బిగ్ బాస్ 8 ఈసారి లిమిట్ లెస్.. ప్రోమోలో ట్విస్ట్ ఏంటంటే..?

బిగ్ బాస్ ప్రియులకు ఎన్నాళ్ల నుంచో ఎదురుచూస్తున్న రోజు వచ్చేసింది. సీజన్ 7 సూపర్ హిట్ అవ్వడంతో సీజన్ 8 ఎప్పుడు మొదలవుతుందా అని ప్రేక్షకులు ఎంతో ఆసక్తిగా ఎదురుచూశారు. బిగ్ బాస్ సీజన్ 8 నేటి నుంచి మొదలవుతుంది. ఈ సీజన్ ని ముందు సీజన్ల కన్నా చాలా గ్రాండ్ గా ప్లాన్ చేస్తున్నట్టు తెలుస్తుంది. 14 మంది కంటెస్టెంట్స్ తో ఈ సీజన్ మొదలు కాబోతుంది. హోస్ట్ గా కింగ్ నాగార్జున మరోసారి తన ఎనర్జీతో మెప్పించనున్నారు. బిగ్ బాస్ సీజన్ 8కి సంబంధించిన లేటెస్ట్ ప్రోమో వచ్చేసింది.

భారీ సెట్టు, కలర్ ఫుల్ సెటప్, హౌస్ అంతా బాగా సెలబ్రేట్ చేయడమే కాదు కొన్ని సర్ ప్రైజింగ్ ఎలిమెంట్స్ ని కూడా పెట్టారు. ఇక ప్రోమో తోనే సీజన్ 8 కి జోష్ వచ్చేలా చేశారు బిగ్ బాస్ టీం. నాగార్జున ఎనర్జిటిక్ ఎంట్రీ తో పాటు హౌస్ మెట్స్ తో డిస్కషన్స్ చూపించి మొదటి ఎపిసోడ్ తోనే క్రేజీ గెస్ట్ లను తీసుకొచ్చారు. బిగ్ బాస్ 8 ఓపెనింగ్ ఎపిసోడ్ లోనే న్యాచురల్ స్టార్ నాని, ప్రియాంక మోహన్ లు సర్ ప్రైజ్ ఇచ్చారు. వారిద్దరు హౌజ్ లోకి వెళ్లి తమ సినిమాను ప్రమోట్ చేయడమే కాకుండా హౌస్ మెట్స్ కి జోష్ నింపినట్టు తెలుస్తుంది.

ఇక రానా నిర్మించిన 35 చిన్న కథ కాదు టీం కూడా బిగ్ బాస్ 8 స్టేజ్ మీద సందడి చేశారు. రానాతో పాటు నివేదా థామస్ కూడా అటెండ్ అయ్యారు. వీరిద్దరు కూడా హౌస్ లోకి వెళ్లి సందడి చేశారు. ఈసారి హౌస్ లోకి కంటెస్టెంట్స్ ఒక్కొక్కరుగా కాకుండా ఇద్దరు ఇద్దరుగా హౌస్ లోకి అడుగుపెట్టేలా ప్లాన్ చేశారు. అంటే ముందు నుంచే జట్టులను చేసి వారి మధ్య పోటీ పెంచేస్తున్నారు బిగ్ బాస్ టీం.

బిగ్ బాస్ 8 ప్రోమో చివర్లో డైరెక్టర్ అనీల్ రావిపుడి ఎంట్రీ పెద్ద ట్విస్ట్ ఇచ్చింది. మొదటి రోజే ఆట మొదలు పెట్టిన బిగ్ బాస్ హౌస్ లోకి వెళ్లిన వారిలోంచి ఒకరిని తీసుకెళ్లి స్వాప్ చేసి మరొకరిని తీసుకొచ్చేలా చేశాడు. మరి సీజన్ 8 ఎంటర్టైన్మెంట్, ఎంజాయ్ మెంట్ కావాల్సినంత స్టఫ్ ఉందనిపిస్తుంది. అంతేకాదు ఒక ఓల్డ్ కంటెస్టెంట్ కూడా హౌస్ లోకి వచ్చినట్టు తెలుస్తుంది. సీజన్ 8 తప్పకుండా ఆడియన్స్ ని మెప్పించేలా చేస్తున్నారు. బిగ్ బాస్ 8 లిమిట్ లెస్ అనేలా చేస్తున్న ఈ ప్రోమో బుల్లితెర ప్రేక్షకులను విశేషంగా ఆకట్టుకుంది. మరి ఈ సీజన్ ఎలా ఉండబోతుంది అన్నది చూడాలి.