రాశీ గేమ్ ప్లాన్ మార్చేసిందేమిటీ?
అయితే చివరికి నటన తనను పిలిచింద‌ని వ్యాఖ్యానించింది. నా విజయానికి విధి, స్థిర‌మైన ఎంపికలే కార‌ణ‌మ‌ని తెలిపింది.
By: Tupaki Desk | 31 Oct 2024 3:36 AM GMT
ఏబీపీ నెట్‌వర్క్ సదరన్ రైజింగ్ సమ్మిట్‌లో నటి రాశి ఖన్నా IAS అధికారి కావాలనే కోరిక ఉన్నా కానీ, తాను సినిమాల్లో విజయవంతమైన వ్యక్తిగా మారడం వెన‌క తన ఊహించని ప్రయాణం ఉంద‌ని తెలిపింది. తన కెరీర్ మార్పును వివ‌రిస్తూ... రాశి ఒకప్పుడు ప్రభుత్వ ఉద్యోగిగా స్థిర‌మైన జీవితాన్నికోరుకున్నాన‌ని తెలిపింది.
అయితే చివరికి నటన తనను పిలిచింద‌ని వ్యాఖ్యానించింది. నా విజయానికి విధి, స్థిర‌మైన ఎంపికలే కార‌ణ‌మ‌ని తెలిపింది. త‌దుప‌రి `ది సబర్మతి రిపోర్ట్` గురించి ప్ర‌శ్నించ‌గా...మూవీ గురించి ఎక్కువ వెల్లడించకూడదని నిర్ణయించుకుంది. ఆమె కెరీర్‌లో కీల‌క‌మైన చిత్రంగా భావిస్తోంది. దీనికి కార‌ణం .. ప్రభావవంతమైన సామాజిక సమస్యలను పరిష్కరించడానికి ఊహించిన ప్రాజెక్ట్ ఇది.
రాశీ ఇటీవ‌ల తెలుగు, త‌మిళం, హిందీలో ఆద‌ర‌ణ పొందిన సినిమాల్లో న‌టించింది. రాజ్ అండ్ డీకే వెబ్ సిరీస్ ఫ‌ర్జీలోను కీల‌క పాత్ర‌ను పోషించింది. మునుముందు మ‌రిన్ని వెబ్ సిరీస్ ల‌కు సంత‌కాలు చేయ‌నుంద‌ని తెలుస్తోంది. తెలుసు క‌దా.. అగాథియా లాంటి చిత్రాల్లో ను న‌టిస్తోంది.
