బిగ్ బాస్ 8 : హౌస్ లోకి వాళ్లు సర్ ప్రైజ్ ఎంట్రీ..?

బిగ్ బాస్ సీజన్ 8 లో లిమిట్ లెస్ టర్న్, లిమిట్ లెస్ ట్విస్ట్ లంటూ హోస్ట్ నాగార్జున చెప్పుకొచ్చారు. చెప్పిన రేంజ్ లో ట్విస్ట్ లు లేకపోయినా సరే సీజన్ లో కొన్ని మెరుపులు మాత్రం ఆడియన్స్ ని మెప్పిస్తున్నాయి. ఈ సీజన్ వైల్డ్ కార్డ్ ఎంట్రీస్ ఆడియన్స్ ని సర్ ప్రైజ్ చేశాయి. ఆల్రెడీ బిగ్ బాస్ ఎక్స్ పీరియన్స్ ఉన్న కంటెస్టెంట్స్ వైల్డ్ కార్డ్ గా రావడం నిజంగానే ఊహించని ట్విస్ట్ అనిపించింది. ఇక మరోపక్క లాస్ట్ వీక్ నామినేషన్స్ లో కూడా ఈ సీజన్ లో ఎలిమినేట్ అయిన వారితో నామినేషన్స్ వేయించి సర్ ప్రైజ్ చేశారు.

బిగ్ బాస్ సీజన్ 8 లో ఊహించని ట్విస్టులు టర్నులు అంటే ఇవే అనుకున్నారు. ఐతే ఈ వారం బిగ్ బాస్ మరో ట్విస్ట్ ఇవ్వబోతున్నాడని తెలుస్తుంది. ఈ వారం టికెట్ టు ఫినాలే టాస్క్ నడుస్తుందని తెలుస్తుంది. ఆ టాస్క్ ని కూడా బిగ్ బాస్ సీజన్ 1 నుంచి సీజన్ 7 వరకు వచ్చిన కంటెస్టెంట్స్ లో వారిని వచ్చి హౌస్ లో ఆ టాస్క్ నడిపించేలా చూస్తున్నారట. అంటే మరోసారి ఇదివరకు కంటెస్టెంట్స్ ని హౌస్ లో చూడబోతున్నాం అన్నమాట.

బిగ్ బాస్ సీజన్ 8 ముగింపుకి దగ్గర పడుతున్న ఈ టైం లో షో మీద ఆడియన్స్ ఆసక్తి మరింత పెంచేలా చూస్తున్నారు. అందుకే సీజన్ 8 ముగుస్తుందనుకునే టైం లో ఇంకా ఇంకా సర్ ప్రైజ్ లు ప్లాన్ చేస్తున్నాడు. ఇంకో 3 వారాలు మాత్రమే ఉన్న బిగ్ బాస్ సీజన్ 8 లో ఈ వారం డబల్ ఎలిమినేషన్ ఉంటుందన్న టాక్ నడుస్తుంది.

ఇక బిగ్ బాస్ సీజన్ 8 టైటిల్ రేసులో మొదటి నుంచి నిఖిల్ పేరు వినిపిస్తూనే ఉంది. గౌతం కూడా టైటిల్ రేసులో ఉన్నాడు. మధ్యలో ప్రేరణ కూడా టైటిల్ కు తాను రెడీ అన్నట్టే కనిపించింది కానీ ఆమె గ్రాఫ్ ఈమధ్య పడిపోయింది. ఐతే టాప్ 5 లో ప్రేరణ ఉండే అవకాశం ఉంది. గెలిచేది ఒకరే కానీ టాప్ 5 దాకా ఎవరు వెళ్తారన్నది మాత్రం ఆసక్తికరంగా ఉంది. మండే ఎపిసోడ్ లో నామినేషన్ ఫైట్ షురూ అయ్యింది. రోహిణి మెగా చీఫ్ అవ్వడం వల్ల ఆమె ఈ వారం సేఫ్ అవుతుంది.