సలార్ - KGF సెట్ ఒకటేనా.. క్లారిటీ వచ్చేసింది

ప్రశాంత్ నీల్, ప్రభాస్ కాంబినేషన్లో తెరకెక్కిన లేటెస్ట్ మూవీ 'సలార్' డిసెంబర్ 22న రిలీజ్ కాబోతున్న విషయం తెలిసిందే. రిలీజ్ టైం దగ్గర పడుతుండడంతో సినిమాపై అంచనాలు మరింత పెరిగిపోతున్నాయి. మరోవైపు సోషల్ మీడియాలో సలార్ ప్రశాంత్ నీల్ కన్నడలో తెరకెక్కించిన ఉగ్రం సినిమాకి రీమేక్ అని ప్రచారం జరిగిన సంగతి తెలిసిందే. అంతేకాకుండా సలార్ మూవీని 'కేజిఎఫ్' సెట్స్ లో చిత్రీకరించారని కూడా కామెంట్స్ వినిపిస్తున్నాయి.

సలార్ ట్రైలర్ లో ఉన్న సెటప్ ని చూసి కచ్చితంగా ఈ మూవీని KGF సెట్స్ లోనే షూట్ చేసి ఉంటారని కొందరు అంటున్నారు. అయితే ఈ రూమర్స్ పై ఎట్టకేలకు సలార్ సినిమాటోగ్రాఫర్ భవన్ గౌడ క్లారిటీ ఇచ్చారు." సలార్ మూవీ స్కేల్ కాన్వాస్ పరంగా 'కేజీఎఫ్' కంటే 5 రెట్లు ఎక్కువ. ఇప్పటివరకు ఏ ఇండియన్ సినిమా షూట్ చేయనటువంటి బిగ్గెస్ట్ సెట్ వర్క్ సలార్ కోసం రూపొందించడం జరిగింది.

ఈ మూవీ షూటింగ్ కోసం దండు మైలారం ప్రాంతంలో 100 ఎకరాల్లో ప్రైవేట్ సెట్ వేశాం. రామోజీ ఫిలిం సిటీ లో కూడా షూటింగ్ చేసాం. ఈ రెండు సినిమాలకు ఒకే విధమైన డార్క్ సెట్లు ఉన్నాయని ప్రేక్షకులు భావించడంతోనే ఆ పోలిక వచ్చి ఉండొచ్చు కానీ కేవలం ట్రైలర్ లో విజువల్స్ తో మీరు సలార్ మూవీని అంచనా వేయలేరు" అంటూ చెప్పుకొచ్చారు భువన్ గౌడ. ఆ తర్వాత సలార్ కథ గురించి మాట్లాడుతూ..

"ప్రశాంత్ నీల్ ఇప్పటివరకు చేసిన దానికంటే సలార్ కథ చాలా పెద్దది. సినిమాలో లార్జర్ దెన్ లైఫ్ సీక్వెన్స్ కి జీవం పోయడం ఆయనకి చాలా పెద్ద సవాల్ గా మారింది" అని అన్నాడు. ఈ కామెంట్స్ తో భువన్ సలార్ కథ ప్రశాంత్ నీల్ గత సినిమాల మాదిరిగానే ఉంటుందని రూమర్స్ కి చెక్ పెట్టాడు. ఇదిలా ఉండగా సలార్ నుంచి నిన్న రిలీజ్ అయిన ఫస్ట్ సింగిల్ సూరీడే సాంగ్ ఆడియన్స్ నుంచి మంచి రెస్పాన్స్ అందుకుంది. మూవీలో ప్రభాస్, పృథ్వి రాజ్‍ సుకుమారన్ మధ్య స్నేహాన్ని తెలిపేలా ఈ పాట ఉంది.

దేవ, వరదరాజ్ చిన్నప్పటి నుంచే ప్రాణ స్నేహితులని ఈ పాటలో తెలుస్తోంది. హృదయాన్ని బరువెక్కించేలా ఎమోషనల్ ట్యూన్‍ను ఈ పాటకు అందించారు మ్యూజిక్ డైరెక్టర్ రవిబస్రూర్. కృష్ణ కాంత్ రిలిక్స్ అందిచిన ఈ సాంగ్ ని హరిణి వైటూరి పాడారు. ఈ సాంగ్ తో సినిమాలో హాయ్ వోల్టేజ్ యాక్షన్ తో పాటు హృదయాన్ని హత్తుకునే ఎమోషనల్ సీన్స్ కూడా ఉంటాయని అర్థమైంది. ఇక త్వరలోనే సలార్ కు సంబంధించి మరో ట్రైలర్ ని కూడా విడుదల చేసేందుకు మేకర్స్ ప్లాన్ చేస్తున్నారు. సినిమా రిలీజ్ కి రెండు రోజుల ముందు ఈ ట్రైలర్ ని విడుదల చేయనున్నట్లు తెలుస్తోంది.