బిగ్ బాస్ 7 : రైతు బిడ్డ సత్తా చాటాడు..!

బిగ్ బాస్ సీజన్ 7 లో కామన్ మ్యాన్ రైతు బిడ్డ పల్లవి ప్రశాంత్ కంటెస్టెంట్ గా వచ్చాడు. బిగ్ బాస్ లోకి వెళ్లడమే తన లక్ష్యమని రకరకాల ప్రమోషన్స్ చేసిన పల్లవి ప్రశాంత్ రైతు బిడ్డగా యూట్యూబ్ లో మంచి ఫాలోయింగ్ తెచ్చుకున్నాడు. అతని పట్టుదలని మెచ్చి బిగ్ బాస్ నిర్వాహకులు అతన్ని కామన్ మ్యాన్ కేటగిరిలో కంటెస్టెంట్ గా ఛాన్స్ ఇచ్చారు. బిగ్ బాస్ సీజన్ 7 లో చాలా మంది సెలబ్రిటీస్ ఉండగా పల్లవి ప్రశాంత్ కూడా ఎంట్రీ ఇచ్చాడు.

హౌస్ లో తన ఆటతో మెప్పిస్తూ వస్తున్న పల్లవి ప్రశాంత్ నాల్గో పవర్ అస్త్ర ఇంకా నాలుగో హౌస్ మెట్ గా గెలిచాడు. నాలుగో పవర్ అస్త్ర రెండు వారాల ఇమ్యూనిటీ రేసులో యావర్, శుభ శ్రీ, పల్లవి ప్రశాంత్ ల మధ్య పోటీ ఏర్పడగా ముగ్గురికి రెండు టాస్కులు పెట్టిన బిగ్ బాస్ ఫైనల్ గా హోల్డింగ్ టాస్క్ లో విజేతగా నిలిచి పల్లవి ప్రశాంత్ పవర్ అస్త్ర గెలుచుకున్నాడు. రెండు వారాలుగా కంటెండర్ గా ఉంటూ పవర్ అస్త్రని దక్కించుకోలేకపోతున్న యావర్ ప్రశాంత్ పవర్ అస్త్ర గెలవడంతో కాస్త ఫీల్ అయ్యాడు.

పల్లవి ప్రశాంత్ మొదటి వారం నామినేషన్స్ లో కాసత దూకుడు చూపించినా రెండు వారాలుగా కాస్త ఆటలో వెనక పడినట్టు అనిపించాడు. కానీ పవర్ అస్త్ర టాస్క్ లో మాత్రం తన సత్తా చాటి మెప్పించాడు. పల్లవి ప్రశాంత్ పవర్ అస్త్ర దక్కించుకోవడంతో పాటుగా రెండు వారాల ఇమ్యునిటీ తెచ్చుకున్నాడు. అంటే ఐదవ వారం, ఆరో వారం ప్రశాంత్ నామినేషన్స్ లో ఉండే అవకాశం లేదు.

సో ఇది కచ్చితంగా పల్లవి ప్రశాంత్ ఆటకి సపోర్ట్ చేస్తుందని చెప్పొచ్చు. రైతు బిడ్డగా హౌస్ లోకి వచ్చిన పల్లవి ప్రశాంత్ తన ఆటతో కంటెస్టెంట్స్ కి టఫ్ ఫైట్ ఇస్తూ ఆడియన్స్ ని మెప్పిస్తున్నాడు. ఇదే ఆట కొనసాగిస్తే మాత్రం తనకు బయట ఉన్న సోషల్ మీడియా ఫాలోయింగ్ కి పల్లవి ప్రశాంత్ టాప్ 5 లో ఉండే అవకాశాలు కూడా ఉన్నాయని చెప్పొచ్చు. ఈ వారం నామినేషన్స్ లో ఆరుగురు హౌస్ మెట్స్ ఉన్నారు. వారిలో రతిక, టేస్టీ తేజ లీస్ట్ ఓటింగ్ పర్సెంటేజ్ తో ఉన్నారు. వీరిద్దరిలోనే ఒకరు ఎలిమినేట్ అవుతారని తెలుస్తుంది.