ప్రియాంక చోప్రాకి యాంటీగా భూమీ ప‌డ్నేక‌ర్!

బాలీవుడ్ బ్యూటీ ప్రియాంక చోప్రా హాలీవుడ్ కి వెళ్లి గ్లోబ‌ల్ స్టార్ గా మారిన సంగ‌తి తెలిసిందే. `క్వాంటికో` వెబ్ సిరీస్ తో పీసీ ఓ సంల‌చ‌నంగా మారింది. అప్ప‌టి నుంచి అమ్మ‌డి కెరీర్ హాలీవుడ్ లో మారిపోయింది. కొత్త కొత్త ప్రాజెక్ట్ ల‌తో తారా స్థాయికి చేరింది. నిక్ జోనాస్ ని వివాహం చేసుకుని న్యూయార్క్ లో సెటిల్ అయింది. అయితే హాలీవుడ్ లో ఎదిగే క్ర‌మంలో ప్రియాంక భార‌తీయ సంప్ర‌దాయాల‌ను తుంగ లొకి తొక్కి వ్య‌వ‌హ‌రిస్తుంద‌నే విమ‌ర్శ‌లు తీవ్ర స్థాయిలోనే ఎదుర్కుంది.

`క్వాంటికో` సిరీస్ లో ఇంటిమేట్ స‌న్నివేశాల్లో న‌టించి తీవ్ర విమ‌ర్శ‌లు ఎదుర్కుంది. ఇది భార‌తీయ అమ్మాయి సంస్కృతి కాద‌ని... ప‌ద్ద‌తుల్ని పూర్తిగా విస్మ‌రించి వ్య‌వ‌హ‌రించింద‌ని , మ‌ళ్లీ భార‌త్ కు ఆమె తిరిగి వ‌చ్చే అవ‌కాశం లేకుండా బ‌హిష్క‌రించాల‌నే డిమాండ్ సైతం వ్య‌క్త‌మైంది. ఇప్ప‌టికీ ఆ ర‌క‌మైన విమ‌ర్శ‌ల‌ను అప్ప‌డ‌ప్పుడు ఎదుర్కుంటూనే ఉంటుంది. ఈ నేప‌థ్యంలో తాజాగా మ‌రో బాలీవుడ్ న‌టి భూమీ ప‌డ్నేక‌ర్ ప్రియాంక చోప్రాకి వ్య‌తిరేకంగా భార‌తీయ సంస్కృతిని అంత‌ర్జాతీయ స్థాయిలో స‌త్తా చాట‌డ‌మే క‌ర్త‌వ్యం అంటూ బ‌రిలోకి దిగుతుంది.

హాలీవుడ్ సినిమాల ద్వారా మ‌న సంస్కృతిని ప్ర‌పంచానికి గొప్ప‌గా చెబుతానంటూ సిద్ద‌మ‌వుతోంది. ప్ర‌పంచ దేశాలే భార‌తీయ సంస్కృతిని త‌న సినిమాల ద్వారా మాట్లాడుకునేలా చేస్తానంటోంది. భాష‌కు భాష‌తో హ‌ద్దుల‌తో సంబంధం లేదు. కానీ న‌టిగా కొన్ని ప‌రిమితులు విధించుకునే విదేశీ చిత్రాల్లో న‌టించాల‌నే ఉద్దేశాన్ని వ్య‌క్తం చేసింది. దీంతో ఇప్పుడీ వ్యాఖ్య‌లు నెట్టింట వైర‌ల్ గా మారాయి.

ప్రియాంక చోప్రాకి వ్య‌తిరేకంగానే భూమీ ప‌డ్నేక‌ర్ ఇలాంటి వ్యాఖ్య‌లు చేసింద‌నే వాద‌న తెర‌పైకి వ‌స్తోంది. ఈ నేప‌థ్యంలో భూమీ ప‌డ్నేక‌ర్ బాలీవుడ్ చ‌రిత్ర‌ను తవ్వ‌డం మొద‌లు పెట్టారు నెటి జ‌నులు. ల‌స్ట్ స్టోరీస్ లో భూమీ ప‌డ్నేకర్ బెడ్ రూమ్ సీన్ తీసి ఇదే భార‌త‌దేశం క‌ల్చ‌రా? అంటూ విమ‌ర్శ‌లు గుప్పిస్తున్నారు. ఇక్క‌డ ఇలాంటి స‌న్నివేశాలు చేస్తే రైట్...అదే ప‌ని విదేశాల్లో పీసీ చేస్తే త‌ప్పు అవుతుందా? అంటూ విమ‌ర్శిస్తున్నారు.