కెరీర్‌లో గ్యాప్‌లు ఎందుకో చెప్పుకొచ్చిన సీనియ‌ర్ న‌టి

నేను ఏం చేయాల‌నుకుంటే అది చేయ‌గ‌ల‌ను. నాకు ప‌రిశ్ర‌మ‌లో అలాంటి బ్యాక్ గ్రౌండ్ ఉంది. అలాంటి బ‌లం ఉంది. కానీ నేను కావాల‌నే గ్యాప్‌లు తీసుకున్నాను. న‌టించాల‌నుకుంటే న‌టిస్తాను.. వ‌ద్దు అనుకుంటే వ‌ద్దు. పిల్ల‌ల కోసం సినిమాల‌కు గ్యాప్ లు తీసుకున్నాను! నేను రావాల‌నుకుంటేనే వ‌స్తాను! అని కుండ‌బ‌ద్ధ‌లు కొట్టిన‌ట్టు చెప్పింది సీనియ‌ర్ న‌టి కాజోల్.

అయితే త‌న ఈ నిర్ణ‌యం వెన‌క అస‌లు కార‌ణాన్ని కూడా కాజోల్ చెప్పింది. త‌న అమ్మ‌మ్మ స‌ల‌హాలు తన జీవితంపై ప్ర‌భావం చూపాయ‌ని కాజోల్ తెలిపింది. కేవ‌లం ప‌ని చేయ‌డం ఒక్క‌టే జీవితం కాదు.. వ్య‌క్తిగ‌త జీవితం అనేది ఉంటుద‌ని స‌ల‌హా ఇచ్చార‌ట‌. అందుకే తాను పెళ్లి చేసుకుని పిల్ల‌ల్ని క‌నాల‌నుకున్నాన‌ని కాజోల్ వెల్ల‌డించింది. కాజోల్ న‌టించిన తాజా చిత్రం `దోప‌ట్టి` విడుద‌ల ప్ర‌మోష‌న్స్ లో ఇలాంటి ఎన్నో వ్య‌క్తిగ‌త విషయాల‌ను సీనియ‌ర్ న‌టి మాట్లాడింది.

తాను ఇప్పటికీ పని చేస్తున్నందుకు ప‌రిశ్ర‌మ‌కు సంబంధితంగా ఉన్నందుకు కృతజ్ఞతలు తెలుపుతున్నానని కాజోల్ అంది. ఇటీవల బాలీవుడ్‌లో తన స్వీయ‌మార్గాన్ని ఏర్పరచుకోవడం గురించి నిజాయితీగా మాట్లాడింది. కెరీర్ లో త‌న‌ విజయానికి కేవలం కుటుంబ సంబంధాలు కార‌ణం కాదని, నేను చేసిన‌ పనికి ప్ర‌తిభ‌కు ప్రేక్షకులు మెచ్చుకున్నార‌ని, నా ఎదుగుద‌ల‌కు ఇదే కార‌ణ‌మ‌ని కాజోల్ చెప్పింది.

కాజోల్ 1992లో రాహుల్ రావైల్ తెర‌కెక్కించిన `బెఖుడి`తో హిందీ చలనచిత్ర రంగ ప్రవేశం చేసింది. తను ఏ రకమైన పాత్రలు చేయాలనుకుంటుందో ఎంచుకునే జానర్లు, కుటుంబ సమయాన్ని ఆస్వాధించడానికి విరామం తీసుకోవడం గురించి ఎల్లప్పుడూ స్పష్టంగా ఉన్నాన‌ని కాజోల్ తెలిపింది. యే దిల్లగీ, కరణ్ అర్జున్, దిల్‌వాలే దుల్హనియా లే జాయేంగే, గుప్త: ది హిడెన్ ట్రూత్, ప్యార్ కియాతో డర్నా క్యా, ఇష్క్, దుష్మాన్, కుచ్ కుచ్ హోతా హై, ప్యార్ తో హోనా హి థా, రాజు చాచా వంటి ప్రాజెక్ట్‌లతో బాలీవుడ్‌లో సుస్థిర‌ స్థానాన్ని సంపాదించుకుంది. కభీ ఖుషీ కభీ ఘమ్... స‌హా కొన్ని ఫ్లాప‌య్యాయి. కొన్నిసినిమాలు బాక్సాఫీస్ వ‌ద్ద గొప్ప‌ మాయాజాలం చేశాయి.

