రియా చక్రవర్తి.. ఆ గ్లామర్ డోస్ అస్సలు తగ్గలే

రియా చక్రవర్తి.. ఈ పేరు 2020-2022 మధ్యకాలంలో చాలా పాపులర్ అయ్యింది. ఈ బ్యూటీ టీవీ హోస్ట్ గా కెరియర్ స్టార్ట్ చేసి తరువాత మోడలింగ్ లోకి ఎంట్రీ ఇచ్చింది. ఆపై నటిగా మారింది. తూనీగ తూనీగ సినిమాతో టాలీవుడ్ లోకి అడుగుపెట్టింది. అయితే ఈ మూవీ ఆశించిన స్థాయిలో మెప్పించలేదు. బాలీవుడ్ లో కూడా తొందరగానే ఎంట్రీ ఇచ్చి మేరే డాడ్ కి మారుతి సినిమాతో తన లక్కుని టెస్ట్ చేసుకుంది. అనంతరం అడపాదడపా కొన్ని చిన్న సినిమాలు చేసుకుంటూ వచ్చింది.

2018లో వరుణ్ మిశ్రాతో రియా చక్రవర్తి జిలేబి అనే మూవీ చేసింది. అదేమీ అంతగా హిట్ కాలేదు. అయితే ఆ మధ్య సుశాంత్ సింగ్ రాజ్ పుత్ ఆత్మహత్య కేసులో రియా చక్రవర్తి మీద తీవ్ర ఆరోపణలు వచ్చాయి. రియా చక్రవర్తి పోలీసు విచారణ కూడా ఎదుర్కొంది. అదే సమయంలో డ్రగ్స్ కేసులో కూడా ఆమె అరెస్ట్ అయ్యింది. చాలా కాలం జైల్లో ఉన్న తర్వాత రియా చక్రవర్తి బయటకొచ్చింది. 2021లో రియా చక్రవర్తి చివరిగా చెహరే అనే సినిమాలో నటించింది.

ఈ మూవీ ఆశించిన స్థాయిలో సక్సెస్ కాలేదు. జైలు నుంచి బయటకొచ్చాక మూవీ ఆఫర్స్ కోసం రియా చక్రవర్తి సీరియస్ గా ట్రై చేసింది. అయితే ఆమెకి అవకాశాలు మాత్రం రాలేదు. దీంతో రియా చక్రవర్తి నటిగా తన కెరియర్ ని ముగించేసింది. రియా చక్రవర్తి ఎంటీవీ షోలో హోస్ట్ గా కెరియర్ స్టార్ట్ చేసింది. హీరోయిన్ గా ఎంట్రీకి ముందు వరకు డిఫరెంట్ షోలకి హోస్ట్ గా చేసింది.

నటిగా అడుగుపెట్టిన తర్వాత హోస్టింగ్ కి ముగింపు కార్డు పెట్టింది. నటిగా కూడా ఇప్పుడు రియా చక్రవర్తి కెరియర్ ని ముగించేసింది. కొత్తగా యుట్యూబ్ ఛానల్ స్టార్ట్ చేసి వీడియో పాడ్ కాస్ట్ లు చేస్తోంది. హోస్ట్ గా ఉన్న అనుభవంతో వీడియో పాడ్ కాస్టర్ గా రాణించే ప్రయత్నంలో ఉంది. తాజాగా ఈ అమ్మడు ఇన్ స్టాగ్రామ్ లో ఫోటో షేర్ చేసింది. ఈ ఫోటోలో లాంగ్ టీ షర్ట్ ధరించి దానిపై షార్టు వేసుకొని సోఫాలో కూర్చొని కనిపిస్తోంది.

ఈ ఫోటోకి చాప్టర్ 2 అని పోస్ట్ పెట్టింది. రియా చక్రవర్తి చాప్టర్ 1 పాడ్ కాస్ట్ వీడియోని సుస్మిత సేన్ తో చేసింది. ఇప్పుడు చాప్టర్ 2 పాడ్ కాస్ట్ వీడియోని రిలీజ్ చేయబోతున్నట్లు ఈ ఫోటోతో రివీల్ చేసింది. ఈ పిక్స్ తో రియా చక్రవర్తి చాలా గ్లామరస్ గా ఉందని ఆమె అభిమానులు కామెంట్స్ చేస్తున్నారు. అలాగే కొత్త జర్నీకి కంగ్రాట్స్ చెబుతున్నారు.