హాయ్‌ 'బ్రో' ర్యాప్ సాంగ్ వచ్చింది విన్నారా?

పవర్ స్టార్‌ పవన్ కళ్యాణ్‌, సాయి ధరమ్‌ తేజ్ ముఖ్య పాత్రల్లో తెరకెక్కి తాజాగా ప్రేక్షకుల ముందుకు వచ్చిన 'బ్రో' సినిమా మొదటి రోజు సాలిడ్ వసూళ్ల ను నమోదు చేసింది. శని, ఆదివారాల్లో కూడా మంచి వసూళ్లను దక్కించుకోవడం ఖాయం అంటూ బాక్సాఫీస్ వర్గాల వారు అంటున్నారు.

పవన్ కళ్యాణ్‌ ఇమేజ్ తో పాటు సాయి ధరమ్‌ తేజ్ కూడా ఉండటం వల్ల సినిమాకు అదనపు ఆకర్షణ అన్నట్లుగా వసూళ్లు భారీగానే నమోదు అవుతున్నట్లుగా సమాచారం అందుతోంది.

ఆ విషయం పక్కన పెడితే 'బ్రో' సినిమాకు సంబంధించిన ర్యాప్ సాంగ్ ఒకటి ప్రస్తుతం సోషల్‌ మీడియాలో తెగ హడావుడి చేస్తోంది.

సినిమా విడుదల అయిన తర్వాత అభిమానులకు యూట్యూబ్‌ ద్వారా ప్రేక్షకుల ముందుకు వచ్చిన బ్రో ర్యాప్ సాంగ్‌ కు థమన్ సంగీతాన్ని అందించగా ఆదిత్య అయ్యంగార్‌ ర్యాప్‌ ను రచించి పాడటం జరిగింది.

యూత్‌ ఆడియన్స్ కు కనెక్ట్‌ అయ్యే విధంగా బాగా ఎంజాయ్‌ చేసే విధంగా ఈ ర్యాప్ ఉంటుందని థమన్ పేర్కొన్నాడు.

తమిళ వినోదయ్య సీతమ్ సినిమాకు రీమేక్ గా రూపొందిన బ్రో సినిమాకు ఒరిజినల్‌ వర్షన్ కు దర్శకత్వం వహించిన సముద్రఖని ఈ రీమేక్ కు దర్శకత్వం వహించడం జరిగింది. ప్రముఖ దర్శకుడు టీజీ విశ్వప్రసాద్ ఈ సినిమాను పీపుల్స్ మీడియా ఫ్యాక్టరీ బ్యానర్ లో భారీ బడ్జెట్‌ తో నిర్మించాడు.