యానిమల్ : హీరో కంటే భారీగా కనిపించాలని 4 నెలలు..!
యానిమల్ సినిమాలోని విలన్ పాత్ర కోసం బాబీ డియోల్ ను దర్శకుడు సందీప్ వంగ ఎంపిక చేసుకున్న సమయంలో హీరో రణబీర్ కపూర్ కంటే భారీగా కనిపించాలని అడిగాడు.
By: Tupaki Desk | 25 Nov 2023 3:03 PM GMT
బాలీవుడ్‌ తో పాటు సౌత్‌ లో కూడా అందరి దృష్టిని ఆకర్షిస్తున్న సినిమా 'యానిమల్'. ఈ సినిమా వచ్చే వారంలో ప్రేక్షకుల ముందుకు రాబోతున్న విషయం తెల్సిందే. రణబీర్ కపూర్ హీరోగా రష్మిక మందన్నా హీరోయిన్‌ గా సందీప్ వంగ ఈ సినిమాను రూపొందించాడు. తాజాగా విడుదల అయిన ట్రైలర్ తో సినిమాపై అంచనాలు మరింత పెరిగాయి.
ఈ సినిమాలో విలన్ పాత్రలో కనిపించబోతున్న బాబీ డియోల్ లుక్ కి అంతా కూడా ఫిదా అవుతున్నారు. బాబీ డియోల్ కి సుదీర్ఘ కాలంగా ట్రైనర్‌ గా ఉన్న ప్రజ్వల్‌ తాజాగా ఒక ఇంటర్వ్యూలో ఆసక్తికర వ్యాఖ్యలు చేశాడు. యానిమల్ సినిమాలోని బాబీ డియోల్ లుక్ విషయంలో అంతా సంతృప్తి వ్యక్తం చేశారని పేర్కొన్నాడు.
ప్రజ్వల్‌ మాట్లాడుతూ... యానిమల్ సినిమాలోని విలన్ పాత్ర కోసం బాబీ డియోల్ ను దర్శకుడు సందీప్ వంగ ఎంపిక చేసుకున్న సమయంలో హీరో రణబీర్ కపూర్ కంటే భారీగా కనిపించాలని అడిగాడు. నాలుగు నెలల సమయం ఇచ్చాడు. ఆ నాలుగు నెలల సమయంలో స్వీట్స్ తినకుండా కఠిన డైట్‌ తో బరువు పెరిగాడు.
బాబీ డియోల్ అత్యంత క్రూరమైన పాత్రలో యానిమల్ సినిమాలో కనిపించబోతున్నాడు అని ట్రైలర్ ను చూస్తే అర్థం అవుతోంది. విలక్షణ నటుడిగా పేరు దక్కించుకున్న బాబీ డియోల్ ఈ సినిమా తో విలన్ గా పూర్తి స్థాయిలో సెటిల్ అయ్యే అవకాశాలు ఉన్నాయంటూ ఆయన అభిమానులు మరియు సినీ విశ్లేషకులు అభిప్రాయం వ్యక్తం చేస్తున్నారు.
