మాస్ డైరెక్టర్ హీరో వేషాలు..కిర్రాక్ గ్లింప్స్

ప్రతి డైరెక్టర్ లో కూడా ఒక హీరో ఉంటాడనే సంగతి అందరికి తెలిసిందే. కథలో హీరో క్యారెక్టర్ ని డిజైన్ చేసేది ఆల్ మోస్ట్ దర్శకులే. ఆ హీరో బాడీ లాంగ్వేజ్, డ్రెస్సింగ్, డైలాగ్, ఆటిట్యూడ్ అన్నింటిని కూడా దర్శకుడు ముందే తన ఇమాజినేషన్ ద్వారా చూస్తాడు. అలాగే తన ఒరిజినాలిటీ నుంచి ఇన్ స్పైర్ అయ్యి చాలా మంది దర్శకులు హీరో పాత్రలని డిజైన్ చేస్తారు. చాలా సినిమాలలో ఉన్న హీరో క్యారెక్టరైజేషన్ ఇంటర్నల్ గా దర్శకుల బిహేవియర్ లో కూడా కనిపిస్తూ ఉంటుంది.

పూరి జగన్నాథ్ సినిమాలలో హీరో పాత్రలు అన్ని కూడా అతను బయట ఎలా బిహేవ్ చేస్తాడో అలాగే ఉంటాయి. రాజమౌళి కూడా తాను సృష్టించిన హీరో పాత్రలు ఎలా పెర్ఫార్మ్ చేయాలనేది ముందుగానే అతను చేసి చూపిస్తాడు. చాలా మంది దర్శకులు హీరో కంటే ముందుగా ఆ క్యారెక్టర్ లో నటించి తమకి కావాల్సిన పెర్ఫార్మెన్స్ ని ఆయా స్టార్స్ నుంచి రప్పించుకుంటారు. ఓ విధంగా చెప్పాలంటే కథలో ఉన్న అన్ని పాత్రలని దర్శకుడు నటించి చూపిస్తాడు.

అందుకే ప్రతి దర్శకుడిలో కూడా ఒక నటుడు ఉంటాడని చాలా మంది అంటుంటారు. అలా దర్శకులుగా కెరియర్ స్టార్ట్ చేసి హీరోలు, విలన్ లు అయిన వారు చాలా మంది ఉన్నారు. ఇదిలా ఉంటే పవర్, జై లవకుశ, వాల్తేరు వీరయ్య లాంటి బ్లాక్ బస్టర్ హిట్స్ అందుకున్న టాలెంటెడ్ మాస్ డైరెక్టర్ బాబీ కొల్లి. ఈ దర్శకుడు చూడటానికి హ్యాండ్ సమ్ గా ఉంటాడు. అయితే స్క్రీన్ మీద కనిపించడానికి అంతగా ఇష్టపడకపోయిన అతనిలో హీరో ఉన్నాడని అప్పుడప్పుడు బాబీ ఫొటోస్ చూస్తుంటే అనిపిస్తుంది.

ప్రస్తుతం ఈ దర్శకుడు నందమూరి బాలకృష్ణతో ఒక మాస్ కమర్షియల్ యాక్షన్ మూవీ చేస్తున్నారు. ఈ సినిమా షూటింగ్ శరవేగంగా జరుగుతోంది. సితార ఎంటర్టైన్మెంట్స్ ఈ సినిమాని భారీ బడ్జెట్ తో నిర్మిస్తోంది. డైరెక్టర్ బాబీ పుట్టినరోజు సందర్భంగా చిత్ర యూనిట్ ఈ మూవీ మేకింగ్ విజువల్స్ తో ఆయన బర్త్ డే గ్లింప్స్ ని రిలీజ్ చేసి విషెస్ తెలియజేశారు. ఇందులో డైరెక్టర్ బాబీ స్టైలిష్ గా హీరో తరహాలో కళ్ళజోడు పెట్టుకొని కనిపించడం విశేషం.

ఈ గ్లింప్స్ కి అదిరిపోయే బ్యాగ్రౌండ్ మ్యూజిక్ జత చేసి పెర్ఫెక్ట్ గా ఎలివేట్ చేశారు. గ్లింప్స్ లో బాబీ ఎలివేషన్ చూస్తుంటే అచ్చం హీరో తరహాలోనే ఉన్నాడనే కామెంట్స్ వినిపిస్తున్నాయి. షూటింగ్ సన్నివేశాలు జత చేసి ఈ గ్లింప్స్ కట్ చేశారు. ఇదిలా ఉంటే ఈ సినిమాకి సంబందించిన కీలక అప్డేట్ త్వరలో వచ్చే అవకాశం ఉందనే మాట వినిపిస్తోంది. మూవీ టైటిల్ తో పాటు రిలీజ్ డేట్ కూడా ఎనౌన్స్ చేయడానికి సన్నాహాలు చేస్తున్నారని టాక్ నడుస్తోంది.