స్టార్ హీరో ని హ‌ర్ట్ చేసిన అభిమానులు

బాలీవుడ్ లో ఖిలాడీ అక్ష‌య్ కుమార్ ఎంత బిజీ స్టారో చెప్పాల్సిన ప‌నిలేదు. ఏడాదికి కనీసం నాలుగు లేదా ఐదు చిత్రాలతో ప్రేక్ష‌కుల ముందుకొస్తారు. చిన్న‌..పెద్ద అనే తేడా లేకుండా వ‌చ్చిన ఏ అవ‌కాశం వ‌దిలి పెట్ట‌రు. సినిమా ఎంత వేగంగా పూర్తి చేసి రిలీజ్ చేసాం? అన్న కోణంలో ఖిలాడీ వేగం క‌నిపిస్తుంది. రాబోయే రెండేళ్లకి సంబంధించి అక్ష‌య్ షెడ్యూల్ ఎంత ట‌ఫ్ గా ఉందో ప్ర‌స్తుతం చేస్తోన్న సినిమాలు సంఖ్య చూస్తేనే తెలుస్తుంది.

జ‌యాప‌జ‌యాల‌తో సంబంధం లేకుండా సినిమాలు చేయ‌డం అన్న‌ది అక్ష‌య్ స్టైల్. అయితే ఇలా ప్లాప్ సినిమాలు చేయ‌డంతో తీవ్ర విమ‌ర్శ‌లు ఎదుర్కుంటున్నారు. ఈనేప‌థ్యంలో ఆయ‌న‌కు ఎదురైన ఓ ప్ర‌శ్న మ‌రింత బాధపెట్టిన‌ట్లు తెలుస్తోంది. సోష‌ల్ మీడియాలో కొంత మంది సార్ మీ సినిమా వ‌సూళ్ల గురించి ఓ సారి చెప్పండి అంటే! ఆక్ష‌య్ స‌మాధానాన్ని బ‌ట్టి ఆయ‌న ఎంత నొచ్చుకున్నారో అర్ద‌మ‌వుతుంది.

` బాక్సాపీస్ వ‌ద్ద నా సినిమాలు ఎలాంటి వ‌సూళ్లు సాధించాయి అని అడిగి న‌న్ను నిరూత్స‌హ ప‌ర‌చ‌కండి. వ‌సూళ్ల‌తో సంబంధం లేకుండా నా సినిమాలు స‌మాజంలో ఎంత మార్పు తీసుకొచ్చాయో గ్ర‌హించాలి. క‌మ‌ర్శియ‌ల్..కంటెంట్ బేస్డ్ చిత్రాలు హిందీలో మంచి విజ‌యం సాధిస్తున్నాయి. నేను చేసిన సినిమాలు ఎంత మందికి చేరాయి. వాటి ద్వారా నాకొచ్చిన విమర్శ‌లు ఏంటి? అన్న‌ది కూడా నాకు తెలుసు.

కానీ సినిమాల ద్వారా కొంతైనా మార్పు రావాల‌ని.. చైత‌న్య ప‌రిచ‌యాల‌ని కొన్ని సినిమాలు చేస్తాను. వాటిని అంతా ప్రోత్స‌హించాలి `అని అన్నారు. ఈ సంద‌ర్భంగా తాను ఇచ్చిన సందేశంతో పాటు..వ‌చ్చిన విమ‌ర్శ‌ల్ని గుర్తు చేసుకున్నారు. ప్ర‌స్తుతం అక్ష‌య్ కుమార్ హీరోగా పదికి పైగా సినిమాలు నిర్మాణ దశల్లో ఉన్నాయి. వాటిలో కొన్ని సినిమాలు కొన్ని వారాల్లో విడుదలకు సిద్ధంగా ఉన్నాయి. `వేదాత్ మరాఠే వీర్ దౌడ్లే సాత్` ..`బడే మియాన్ చోటే మియాన్`.. `స్కై ఫోర్స్`..` సూరరై పొట్రు రీమేక్` .`హేరా ఫేరి 3`.. `శంక‌ర‌` లాంటి సినిమాలు కూడా షూటింగ్ ద‌శ‌లో ఉన్నాయి. ఇంకా `హౌస్‌ఫుల్ 5`.. `వెల్‌కమ్ 3` ..`సింఘమ్ ఎగైన్` వంటి ఫ్రాంచైజీ చిత్రాలు కిలాడీ హ్యాండ్స్ లోనే ఉన్నాయి.