బ్లాక్ బస్టర్ వైబ్స్.. దిల్ రాజు చెప్పారంటే..!

సంక్రాంతికి వస్తున్న గుంటూరు కారం సినిమా ప్రీ రిలీజ్ ఈవెంట్ గుంటూరులో మంగళవారం జరిగిన విషయం తెలిసిందే. సూపర్ స్టార్ ఫ్యాన్స్ సమక్షంలో అంగరంగ వైభవంగా ఈ వేడుక జరిగింది. చిత్ర యూనిట్ సమక్షంలో జరిగిన గుంటూరు కారం ప్రీ రిలీజ్ ఈవెంట్ లో అందరి స్పీచ్ ఫ్యాన్స్ లో ఉత్సాహాన్ని నింపింది. ఈ క్రమంలో ప్రముఖ నిర్మాత దిల్ రాజు కూడా సూపర్ స్టార్ ఫ్యాన్స్ ని హుశారెత్తించే స్పీచ్ తో అలరించారు.

హలో గుంటూరు అంటూ స్పీచ్ మొదలు పెట్టిన దిల్ రాజు త్రివిక్రం సినిమా అంటే ఏదో మ్యాజిక్ ఉంటుంది. ఏదో ఒకటి చేసి సినిమా ప్రేక్షకులకు నచ్చేలా చేస్తాడని అన్నారు. ఈ సినిమాలో మహేష్ క్యారెక్టరైజేషన్ పోకిరి, దూకుడు సినిమాలను గుర్తు చేస్తుందని.. సినిమా ఎడిట్ రూం లో మిక్సింగ్ జరుగుతుంటే కొన్ని సీన్స్ చూశా అందులో థమన్ బిజిఎం నెక్స్ట్ లెవెల్ లో అనిపించిందని అన్నారు.

సంక్రాంతికి రిలీజ్ అవుతున్న ఈ సినిమాకు ఇప్పటికే బ్లాక్ బస్టర్ వైబ్స్ కనిపిస్తున్నాయి. కచ్చితంగా ఈ సంక్రాంతికి గుంటూరు కారం ప్రపంచంలో ఉన్న తెలుగు ఆడియన్స్ అందరికీ నచ్చుతుందని అన్నారు. దిల్ రాజు బ్లాక్ బస్టర్ అని చెప్పారంటే సినిమాలో కచ్చితంగా విషయం ఉన్నట్టే లెక్క. అదీగాక ఆయన ఎడిట్ రూంలో సీన్స్ గురించి చెప్పే సరికి సూపర్ స్టార్ ఫ్యాన్స్ మరింత ఎగ్జైట్ అవుతున్నారు.

గుంటూరు కారం నైజాం హక్కులను దిల్ రాజు సొంతం చేసుకున్నారు. త్రివిక్రం మీద నమ్మకం.. సంక్రాంతికి మహేష్ బాబు సినిమాల హిస్టరీ గురించి తెలుసు కాబట్టే దిల్ రాజు ఈ సినిమాను రిలీజ్ చేస్తున్నారు. నిర్మాతగా తన టేస్ట్ తెలియచేస్తున్న దిల్ రాజు బయట సినిమాల గురించి కూడా తన గెస్సింగ్ చెబుతుంటారు. ఆ లెక్కన చూస్తే గుంటూరు కారం బ్లాక్ బస్టర్ అని చెప్పారు కాబట్టి ఆయన చెప్పినట్టుగానే సినిమా రికార్డులు కొల్లగొడుతుందేమో చూడాలి.

మహేష్ త్రివిక్రం కాంబినేషన్ పై అంచనాలు ఏ స్థాయిలో ఉన్నాయో తెలిసిందే. గుంటూరు కారం సినిమా ప్రచార చిత్రాలు కూడా భారీ హైప్ తీసుకురాగా కచ్చితంగా సినిమా ఆ రేంజ్ లోనే ఉంటుందని సూపర్ స్టార్ ఫ్యాన్స్ నమ్ముతున్నారు. ఇక ప్రీ రిలీజ్ ఈవెంట్ లో సెలబ్రిటీస్ కూడా ఆ విషయాన్ని చెప్పడంతో సూపర్ స్టార్ ఫ్యాన్స్ ఆనందానికి అవధుల్లేకుండాపోయింది. అదేదో సంక్రాంతికి సినిమా హిట్ కొట్టేశాం అన్న వైబ్ ముందే వచ్చేసినట్టు ఫ్యాన్స్ హంగామా చేశారు