డాలీవుడ్‌కి వెళ్లిపోతున్న సోనాల్?
చివ‌రిసారిగా ఆదిపురుష్ చిత్రంలో అతిథి పాత్ర‌లో క‌నిపించింది సోనాల్ చౌహాన్.
By: Tupaki Desk | 29 July 2024 3:40 AM GMT
చివ‌రిసారిగా ఆదిపురుష్ చిత్రంలో అతిథి పాత్ర‌లో క‌నిపించింది సోనాల్ చౌహాన్. ఆ త‌ర్వాత ఈ బ్యూటీకి ఆశించిన అవ‌కాశాలేవీ లేవు. ఇంత‌లోనే బంగ్లాదేశ్ కి చెందిన ప్రముఖ పంపిణీదారుడు స్వీయ‌నిర్మాణంలో రూపొందిస్తున్న ఓ సైక‌లాజిక‌ల్ థ్రిల్ల‌ర్ మూవీలో అవ‌కాశం ద‌క్కించుకుంది. ఈ మూవీ పేరు దర్థ్.
షకీబ్ ఖాన్ కి డాలీవుడ్ మెగాస్టార్ గా పాపులారిటీ ఉంది. అత‌డి స‌ర‌స‌న ఆఫ‌ర్ అన‌గానే బాలీవుడ్ నటి సోనాల్ చౌహాన్ కి కొత్త దారి తెలిసింది అంటూ అభిమానులు ఆనందం వ్య‌క్తం చేసారు. బంగ్లాదేశీ న‌టుడు షకీబ్ దీనిని పాన్-ఇండియన్ చిత్రంగా ప్ర‌మోట్ చేస్తున్నాడ. దర్థ్ లో క‌థానాయ‌కుడిగా న‌టిస్తూ త‌న‌దైన ముద్ర వేయడానికి ప్ర‌య‌త్నిస్తున్నాడు. ఈ చిత్రానికి అనోన్ మ‌మూన్ దర్శకత్వం వహిస్తున్నారు.
అత‌డు ఇంత‌కుముందు విజ‌య‌వంత‌మైన చిత్రం `నబాబ్ ఎల్‌ఎల్‌బి`కి దర్శకత్వం వ‌హించాడు. బాలీవుడ్ బ్లాక్‌బస్టర్‌లు పఠాన్ -జవాన్ లను బంగ్లాదేశ్‌లోని సినీ ప్రేక్షకుల కోసం థియేటర్లలోకి తీసుకువచ్చిన దర్శకుడు పంపిణీదారుడు అనోన్నో మమున్. దీనిని బెంగాలీ, హిందీ, తమిళం, మలయాళం లో రూపొందిస్తున్నారు. ఈ సినిమా చిత్రీక‌ర‌ణ శ‌ర‌వేగంగా పూర్త‌వుతోంది. ఈ చిత్రాన్ని వన్ వరల్డ్ మూవీస్, బంగ్లాదేశ్ యాక్షన్ కట్ ఎంటర్‌టైన్‌మెంట్ - కిబ్రియా ఫిల్మ్స్‌తో పాటు షకీబ్ స్వంత నిర్మాణ సంస్థ SK మూవీస్ సంయుక్తంగా నిర్మిస్తున్నాయి. ఒక‌వేళ ఈ సినిమా పెద్ద విజ‌యం సాధిస్తే సోనాల్ డాలీవుడ్ కి వెళ్లిపోతుందేమో! అంటూ కొంద‌రు సందేహాలు వ్య‌క్తం చేసారు. మ‌రోవైపు సోనాల్ సోష‌ల్ మీడియాల్లో త‌న అభిమానుల‌కు త‌న ఇండో - బంగ్లా సినిమా గురించి బోలెడ‌న్ని విష‌యాల‌ను తెలియ‌జేసింది. ప్ర‌స్తుతానికి తెలుగు, హిందీలో ఆఫ‌ర్లు లేవ్ గ‌నుక త‌న ప్ర‌య‌త్నానికి మంచి ప్రోత్సాహం ల‌భిస్తోంది. తాజాగా సోనాల్ సోష‌ల్ మీడియాలో షేర్ చేసిన బోల్డ్ ఫోటోషూట్ వైర‌ల్ గా మారుతోంది.
