బిగ్ బాస్ లోకి సూపర్ స్టార్..?

బిగ్ బాస్ స్టేజ్ మీద సూపర్ స్టార్ మహేష్ ని చూడబోతున్నామా.. 7 సీజన్లలో ఎప్పుడు జరగనిది ఈ సీజన్ లో జరగబోతుందని లేటెస్ట్ టాక్. బిగ్ బాస్ సీజన్ 8 త్వరలో ప్రారంభం అవుతుంది. ఈ సీజన్ సంథింగ్ స్పెషల్ ఉండేలా ఆడియన్స్ కు డబుల్ ఫీస్ట్ అందించేలా ప్లాన్ చేస్తున్నారు బిగ్ బాస్ టీం. అందుకే ఈసారి గెస్టులు ఏదో పండగకే వచ్చేలా కాకుండా వీకెండ్ వీకెండ్ వచ్చేలా ఏర్పాటు చేస్తున్నారు. శనివారం ఎలాగు నాగార్జున సందడి ఉంటుంది. వారం మొత్తం హౌస్ మెట్స్ చేసిన పనులకు నాగ్ ఇచ్చే స్పెషల్ కోటింగ్ తెలిసిందే.

ఇక ఆ తర్వాత సండే రోజు ఫన్ డే అంటూ నాగార్జున హౌస్ మేట్స్ ని ఆటపాటలతో జోష్ వచ్చేలా చేస్తాడు. ఐతే ఈసారి బిగ్ బాస్ సీజన్ 8 లో సూపర్ స్టార్ మహేష్ ని ఏదో ఒక ఎపిసోడ్ కు తీసుకొచ్చేలా ప్లానింగ్ ఉందట. 7 సీజన్లలో ఎప్పుడు మహేష్ బిగ్ బాస్ స్టేజ్ మీదకు రాలేదు. మహేష్ లాంటి స్టార్ హీరో వస్తే బిగ్ బాస్ షోకి మరింత హెల్ప్ అవుతుంది. ఎన్ టీ ఆర్, రాం చరణ్, అల్లు అర్జున్ ఇలా అందరు బిగ్ బాస్ స్టేజ్ మీద కనిపించారు.

ఐతే ఈసారి మహేష్ కూడా బిగ్ బాస్ కి గెస్ట్ గా రాబోతున్నాడని తెలుస్తుంది. ఎలాగు రాజమౌళి సినిమా మొదలు పెడితే ఆ సినిమా ప్రమోషన్స్ మొదటి నుంచి చేయాల్సిందే. అందుకే రాజమౌళి మహేష్ కాంబో సినిమా గురించి పోస్టర్ రిలీజ్ కోసమైనా, గ్లింప్స్ రిలీజ్ టైం లో అయినా బిగ్ బాస్ వేదికగా చేస్తారని టాక్. ప్రపంచంలో ఎక్కడ ఉన్నా సరే బిగ్ బాస్ ని తెలుగు ఆడియన్స్ చూస్తుంటారు కాబట్టి బిగ్ బాస్ కి మహేష్ లాంటి స్టార్స్ వస్తే ఆడియన్స్ కూడా థ్రిల్ ఫీల్ అవుతారు.

మహేష్ రాజమౌళి సినిమా పూజా కార్యక్రమాలు త్వరలో మొదలు కానున్నాయి. ఈ సినిమాను ఫారెస్ట్ అడ్వెంచర్ బ్యాక్ డ్రాప్ లో హాలీవుడ్ సినిమాలకు ధీటుగా తెరకెక్కించే ప్లాన్ లో ఉన్నారు జక్కన్న. సినిమా ప్రీ ప్రొడక్షన్ వర్క్ జరుగుతుండగా సినిమా కోసం మహేష్ తన లుక్ ని పూర్తిగా మార్చేస్తున్నాడు. లాంగ్ హెయిర్ తో మహేష్ మేకోవర్ ఫ్యాన్స్ కి సూపర్ కిక్ ఇస్తుందని అంటున్నారు