పెళ్ల‌యిన‌వాడితో ఎఫైర్ త‌ప్పులేదన్న ప్ర‌ముఖ‌ న‌టి!

ఇంత‌కుముందు ఓ ఇంట‌ర్వ్యూలో పెళ్ల‌యిన వాడితో ఎఫైర్ పెట్టుకుని త‌ప్పు చేసాన‌ని వ్యాఖ్యానించింది అమీషా ప‌టేల్. అత‌డు మ‌రెవ‌రో కాదు ప్ర‌ముఖ ద‌ర్శ‌కుడు విక్ర‌మ్ భ‌ట్. కానీ ఈ బంధం ఎక్కువ కాలం కొన‌సాగ‌లేదు. దీంతో అమీషా తీవ్రంగా నిరాశ‌ను వ్య‌క్తం చేసింది.

ఇప్పుడు పెళ్ల‌యిన వాడితో ఎఫైర్ పెట్టుకోవ‌డం త‌ప్పే కాద‌ని వాదించింది మాజీ విశ్వ‌సుంద‌రి, న‌టి సుస్మితాసేన్. ఈ ఎపిసోడ్ లో కూడా విక్ర‌మ్ భ‌ట్ ప్ర‌బుద్ధుడు. అత‌డితో తొలి చిత్రానికి ప‌ని చేసిన‌ప్పుడే సుష్ ఎఫైర్ పెట్టుకుంది. అప్ప‌టికే పెళ్ల‌యిన వాడితో స‌ర‌సాలేమిటి? అంటూ సుస్మితాసేన్ పై విమ‌ర్శ‌లు కూడా వ‌చ్చాయి.

మిస్ యూనివర్స్ కిరీటాన్ని గెలుచుకున్న తర్వాత సుస్మితా సేన్ మహేష్ భట్ 'దస్తక్' సినిమాతో బాలీవుడ్‌లోకి అడుగుపెట్టింది. ఈ చిత్రంలో ఒక సైకోటిక్ స్టాకర్‌కి లక్ష్యంగా మారిన యువ‌తిగా నటించింది. ఈ చిత్రానికి క‌థ స్క్రీన్ ప్లే విక్రమ్ భట్ రాశారు. అతడు గొప్ప ప్ర‌తిభావంతుడు. తరచుగా సెట్‌లో సుస్మితతో ఇంటరాక్ట్ అయ్యాడు. సన్నివేశాల గురించి ఆమెకు వివరించేవాడు. చిత్రీక‌ర‌ణ‌ సమయంలో 'సుస్మిత -విక్రమ్' ప్రేమలో పడ్డారు. అయితే అప్ప‌టికే విక్రమ్ తన చిన్ననాటి ప్రియురాలు అదితి భట్‌ని వివాహం చేసుకున్నాడు. అదితి, విక్రమ్‌లకు కృష్ణభట్ అనే కుమార్తె కూడా ఉంది.

ఓసారి ఇంటర్వ్యూలో దస్తక్ చిత్రీకరణ సమయంలో విక్రమ్‌ను తన 'రైట్ హ్యాండ్ మాన్' అని మహేష్ భట్ గౌర‌వించారు. సీషెల్స్‌లో వారి ప్రేమ మొద‌లైంద‌ని తెలిపారు. ద‌స్త‌క్ షూటింగ్ సమయంలో సుస్మితతో విక్రమ్ రొమాన్స్ సీషెల్స్‌లో ప్రారంభమైంది. విక్రమ్ నా రైట్ హ్యాండ్ .. నా పనిలో ఎక్కువ భాగం చేస్తూ ముందంజలో ఉండేవాడు. కాబట్టి అతడు సుష్ తో మరింత తీవ్రంగా సంభాషించేవాడు. అలా రొమాన్స్ మొదలైంది.. అని తెలిపాడు.

సుస్మిత తన కెరీర్ కఠినమైన ప్రారంభాన్ని గుర్తుచేసుకుంది. తాను విక్రమ్‌ను తట్టుకోలేకపోయానని, ముఖ్యంగా అతడు తన గురించి మహేష్ భట్‌కి తరచుగా ఫిర్యాదు చేస్తున్నాడని చెప్పింది. త‌న‌ వేలికి గాయమైన తర్వాత విక్ర‌మ్ సెట్‌లో ఆమెను సంప్రదించినప్పుడు పరిస్థితులు మారిపోయాయి. ''ఒక రోజు నేను నా వేలు విరిగినప్పుడు అతను సెట్‌లో పరుగెత్తుకుంటూ నా దగ్గరకు వచ్చాడు.. ఇదే సమయం.. నేను అతనిని తట్టుకోలేకపోయాను. ఇది సినిమా ముగింపు దశకు చేరుకుంది. అతడు నా గురించి మహేష్ భట్‌కి ఫిర్యాదు చేస్తూనే ఉంటాడు కాబట్టి అతనికి నాపై వ్యక్తిగతంగా ఏదో ఉందని నేను అనుకున్నాను.. అని చెప్పింది.. ఆ తర్వాత మేము మాట్లాడటం ప్రారంభించాము. మంచి స్నేహితులం అయ్యాము. చాలా కాలం తర్వాత మేము ఎఫైర్‌లో పడ్డాము. ఇది స్లో కెమిస్ట్రీ అని సిమి గరేవాల్‌తో సంభాష‌ణ‌ల‌ సందర్భంగా గుర్తుచేసుకుంది.

తాము కలిసి పనిచేయడం ప్రారంభించినప్పుడే త‌న‌కు వివాహమైందని, అయితే సుష్ తో రిలేషన్ షిప్ ప్రారంభమైనప్పుడు కాదని విక్రమ్ చెప్పాడు. అతడు అత‌డి భార్య అప్పటికే విడిపోయామ‌ని కూడా చెప్పాడు.పెళ్లిని తాను నిందించలేదని లేదా అతడి మాజీ భార్య లేదా కుమార్తెపై త‌న‌కు ఎలాంటి గొడ‌వ‌ల్లేవ‌ని సుస్మిత అప్ప‌ట్లో వెల్ల‌డించింది.

అత‌డు విడాకులు తీసుకున్నప్పుడు నేను చాలా బహిరంగంగా అత‌డితో ఉన్నాను.. అతడు ఇంకా విడాకులు తీసుకోనందున నేను అతడిని ప్రేమిస్తున్నానని ప్రపంచానికి చెప్పడానికి నేను వేచి ఉండను... అని కూడా సుస్మిత బ‌హిరంగంగా వ్యాఖ్యానించింది. కానీ సుస్మిత - విక్రమ్‌ల సంబంధం స్వల్పకాలికం. కొన్ని సంవత్సరాల తర్వాత ముగిసింది.