యానిమల్.. ఆ క్యారెక్టర్ అరాచకమట
హీరోగా డిఫరెంట్ రోల్స్ లో నటించిన బాబీ డియోల్ కామెడీ పాత్రలు కూడా చేసి మెప్పించారు. అయితే యానిమల్ చిత్రంలో మాత్రం అతని పాత్ర చాలా క్రూరంగా ఉంటుందంట.
By: Tupaki Desk | 7 Oct 2023 3:51 PM GMT
రణబీర్ కపూర్ హీరోగా, సందీప్ రెడ్డి వంగా దర్శకత్వంలో తెరకెక్కి ప్రేక్షకుల ముందుకి రాబోతున్న చిత్రం యానిమల్. హై వోల్టేజ్ యాక్షన్ బ్యాక్ డ్రాప్ లో ఈ చిత్రాన్ని సందీప్ రెడ్డి సిల్వర్ స్క్రీన్ పై ఆవిష్కరించారు. రీసెంట్ గా వచ్చిన టీజర్ మూవీపై అంచనాలు అమాంతం పెంచేసింది. అర్జున్ రెడ్డి, కబీర్ సింగ్ తర్వాత సందీప్ రెడ్డి నుంచి రాబోతున్న హై ఇంటెన్సన్ మూవీగా యానిమల్ ఉండబోతోందనే మాట వినిపిస్తోంది.
ప్రస్తుతం ఈ సినిమా పోస్ట్ ప్రొడక్షన్ వర్క్ జరుగుతోంది. అనిల్ కపూర్ రణబీర్ కపూర్ తండ్రిగా చిత్రంలో కనిపిస్తున్నారు. రష్మిక మందనకి బాలీవుడ్ లో ఇది అతి పెద్ద సినిమా అని చెప్పాలి. టీజర్ లో కూడా రష్మిక మందన పాత్రని పరిచయం చేశారు. ఇక మూవీలో పవర్ ఫుల్ ప్రతినాయకుడిగా బాబీ డియోల్ కనిపించారు.
హీరోగా డిఫరెంట్ రోల్స్ లో నటించిన బాబీ డియోల్ కామెడీ పాత్రలు కూడా చేసి మెప్పించారు. అయితే యానిమల్ చిత్రంలో మాత్రం అతని పాత్ర చాలా క్రూరంగా ఉంటుందంట. టీజర్ ఎండ్ లో బాబీ డియోల్ క్యారెక్టర్ ని రివీల్ చేశారు. అయితే రణబీర్ కపూర్ హైవోల్టేజ్ ఎమోషన్ ని బ్యాలెన్స్ చేసే లెవల్ లో బాబీ డియోల్ పాత్ర ఉంటుందని సందీప్ రెడ్డి వంగా రివీల్ చేయకుండానే చెప్పేశాడు.
బిటౌన్ లో వినిపిస్తోన్న టాక్ ప్రకారం బాబీ డియోల్ రూల్ యానిమల్ చిత్రంలో రణబీర్ కపూర్ ని డామినేట్ చేసే విధంగా ఉంటుందంట. క్రూరమైన పాత్రలో రౌద్ర రసాన్ని అద్భుతంగా పండించాడంట. మూవీ రిలీజ్ తర్వాత కచ్చితంగా బాబీ డియోల్ ఇమేజ్ అమాంతం మారిపోతుందని చెప్పుకుంటున్నారు.
డిసెంబర్ 1న ఈ చిత్రం థియేటర్స్ లోకి వరల్డ్ వైడ్ గా రాబోతోంది. హిందీతో పాటు సౌత్ భాషలలో కూడా ఈ చిత్రాన్ని రిలీజ్ చేస్తున్నారు. దిల్ రాజు యానిమల్ సినిమా తెలుగు రాష్ట్రాల రిలీజ్ రైట్స్ దక్కించుకున్నారు. మరి ఈ సినిమా సిల్వర్ స్క్రీన్ పై ఎలాంటి రిజల్ట్ అందుకుంటుంది అనేది ఇప్పుడు ఆసక్తికరంగా మారింది.
