ఉస్తాద్ లో ఫ్యాన్స్ కు బిగ్ సర్ప్రైజ్.. మరోసారి ఈలలే!

టాలీవుడ్ పవర్ స్టార్ పవన్ కళ్యాణ్.. ప్రస్తుతం ఆంధ్రప్రదేశ్ డిప్యూటీ సీఎంగా ఎంతటి బిజీగా ఉన్నారో అందరికీ తెలిసిందే. దీంతో ఆయన చేతిలో ఉన్న సినిమాల షూటింగ్స్ అన్నీ హోల్డ్ లోనే ఉన్నాయి. ఎన్నికలకు కొద్ది రోజుల ముందు నిలిచిపోయిన షూటింగ్స్ ఇంకా ప్రారంభం కాలేదు. త్వరలోనే స్టార్ట్ కానున్నట్లు కొద్ది రోజులుగా సినీ వర్గాల్లో జోరుగా వార్తలు వినిపిస్తున్నాయి. ఇప్పుడు ఈ విషయంపై క్లారిటీ ఇచ్చారు ప్రముఖ దర్శకుడు హరీష్ శంకర్.

హరీష్ శంకర్, పవన్ కళ్యాణ్ కాంబోలో ఉస్తాద్ భగత్ సింగ్ తెరకెక్కుతున్న విషయం తెలిసిందే. గబ్బర్ సింగ్ తర్వాత వీరిద్దరూ మళ్లీ కలిసి పని చేస్తుండడంతో అటు సినీ ప్రియులు.. ఇటు అభిమానుల్లో భారీ అంచనాలు నెలకొన్నాయి. ఇప్పటికే మేకర్స్ రిలీజ్ చేసిన పోస్టర్స్, గ్లింప్స్ కు అదిరిపోయే రెస్పాన్స్ వచ్చింది. అయితే రీసెంట్ గా అతి త్వరలో షూటింగ్ స్టార్ట్ అవుతుందని నిర్మాత రవిశంకర్ అప్డేట్ ఇచ్చారు. పవన్ డేట్స్ ఇస్తే డిసెంబర్ కల్లా పూర్తి చేస్తామని కూడా చెప్పారు.

అదే సమయంలో పవన్ బర్త్ డే సందర్భంగా స్పెషల్ ట్రీట్ ఇవ్వనున్నట్లు చెప్పి.. ఫ్యాన్స్ లో మంచి జోష్ నింపారు. దీంతో వెయిటింగ్ ఫర్ బర్త్ డే ట్రీట్ అని అభిమానులు చెబుతున్నారు. ఇప్పుడు తాజాగా డైరెక్టర్ హరీష్ శంకర్.. ఉస్తాద్ షూటింగ్ త్వరలోనే ప్రారంభం కానుందని తెలిపారు. పవన్ ను ఇటీవల కలిశామని, కొద్ది రోజుల్లో మూడు చిత్రాలను కూడా స్టార్ట్ చేయనున్నట్లు వెల్లడించారు. అదే సమయంలో ఉస్తాద్ కు సంబంధించి ఇంట్రెస్టింగ్ అప్డేట్ ఇచ్చారు హరీష్ శంకర్.

గబ్బర్ సింగ్ లోని అంత్యాక్షరి ఎపిసోడ్ లా ఉస్తాద్ భగత్ సింగ్ లో కూడా థియేటర్లను షేక్ చేసి మ్యూజికల్ ఐటెం ఉందని చెప్పారు హరీష్ శంకర్. అయితే గబ్బర్ సింగ్ అంత్యాక్షరి ఎపిసోడ్ ఎంతలా ఆకట్టుకుందో అందరికీ తెలిసిందే. థియేటర్లలో ఆడియన్స్ ఎంత నవ్వుకున్నారో.. ఇప్పటికీ అలానే నవ్వుకుంటూ ఉంటారు. అలాంటి స్పెషల్ ఫ్యాన్ బేస్ ఉన్న ఆ ఎపిసోడ్ లాంటిదే ఉస్తాద్ భగత్ సింగ్ లో కూడా ఉందని చెప్పడంతో పవర్ స్టార్ ఫ్యాన్స్ ఫుల్ ఖుషీ అయిపోతున్నారు.

సర్ప్రెజ్ అదిరిందని.. ఈలలు వేసి ఎంజాయ్ చేసేందుకు సిద్ధమని చెబుతున్నారు. అయితే గబ్బర్ సింగ్ షూటింగ్ ను అతి తక్కువ టైమ్ లో పూర్తి చేసి థియేటర్లలో రిలీజ్ చేసి హరీష్ శంకర్ ఆశ్యర్చపరిచారు. షూటింగ్ ప్రారంభించిన 5 నెలల్లోనే సినిమా విడుదలైందని తెలిపారు. బండ్ల గణేష్ నిర్మించిన ఆ సినిమా.. ఇప్పుడు పవన్ బర్త్ డే సందర్భంగా వరల్డ్ వైడ్ గా రీరిలీజ్ కానుంది. దీంతో ఫ్యాన్స్ ఫుల్ గా మళ్లీ చేసేందుకు సిద్ధమవుతున్నారు.