బిగ్ బాస్ 8 : అటు నిఖిల్ ఇటు గౌతం మధ్యలో యష్మి..!

బిగ్ బాస్ సీజన్ 8 లో ప్రస్తుతం జరుగుతున్న బీబీ హౌస్ కి దారేది టాస్క్ లో భాగంగా బ్లూ టీం లో ఉన్న నిఖిల్ రెడ్ టీం లోని ప్రేరణ, యష్మిలను లాగుతూ వాటర్ ట్యాంక్ టాస్క్ ఆడాడు. ఐతే నిఖిల్ స్నేహితులైన ప్రేరణ, యష్మిల మీద అతను అంతగా రియాక్ట్ అవ్వడం వెనక రీజన్ గౌతం అని తెలుస్తుంది. గౌతం బీప్ సౌండ్ ఇచ్చేలా ఏదో మాట మాట్లాడట.. దానికి ప్రేరణ కూడా వంతు పలకడం వల్లే నిఖిల్ అలా చేశాడని వివరణ ఇచ్చాడు. ఐతే నిఖిల్ ని యష్మి సంచాలక్ చెబుతున్నా నువ్వు వదల్లేదని చెప్పడంతో నిఖిల్ కాస్త ఎమోషనల్ అయ్యాడు.

నిఖిల్ ని కన్సోల్ చేద్దామని యష్మి అనుకున్నా కూడా ఆమెను దూరం పెట్టాడు నిఖిల్. యష్మి హగ్ ని కూడా నిఖిల్ రిజెక్ట్ చేశాడు. నిఖిల్ గౌతం ల మధ్య యష్మి ఇబ్బంది పడుతుంది. రెడ్ టీం లో గౌతం, ప్రేరణ, యష్మి ఉన్నారు. పాని పట్టు యుద్ధం టాస్క్ లో బ్లూ టీం మెంబర్ అయిన నిఖిల్ రెడ్ టీం మెబర్స్ ని టార్గెట్ చేశాడు. ఇక బుధవారం జరిగిన 3 టాస్కుల్లో గ్రీన్ టీం ఒకటి, బ్లూ టీం ఒకటి రెడ్ టీం ఒకటి గెలిచింది. ఎల్లో టీం ఇప్పటివరకు ఒక్క టాస్క్ కూడా గెలవలేదు.

గ్రీన్ టీం గెలిచి బ్లూ టీం కి ఒక ఎల్లో కార్డ్ ఇవ్వగా బ్లూ టీం గెలిచి గ్రీన్ టీం కి ఒక ఎల్లో కార్డ్ ఇచ్చారు. రెడ్ టీం గెలిచిన చివరి టాస్క్ లో రెండు ఎల్లో కార్డ్స్ గెలవగా ఆ రెండు కార్డ్స్ కూడా బ్లూ టీం కే ఇచ్చారు రెడ్ టీం. సో మొత్తానికి బ్లూ టీం వర్సెస్ రెడ్ టీం అన్నట్టుగా బీబీ ఇంటికి దారేది టాస్క్ నడుస్తుంది. ఈ టాస్క్ లోనే నిఖిల్, గౌతం ల మధ్య నువ్వా నేనా అన్న రేంజ్ లో పర్సనల్ ఫైట్ జరిగింది. ఇద్దరు మీద మీదకు వచ్చే ప్రయత్నం చేశారు.

బుధవారం ఆట ముగిసే సరికి బ్లూ టీం దగ్గర 3 ఎల్లో కార్డ్స్ వచ్చాయి కాబట్టి వారిలోంచి ఒకరిని మెగా చీఫ్ కంటెండర్ రేస్ నుంచి తీసేయాలని బిగ్ బాస్ చెప్పగా బ్లూ టీం లో ఉన్న గంగవ్వని చీఫ్ కంటెండర్ రేసు నుంచి తొలగించారు. మొత్తానికి బిగ్ బాస్ సీజన్ 8 లో నిఖిల్, గౌతం ల మధ్య రైవల్రీ నడుస్తుంది. ఇదే కొనసాగితే ఎవరు న్యాయం వైపు ఉంటారో వారికి గ్రాఫ్ పెరుగుతుంది. ఎవరి తప్పు ఆడినా తాము ఆడింది కరెక్ట్ అని వాధిస్తారో వారి గ్రాఫ్ పడిపోతుంది.

సీజన్ 8 లో 9 వారాలు అవుతున్నా కూడా ఇప్పటివరకు టాప్ 5 కంటెస్టెంట్ గా ఎవరు ఉంటారన్నది చెప్పడం కష్టమవుతుంది. నిఖిల్, ప్రేరణ, నబీల్ స్ట్రాంగ్ గా కనిపిస్తున్నా అవినాష్, పృధ్వి, యష్మి, తేజ కూడా టాప్ 5కి పక్కా అనిపించేలా ఉన్నారు. మరి వీరిలో టాప్ 5 దాకా ఎవరు వెళ్తారన్నది మాత్రం ఆడియన్స్ త్వరలో నిర్ణయించాల్సి ఉంది