బిగ్ బాస్ 8 : టికెట్ టు ఫినాలె.. ఒకరికి న్యాయం.. మరొకరికి అన్యాయం..!

బిగ్ బాస్ సీజన్ 8 లో జరుగుతున్న టికెట్ టు ఫినాలే టాస్క్ లో భాగంగా ఇదివరకు బిగ్ బాస్ హౌస్ లో పాల్గొన్న వారు హౌస్ లోకి వచ్చి ఇద్దరు కంటెండర్స్ ని సెలెక్ట్ చేసి వారిని మరో ఇద్దరిని సెలెక్ట్ చేయమని చెప్పి ఆ నలుగురికి ఒక టాస్క్ ఇస్తున్నారు. అలా రెండు రోజులుగా జరుగుతున్న ఈ టాస్క్ లో భాగంగా మొదటి రౌండ్ లో రోహిణి టికెట్ టు ఫినాలె కంటెండర్ కాగా.. రెండో రౌండ్ లో అవినాష్ రెండు టాస్క్ లు గెలిచి ఆ ఛాన్స్ దక్కించుకున్నాడు.

బిగ్ బాస్ సీజన్ 8 లో లేటెస్ట్ ఎపిసోడ్ లో బిగ్ బాస్ సీజన్ 3 కి చెందిన వితిక, పునర్నవి హౌస్ లోకి వచ్చారు. వారిద్దరు నిఖిల్, గౌతం లను సెలెక్ట్ చేయగా.. ఆ ఇద్దరు పృధ్వి, ప్రేరణని తీసుకున్నారు. ఐతే ఈ విషయంపై తేజ కాస్త అసంతృప్తి వ్యక్తపరిచారు. తనకు ఛాన్స్ వస్తుందని భావిస్తే రాలేదని మళ్లీ దీని అడిగితే తప్పుగా అర్ధం చేసుకుంటారని కాస్త ఫీల్ అయ్యాడు.

నిఖిల్, గౌతం, పృధ్వి, ప్రేరణలకు రెండు టాస్క్ లు పెట్టగా ఒక దానిలో పృధ్వి, మరో దానిలో నిఖిల్ గెలిచారు. ఫైనల్ గా నిఖిల్ ను పునర్నవి, వితికలు టికెట్ టు ఫినాలె కంటెండర్ గా సెలెక్ట్ చేశారు. ఐతే ఇచ్చిన టాస్క్ లో సరిగా పర్ఫార్మ్ చేయలేదని ప్రేరణకి బ్లాక్ స్టార్ ఇచ్చారు. అంటే ఆమె ఇక టికెట్ టు ఫినాలె రేసు నుంచి తప్పుకోవాల్సి ఉంటుంది.

నిఖిల్ ఆల్రెడీ స్ట్రాంగ్ కంటెస్టెంట్ కాగా అతను టికెట్ టు ఫినాలె గెలిచినా అంతగా ఉపయోగం ఉండదు. ఐతే ప్రేరణ టికెట్ టు ఫినాలె గెలిచి టాప్ 5 కి వెళ్లాలని చాలా ఆశలు పెట్టుకుంది. ఇక టికెట్ టు ఫినాలె ఫైనల్ టాస్క్ నేడు జరగనుంది. ఈ టాస్క్ లో ఎవరు గెలిచి టికెట్ టు ఫినాలె తో మొదటి టాప్ 5 కంటెస్టెంట్ అవుతారన్నది చూడాలి.

ఇక బిగ్ బాస్ సీజన్ 8 టైటిల్ పోరు నిఖిల్, గౌతం ల మధ్య జరుగుతుంది. ఈ ఇద్దరి మధ్యే టైటిల్ ఉంటుందని చెప్పొచ్చు. నిఖిల్ ఈమధ్య చాలా వెనకపడ్డా టాస్కులతో మళ్లీ అతనిలో జోష్ వస్తుంది.