పిక్‌టాక్ : కొత్తగా కనిపిస్తున్న శ్వేతా బసు
బాల నటిగా ఇండస్ట్రీలో అడుగు పెట్టి పలు సినిమాల్లో నటించిన శ్వేతా బసు ప్రసాద్‌ టాలీవుడ్‌లో 'కొత్త బంగారు లోకం' సినిమాతో అడుగు పెట్టింది.
By: Tupaki Desk | 28 Jan 2025 4:48 AM GMT
బాల నటిగా ఇండస్ట్రీలో అడుగు పెట్టి పలు సినిమాల్లో నటించిన శ్వేతా బసు ప్రసాద్‌ టాలీవుడ్‌లో 'కొత్త బంగారు లోకం' సినిమాతో అడుగు పెట్టింది. మొదటి సినిమాతోనే కమర్షియల్‌గా బిగ్‌ సక్సెస్‌ని అందుకున్న శ్వేతా బసు ప్రసాద్‌ టాలీవుడ్‌లో టాప్‌ హీరోయిన్‌ కావడం ఖాయం అని అంతా భావించారు. కానీ ఆమెకు లక్‌ కలిసి రాలేదు. పైగా మొదటి సినిమా భారీ విజయాన్ని సొంతం చేసుకున్నా తదుపరి సినిమాల విషయంలో ఆమె తీసుకున్న నిర్ణయాల వల్ల ఆమెకు నిరాశ మిగిలింది. ఆ తర్వాత ఆమె నటించిన ఏ ఒక్క సినిమా ఆ స్థాయిలో గుర్తింపు తెచ్చి పెట్టలేదు. టాలీవుడ్‌లోనే కాకుండా ఇతర భాషల్లోనూ సినిమాల్లో నటించింది.
టాలీవుడ్‌కి పూర్తిగా దూరం అయిన ఈమె బాలీవుడ్‌లో సినిమాలు, సిరీస్‌లు చేస్తోంది. కొన్నాళ్ల క్రితం వివాదాల కారణంగా వార్తల్లో నిలిచిన ఈ అమ్మడు తిరిగి తన సినిమాలతో, వెబ్‌ సిరీస్‌లతో, అందమైన ఫోటోల కారణంగా వార్తల్లో నిలుస్తోంది. తాజాగా ఈమె నటించిన 'ఊప్స్ అబ్‌ క్యా' డిస్నీ ప్లస్ హాట్‌ స్టార్‌లో స్ట్రీమింగ్‌ అవుతోంది. ఆ సిరీస్ ప్రమోషన్‌లో భాగంగా శ్వేత బసు ప్రసాద్‌ పలు మీడియా సమావేశాలకు హాజరు కావడంతో పాటు, పలు ఇంటర్వ్యూల్లో పాల్గొంది. ఆ సమయంలో తీసుకున్న ఈ ఫోటోలను షేర్‌ చేయడం ద్వారా అందరి దృష్టిని ఆకర్షిస్తోంది.
ఇన్‌స్టాగ్రామ్‌ ద్వారా రెగ్యులర్‌గా తన అందమైన ఫోటోలను షేర్‌ చేస్తూ ఉండే శ్వేత బసు ఈసారి చాలా అందంగా కనిపిస్తుందని నెటిజన్స్ కామెంట్స్ చేస్తున్నారు. సోషల్‌ మీడియాలో ఎప్పుడూ ఫోటోలను షేర్‌ చేస్తూ ఉన్నప్పటికీ ఈసారి మాత్రం అంతకు మించి విభిన్నంగా, కొత్తగా శ్వేత బసు కనిపిస్తుందని కొందరు అభిప్రాయం వ్యక్తం చేస్తున్నారు. వింటేజ్‌ లుక్‌తో పాటు గ్లామర్‌గా కనిపించడం ద్వారా చూపు తిప్పుకోనివ్వడం లేదు. టైట్‌ బ్లూ జీన్స్‌తో పాటు రెడ్‌ టాప్‌తో వింటేజ్‌ హెయిర్‌ స్టైల్‌తో శ్వేత బసు ప్రసాద్‌ ఫోటోలో ఆకట్టుకుంది. ఊప్స్ అబ్‌ క్యా ప్రమోషన్స్ కోసం రెడీ అయినట్లుగా ఈ ఫోటోలకు శ్వేత బసు కామెంట్‌ పెట్టింది.
తెలుగులో కొత్త బంగారు లోకం సినిమాతో పరిచయం అయిన తర్వాత ఈమెకు రైడ్‌, కాస్కో, కళవర్‌ కింగ్‌, ప్రియుడు, జీనియస్‌ సినిమాలతో పాటు మరికొన్ని సినిమాల్లోనూ నటించింది. కొన్ని సినిమాలు పర్వాలేదు అనిపించుకున్నా ఈమెకు మాత్రం పెద్దగా బ్రేక్ తెచ్చి పెట్టలేక పోయాయి. 2018లో విజేత సినిమాతో ప్రేక్షకుల ముందుకు వచ్చిన శ్వేతా ఆ తర్వాత తెలుగులో కనిపించలేదు. ప్రస్తుతం బాలీవుడ్‌లో వరుసగా సినిమాలు చేస్తున్న కారణంగా అక్కడ సక్సెస్ అయ్యి టాలీవుడ్‌లో సెకండ్‌ ఇన్నింగ్స్ మొదలు పెడుతుందా అనేది చూడాలి.
