షూటింగ్ లో మోక్షజ్ఞ.. ఏంటి మ్యాటర్?

నందమూరి బాలకృష్ణ వారసుడు మోక్షజ్ఞ తేజ సిల్వర్ స్క్రీన్ కు ఎప్పుడు ఎంట్రీ ఇస్తాడా అనే ఫ్యాన్స్ అయితే ఎంతో ఆసక్తిగా ఎదురుచూస్తున్నారు. చాలా కాలంగా కొడుకును ఇండస్ట్రీలోకి తీసుకు వస్తాను అని బాలయ్య బాబు మాట ఇస్తూ వస్తున్నప్పటికీ కూడా అది ఇప్పటివరకు కూడా కార్యరూపం దాల్చలేదు. మధ్యలో ప్రయత్నాలు అయితే గట్టిగానే జరిగాయి. కానీ ఎందుకో మరి అంచనాలకు తగ్గట్టుగా బాలయ్యకు ఆ ప్రణాళికలు అంతగా నచ్చలేదు.

దర్శకులు రచయితలు అందరితోనూ ఇప్పటికే చర్చలు జరుపుతున్నప్పటికీ కూడా అఫీషియల్ గా అయితే ఎలాంటి క్లారిటీ ఇవ్వటం లేదు. ఇక మోక్షజ్ఞ ఫిట్నెస్ విషయంలో కూడా చాలాసార్లు సోషల్ మీడియాలో అనేక రకాల కథనాలు అయితే వైరల్ అయ్యాయి. అసలు మోక్షజ్ఞకు హీరోగా చేయాలని ఉందా లేదా అనే అనుమానాలు కూడా గట్టిగానే వినిపించాయి.

ఏది ఏమైనప్పటికీ కూడా మోక్షజ్ఞ తేజ హఠాత్తుగా షూటింగ్లలో కనిపిస్తూ ఫ్యాన్స్ కు అయితే మంచి కిక్ ఇస్తున్నాడు. నందమూరి బాలకృష్ణ అనిల్ రావిపూడి కాంబినేషన్లో కొనసాగుతున్న భగవంత్ కేసరి సినిమా షూటింగ్లో మోక్షజ్ఞతేజ హఠాత్తుగా ప్రత్యక్షమయ్యాడు. అయితే సాధారణంగా కొడుకుకు సంబంధించిన ఫోటోలు చాలా రోజులు లీక్ కాకుండా బాలయ్య బాబు జాగ్రత్తలు తీసుకున్నాడు.

ఇక ఇప్పుడు షూటింగ్ కు రావడంతో ఏకంగా అఫీషియల్ ఫోటోలే విడిదల చేశారు. అందులో దర్శకుడు అనిల్ రావిపూడి తో పాటు హీరోయిన్ శిలీలతో కూడా మోక్షజ్ఞ మాట్లాడుతూ కనిపించాడు. స్టైలిష్ గా గాగుల్స్ పెట్టుకొని కనిపించిన మోక్షజ్ఞ హీరోగా ఎంట్రీ ఇవ్వడానికి సిద్ధంగా ఉన్నట్లుగా ఒక హింట్ ఇచ్చినట్లుగా మాట్లాడుకుంటున్నారు.

ఈ ఫోటోలు ఇలా అధికారికంగా రిలీజ్ చేయవలసిన అవసరం వచ్చింది అంటే ఏదో ఉన్నట్లే అనే విధంగా ఫ్యాన్స్ కూడా పాజిటివ్ గా రియాక్ట్ అవుతున్నారు. ఇక బాలకృష్ణ గతంలో అయితే కొడుకును తన దర్శకత్వంలోనే పరిచయం చేస్తాను అని అన్నారు. అది కూడా ఆదిత్య 369 సీక్వెల్ ఆదిత్య 999 కథతోనే వారసుడు ఎంట్రీ ఉంటుంది అని కూడా అన్నారు. కానీ ఆ ప్లాన్ కూడా ఇప్పుడు ఎంతవరకు వచ్చింది అనే విషయంలో క్లారిటీ లేదు. మరి బాలయ్య బాబు కొడుకు విషయంలో నెక్స్ట్ ఎలాంటి అప్డేట్ ఇస్తారో చూడాలి.