అత‌డి ఫిట్ నెస్ సీక్రెట్ అత‌డేనా!

`యానిమ‌ల్` స‌క్సెస్ తో బాలీవుడ్ న‌టుడు బాబి డియోల్ ఒక్క‌సారిగా మ‌ళ్లీ బిజీ అయ్యాడు. వ‌రుస అవ‌కాశాల‌తో బిజీ బిజీగా మారాడు. ద‌శాబ్ద‌కాలంలో ఏనాడు ఇంత బిజీగా సినిమాలు చేస్తుంది లేదు. అదే స‌మ‌యంలో యానిమ‌ల్ పాన్ ఇండియాలో భారీ విజ‌యం సాధించ‌డంతో అసాధార‌ణ‌మైన ఫాలోయింగ్ పెరిగింది. సోష‌ల్ మీడియాలో అత‌డి క్రేజ్ మాములుగా లేదిప్పుడు. ప్ర‌స్తుతం సౌత్ లో నే ఎక్కువ‌గా సినిమాలు చేస్తున్నాడు.

ప‌వ‌న్ క‌ళ్యాణ్ సోషియా ఫాంట‌సీ చిత్రం `హ‌రి హ‌ర‌వీర‌మ‌ల్లు`..న‌ట‌సింహ బాల‌కృష్ణ 109వ సినిమా లో.. సూర్య `కంగువా`లోనూ విల‌న్ గా న‌టిస్తున్నాడు. ఈ సినిమాల‌న్నీ భారీ ప్రాజెక్ట్ లే . దీంతో బాబి డియోల్ పాత్ర సినిమాలో ఎంత కీల‌క‌మ‌న్న‌ది అంచ‌నా వేయోచ్చు. ఇక కంగువాలో బాబి డియోల్ లుక్ ఇప్ప‌టికే ఆస‌క్తిక‌రంగా మారింది. సూర్య పాత్ర‌కి ధీటుగా ప్ర‌తి నాయ‌కుడి పాత్ర‌ని తీర్చి దిద్దారు.

ఆ పాత్ర‌కు సంబంధించిన మేకోవ‌ర్ ఎంతో ఇంట్రెస్టింగ్ గా అనిపించింది. డిఫ‌రెంట్ గెట‌ప్ లో బాబి డియోల్ రోల్ ఆక‌ట్టుకుంటుంది. పోస్ట‌ర్ లోనే ఆ రేంజ్ లో వ‌దిలారంటే? న‌ట‌న ప‌రంగా బాబి నెక్స్ట్ లెవ‌ల్ పెర్పార్మెన్స్ ఉంటుంద‌ని అంచ‌నాలున్నాయి. తాజాగా బాబిడియోల్ ప్ర‌యివేట్ స్టిల్ ఒక‌టి నెట్టింట వైర‌ల్ అవుతోంది. అది త‌న జిమ్ ట్రైన‌ర్ తో దిగిన ఫోటో. అందులో బాబి షార్ట్..బ‌నియ‌ర్ ధరించి ఉండ‌గా...ప‌క్క‌నే ట్రైన‌ర్ కూడా అదే లుక్ లో క‌నిపిస్తున్నాడు.

యానిమ‌ల్ బాబి డియోల్ ష‌ర్ట్ లెస్ స్టిల్స్ మంచి రెస్పాన్స్ వ‌చ్చిన సంగ‌తి తెలిసిందే. మెలి తిరిగిన కండ‌లు..సిక్స్ ప్యాక్ బాడీ..ముఖంలో ఆహార్యం ప్ర‌తీది కొత్త‌గా అనిపించింది. ఆ పాత్ర‌ని సందీప్ వంగా ప్ర‌త్యేకంగా స‌న్న‌ద్దం చేయ‌డంతోనే ఆ లుక్ సాధ్య‌మైంది. క్లైమాక్స్ లో ఇద్ద‌రి మ‌ధ్య ఫైట్ స‌న్నివేశం ఇలా ప్ర‌తీది బాబిని మార్కెట్ లో హైలైట్ చేసింది.