2003లో తన కుమార్తె పుట్టిన తర్వాత, ఆమె ఫనా, ఉ మీ ఔర్ హమ్, మై నేమ్ ఈజ్ ఖాన్, వి ఆర్ ఫ్యామిలీ , టూన్‌పూర్ కా సూపర్ హీరో వంటి కొన్ని చిత్రాలను చేసింది. యుగ్ పుట్టిన తర్వాత కాజోల్ తన సమయాన్ని మాతృత్వం కోసం వెచ్చించాలని నిర్ణయించుకుంది. అటుపై 2015లో దిల్‌వాలేతో మళ్లీ న‌ట‌న‌లోకి వచ్చింది.

పని నుండి విరామం తీసుకోవడం ఎల్లప్పుడూ సౌకర్యంగా ఉంటుందని కూడా కాజోల్ తెలిపింది. ఈ బ్యూటీ ప్రముఖ నటి తనూజ కుమార్తె.. నటుడు అజయ్ దేవగన్‌ను వివాహం చేసుకుంది. నేను విశ్రాంతి తీసుకుంటాను.. తిరిగి రావాలనుకుంటే వస్తాను..కోరుకుంటే ఏదైనా చేయగలదు అని అంది. నా ఫిల్మోగ్రఫీని చూస్తే బహుశా తక్కువ పనిచేసిన నటిని నేను మాత్ర‌మే. మా అమ్మ (వెటరన్ యాక్టర్ తనూజ), అమ్మమ్మ (దివంగత దర్శకురాలు, నటి శోభన సమర్థ్) ఎప్పుడూ నాతో మాట్లాడుతూ పని అనేది మీ జీవితంలో ఒక భాగం మాత్ర‌మేన‌ని అనేవారు అని గుర్తు చేసుకుంది. నేను విరామం తీసుకున్నాను. నేను పెళ్లి చేసుకుని పిల్లల్ని కనాలనుకున్నాను. కృతజ్ఞతగా నేను ఇప్పటికీ పని చేస్తున్నాను. నేను ఇప్పటికీ ఇండ‌స్ట్రీకి సంబంధితంగా ఉన్నాను... ఇప్పటివరకు మంచి అభిరుచిని కలిగి ఉన్నందుకు ప్రతి ఒక్కరికీ నేను కృతజ్ఞతలు తెలుపుతున్నాను.. అని కాజోల్ అన్నారు.

కాజోల్ ప్రాజెక్ట్‌లు కెరీర్ మ్యాట‌ర్ కి వ‌స్తే.. హారర్, యాక్షన్, డ్రామా, మిస్టరీ ఇలా విభిన్నమైన ప్రాజెక్ట్‌ల్లో ఇటీవ‌ల న‌టిస్తోంది. ఆమె చరణ్ తేజ్ ఉప్పలపాటి యాక్షన్-ప్యాక్డ్ చిత్రం `మహారాగ్ని - క్వీన్ ఆఫ్ క్వీన్స్‌`లో కూడా కనిపిస్తుంది. దాదాపు 27 ఏళ్ల తర్వాత ప్రభుదేవాతో తిరిగి క‌లిసి ప‌ని చేస్తోంది. నెట్‌ఫ్లిక్స్ `దో పట్టీ`లో కూడా కనిపిస్తుంది. ఇందులో పోలీసు అధికారి పాత్రలో కనిపించనుంది.