స్పిరిట్ తో అందరికి ఇచ్చి పడేయడమే..

అర్జున్ రెడ్డి, యానిమల్.. తెరపైకి తీసుకు వచ్చింది రెండు కథలే అయినప్పటికీ సందీప్ రెడ్డి వంగా మేకింగ్, స్టోరీ నేరేషన్, క్యారెక్టర్ ప్రెజెంటేషన్ లలో సరికొత్త ట్రెండ్ సెట్ చేశాడు. అందరూ కథని చెప్పే విధంగా తాను కూడా చెబితే ప్రత్యేకత ఏముంటుంది అని సందీప్ రెడ్డి భావిస్తారు. అందుకే అతని సినిమాలో హీరో పాత్రలకి ప్రతి ఎమోషన్ హై లోనే ఉంటుంది. ఎక్స్ట్రీమ్ ఎమోషన్స్ ఉన్న వాడు కథానాయకుడు అయితే తన చుట్టూ జరిగే విషయాలపై ఎలా రియాక్ట్ అవుతాడనేది సందీప్ రెడ్డి వంగా చూపిస్తాడు.

ఈ వైలెంట్ నేచర్ క్యారెక్టరైజేషన్స్ సందీప్ రెడ్డి వంగాని ఒక ఐకానిక్ స్టార్ డైరెక్టర్ ని చేశాయి. యూత్ లో విపరీతమైన క్రేజ్ పెరగడానికి కారణం ఇదే. అర్జున్ రెడ్డి, యానిమల్ సినిమాలలో హీరో క్యారెక్టరైజేషన్స్ పై చాలా మంది విమర్శలు చేశారు. అయితే ప్రేక్షకులు ఆ సినిమాలకి బ్రహ్మరథం పట్టారు. దీంతో సందీప్ రెడ్డి వంగా స్టార్ డైరెక్టర్ గా మారిపోయాడు. నిర్మాతలకి బెస్ట్ ఛాయస్ గా ఉన్నాడు. టి-సిరీస్ భూషణ్ కుమార్ సందీప్ రెడ్డి దర్శకత్వంలో వరుస సినిమాలు చేయబోతున్నాడు.

అందులో స్పిరిట్ కూడా ఒకటి. యంగ్ రెబల్ స్టార్ ప్రభాస్ హీరోగా పాన్ ఇండియా రేంజ్ లో స్పిరిట్ మూవీ తెరకెక్కనుంది. ఈ చిత్రంలో ప్రభాస్ క్యారెక్టర్ సందీప్ రెడ్డి స్టైల్ లోనే మోస్ట్ వైలెంట్ గా ఉంటుందంట. విలన్ పాత్రలో కూడా స్పిరిట్ చిత్రంలో ప్రభాస్ కనిపించబోతున్నాడనే మాట వినిపిస్తోంది. ప్రస్తుతం ఈ మూవీ స్క్రిప్ట్ ని సందీప్ రెడ్డి వంగా రెడీ చేస్తున్నాడు.

ఇక డార్లింగ్ ప్రభాస్ ఇమేజ్ పరంగా బాలీవుడ్ స్టార్స్ ని బీట్ చేసేసాడు. దీంతో బాలీవుడ్ యాక్టర్స్, క్రిటిక్స్ ఏదో ఒక రూపంలో ప్రభాస్ పై తమ ద్వేషాన్ని వెళ్లగక్కే ప్రయత్నం చేస్తూ ఉంటారనేది సౌత్ లో వినిపించే మాట. ఈ మధ్య అర్షద్ వార్సీ చేసిన వ్యాఖ్యలు కూడా ప్రభాస్ ఇమేజ్ ని భరించలేక చేసినవే అని ఫ్యాన్స్ భావిస్తున్నారు. అలాగే సందీప్ రెడ్డి వంగాని కూడా బాలీవుడ్ క్రిటిక్స్, సోకాల్డ్ యాక్టర్స్ విపరీతంగా విమర్శిస్తూ ఉంటారు. ఆయన సక్సెస్ ని ద్వేషిస్తూ ఉంటారు.

అంటే బాలీవుడ్ సినిమా క్రిటిక్స్, ఓ వర్గం యాక్టర్స్ నుంచి ద్వేషాన్ని, వ్యతిరేకతని ఎదుర్కొంటున్న ప్రభాస్, సందీప్ రెడ్డి కలయికలో స్పిరిట్ మూవీ తెరకెక్కుతోంది. విచిత్రంగా ఈ సినిమాని బాలీవుడ్ బడా నిర్మాణ సంస్థ టి-సిరీస్ నిర్మిస్తోంది. దేశ వ్యాప్తంగా మోస్ట్ అవైటెడ్ మూవీగా స్పిరిట్ మారే అవకాశం ఉందని ట్రేడ్ పండితులు అయితే అంచనా వేస్తున్నారు. బాలీవుడ్ క్రిటిక్స్ ఈ చిత్రాన్ని ఎంతగా అణచివేసే ప్రయత్నం చేసిన కూడా అందరికి ఇచ్చి పడేయడం గ్యారెంటీ అని అభిమానులు బలంగా నమ్ముతున్నారు.