బాలయ్య వీరమాస్ ఎంతవరకు వచ్చిందంటే..

నందమూరి బాలకృష్ణ హీరోగా బాబీ దర్శకత్వంలో తెరకెక్కుతున్న NBK109 మూవీ ప్రస్తుతం ప్రొడక్షన్ దశలో ఉంది. హై వోల్టేజ్ యాక్షన్ డ్రామా మూవీగా ఈ చిత్రాన్ని దర్శకుడు బాబీ రెడీ చేస్తున్నారు. బాలకృష్ణ 2024 ఎన్నికలలో ఎమ్మెల్యేగా గెలిచిన తర్వాత ప్రమాణ స్వీకారం పూర్తి చేసి ఈ చిత్రం షూటింగ్ లో పాల్గొన్నారు. అప్పటి నుంచి మూవీ రెగ్యులర్ షూటింగ్ జరుగుతోంది.

జైపూర్ లో కీలకమైన యాక్షన్ ఘట్టాలను తెరకెక్కించారు. లాంగ్ షెడ్యూల్ అక్కడ జరిగిందంట. తాజాగా దర్శకుడు బాబీ ట్విట్టర్ లో బాలకృష్ణతో దిగిన ఫోటోని షేర్ చేశారు. అలాగే జైపూర్ షెడ్యూల్ కంప్లీట్ అయిపోయిందని పోస్ట్ పెట్టారు. మోస్ట్ ఇంటెన్స్ షెడ్యూల్ కంప్లీట్ చేసేశాం, దీనికి కేవలం నందమూరి బాలకృష్ణ గారు కారణమంటూ బాబీ ట్వీట్ లో ప్రస్తావించారు. బాలయ్య ఎనర్జీతో సక్సెస్ ఫుల్ గా ఎలక్ట్రిఫైయింగ్ సీక్వెన్స్ పూర్తి చేయగలిగామంటూ బాబీ పోస్ట్ లో మెన్షన్ చేశారు.

అలాగే NBK109 మూవీ టైటిల్ టీజర్ ని త్వరలో ప్రేక్షకుల ముందుకి తీసుకొని రాబోతున్నట్లుగా కన్ఫర్మ్ చేశారు. అయితే డేట్ ఎప్పుడు అనేది మాత్రం డైరెక్టర్ బాబీ ఈ పోస్టులో ప్రస్తావించలేదు. బాబీ షేర్ చేసిన ఫోటో పోస్ట్ సోషల్ మీడియాలో వైరల్ గా మారింది. నందమూరి అభిమానులు కూడా ఈ మూవీ టైటిల్ కోసం ఆసక్తిగా ఎదురుచూస్తున్నారు. ఇప్పటికే చిత్ర యూనిట్ కూడా ఒక పవర్ ఫుల్ టైటిల్ ని కన్ఫర్మ్ చేసినట్లుగా టాక్ వినిపిస్తోంది.

అయితే ఆ టైటిల్ ఏంటనేది త్వరలో రివిల్ అయ్యే అవకాశం ఉంది. టాక్ ప్రకారం వీర మాస్ అనే టైటిల్ చర్చల్లోకి వచ్చింది. మరి ఇది ఎంతవరకు నిజమవుతుందో చూడాలి. ఈ చిత్రాన్ని డిసెంబర్ లో లేదంటే వచ్చే ఏడాది సంక్రాంతికి ప్రేక్షకుల ముందుకి తీసుకురావాలని చిత్ర యూనిట్ భావిస్తోంది. సితార ఎంటర్టైన్మెంట్స్, ఫార్చ్యూన్ ఫోర్ సినిమాస్, శ్రీకర స్టూడియోస్ సంయుక్తంగా NBK109 చిత్రాన్ని నిర్మిస్తున్నాయి.

ఈ సినిమా ద్వారా బాలీవుడ్ స్టార్ యాక్టర్ యానిమల్ విలన్ బాబీ డియోల్ ప్రతినాయకుడిగా టాలీవుడ్ లోకి అడుగుపెడుతున్నారు. ఊర్వశి రౌతేలా, ప్రగ్యా జైస్వాల్ హీరోయిన్స్ గా నటిస్తున్నారు. థమన్ ఈ చిత్రానికి అదిరిపోయే మ్యూజిక్ అందిస్తూ ఉండడం విశేషం. NBK109 కంప్లీట్ చేసిన తర్వాత బాలకృష్ణ బోయపాటి దర్శకత్వంలో అఖండ సీక్వెల్ ని స్టార్ట్ చేయనున్నట్లు సమాచారం.