బిగ్ బాస్ 9.. ఏం జరుగుతుంది..?

బిగ్ బాస్ సీజన్ 8 పూర్తి కాగా బిగ్ బాస్ టీం సీజన్ 9 కి రెడీ అవుతుంది. బిగ్ బాస్ ప్రతి సీజన్ ని ఆగష్టు సెప్టెంబర్ లో ప్లాన్ చేస్తారు. సెప్టెంబర్ లో మొదలైతే డిసెంబర్ దాకా కొనసాగిస్తారు. ఐతే ఈసారి బిగ్ బాస్ సీజన్ 9 ని చాలా త్వరగా మొదలు పెట్టాలని చూస్తున్నారట. అంతేకాదు కంటెస్టెంట్ విషయంలో కూడా ఈసారి కొన్ని స్ట్రిక్ట్ రూల్స్ పెడుతున్నట్టు తెలుస్తుంది. సీజన్ 8 లో వైల్డ్ కార్డ్ గా ఇదివరకు బిగ్ బాస్ హౌస్ ఎక్స్ పీరియన్స్ ఉన్న వాళ్లనే తెచ్చారు. ఈసారి మాత్రం అలా ఎక్స్ హౌస్ మెట్స్ ని తీసుకు రాకూడదని ఫిక్స్ అయ్యారట.

ఐతే బిగ్ బాస్ హౌస్ లో ఇదివరకు సీజన్ లో వర్క్ అవుట్ అయినట్టుగా ఫ్రెండ్ షిప్, లవ్ ట్రాక్ లు గత రెండు సీజన్లుగా జరగలేదు. అందుకే షో మీద ఆసక్తి తగ్గిపోయింది. తద్వారా రేటింగ్ కూడా పడిపోతుంది. ఐతే బిగ్ బాస్ సీజన్ 9 లో ఇలాంటి లవ్ ట్రాక్ లు ఏర్పడేలా కంటెస్టెంట్స్ ఎంపిక జరుగుతుందని తెలుస్తుంది. బిగ్ బాస్ సీజన్ 9 హోస్ట్ గా కూడా కింగ్ నాగార్జుననే కొనసాగుతారని తెలుస్తుంది.

ఈ సీజన్ కంటెస్టెంట్స్ విషయంలో బిగ్ బాస్ టీం చాలా జాగ్రత్త వహిస్తున్నట్టు తెలుస్తుంది. సీజన్ 8 లో కూడా కొన్ని మిస్టేక్స్ జరగ్గా సీజన్ 9 లో అవి రిపీట్ అవ్వకుండా చూడలని చూస్తున్నారు. అంతేకాదు సీజన్ 9 లో కామన్ మ్యాన్ ని తీసుకునే ఛాన్స్ లేదని టాక్. కామన్ మ్యాన్ వల్ల వాళ్లకి సింపతీ ఏర్పడుతుందని దాని వల్ల సెలబ్రిటీల మీద ఎఫెక్ట్ పడుతుందని భావిస్తున్నారు. బిగ్ బాస్ సీజన్ 9 విషయంలో టీం మాత్రం చాలా పెద్ద ప్లానింగ్ తోనే ఉన్నట్టు అర్ధమవుతుంది.

బిగ్ బాస్ సీజన్ 9 లో టాప్ మోస్ట్ సెలబ్రిటీస్ ని తీసుకొచ్చే ప్లానింగ్ లో ఉన్నారు బిగ్ బాస్ టీం. ఈ సీజన్ ఎంతో ప్రత్యేకంగా నిలిచేలా చూస్తున్నారట. సీజన్ 9 మొదటి ఎపిసోడ్ నుంచి నెక్స్ట్ లెవెల్ ఉండేలా చూస్తున్నారట. మరి 8 సీజన్లు పూర్తి చేసుకున్న బిగ్ బాస్ తెలుగు 9వ సీజన్ ఎలా ఉంటుందో చూడాలి. ఈసారి కూడా ఓ పక్క షో నడుస్తున్నా జియో హాట్ స్టార్ లో 24 గంటలు లైవ్ ఇచ్చే ప్లానింగ్ లోనే ఉన్నారు.