్తవ్ అలియాస్ రూహ్ బాబా ఈ చిత్రాన్ని తెర‌కెక్కించారు. తర్వాత ఖిలాడీ అక్ష‌య్ కుమార్ స్థానంలో కార్తిక్ ఆర్యన్ క‌థానాయ‌కుడు అయ్యాడు. తొలి భాగంలో విద్యాబాల‌న్ క‌థానాయిక కాగా, పార్ట్ 2లో కియారా అద్వానీ క‌థానాయిక అయింది. అనీస్ బాజ్మీ సీక్వెల్ భూల్ భూలయ్యా 2కి ద‌ర్శ‌క‌త్వం వ‌హించారు.

రెండు సినిమాలూ పెద్ద హిట్ అయ్యాయి. పార్ట్ 2లో న‌టించిన కార్తీక్ ఆర్య‌న్ కి 100 కోట్ల క్ల‌బ్ ల‌భించింది. భూల్ భులయ్యా2లో జాతీయ ఉత్త‌మ న‌టి టబు కూడా నటించారు. క‌మ‌ర్షియ‌ల్ గా పెద్ద విజయాన్ని సాధించిన చిత్ర‌మిది. సినిమా విడుదలయ్యాక చాలా మంది ఈ చిత్రానికి మూడో భాగం కావాలని కోరుకున్నారు. ఇప్పుడు భూల్ భూలయ్యా 3 ప్రీ-ప్రొడక్షన్ మోడ్‌లో ఉంది. ఈ సినిమా కోసం ఖిలాడీ అక్ష‌య్ కుమార్ తిరిగి రావాల‌ని అభిమానులు కోరుకున్నారు. కానీ అక్ష‌య్ స్థానంలో కార్తీక్ తో రీప్లేస్ చేసారు కాబ‌ట్టి త‌దుప‌రి భాగంలోను అత‌డే క‌థానాయ‌కుడిగా కొన‌సాగాల్సి ఉంది.

తాజా క‌థ‌నాల ప్రకారం, సీనియ‌ర్ నటి టబు ఈ చిత్రం నుండి తప్పుకున్నారు. ఇప్పటివరకు ఈ చిత్రానికి కార్తీక్ ఆర్యన్ మాత్రమే ఖరారు అయ్యారు. అభిమానులు ఎంతో ఆత్రంగా ఎదురుచూస్తున్న భూల్ భూలయ్యా 3లో కార్తీక్ ఆర్యన్ మూల‌ స్తంభంగా నిలుస్తాడని తెలుస్తోంది. ఇప్ప‌టివ‌కూ మేక‌ర్స్ మరే నటుడిని సంప్రదించలేదు. చిత్రనిర్మాతలు ఇంకా ఇత‌ర‌ తారాగణం కోసం నటీనటులను సంప్రదించలేదు. ప్ర‌స్తుతానికి అంతా నిరీక్షిస్తున్నారు. అయితే ఫైన‌ల్ స్క్రిప్ట్ ఖరారు అయిన తర్వాత మాత్రమే ఇతర ప్రతిభావంతులను లాక్ చేస్తార‌ని కూడా తెలుస్తోంది. కథను ఖరారు చేసిన తర్వాత, స్క్రిప్ట్ డిమాండ్ మేరకు వారు నటీనటులను తీసుకుంటారని స‌మాచారం. ప్రస్తుతం కొంద‌రు నటీనటుల పేర్లు షికార్ చేస్తున్నాయి.

కార్తీక్ త‌దుప‌రి సినిమాలు ఇవే:

కార్తీక్ ఆర్యన్ చివరిసారిగా కియారా అద్వానీతో కలిసి 'సత్యప్రేమ్ కీ కథ'లో కనిపించారు. కార్తీక్ తదుపరి కబీర్ ఖాన్ జీవిత చరిత్ర చిత్రం 'చందు ఛాంపియన్‌'లో కనిపించనున్నాడు. సందీప్ మోడీ దర్శకత్వంలో కరణ్ జోహార్‌తో కార్తీక్ ఓ సినిమా చేయనున్నాడని ఇటీవలే వెల్లడైంది. దోస్తానా 2 క్యాన్సిల్ అయిన క్ర‌మంలో కార్తీక్ ఆర్య‌న్ పై త‌న కోపాన్ని ప్ర‌దర్శించిన నిర్మాత‌ క‌ర‌ణ్ జోహార్ మ‌ళ్లీ కార్తీక్ ఆర్య‌న్ తో సినిమా చేసేందుకు ఆస‌క్తిని క‌న‌బ‌ర‌చ‌డం హాట్ టాపిక్ గా మారింది.