బిగ్ బాస్ ఫైనల్ ఎపిసోడ్ లో బబుల్ గమ్ బూస్టింగ్..!

స్టార్ యాంకర్ సుమ కనకాల తనయుడు రోషన్ కనకాల హీరోగా రవికాంత్ పేరేపు డైరెక్షన్ లో వస్తున్న సినిమా బబుల్ గమ్. అడివి శేష్ తో క్షణం, సిద్ధు జొన్నలగడ్డతో కృష్ణ అండ్ హిస్ లీల సినిమాలను చేసిన రవికాంత్ పేరేపు రోషన్ తో బబుల్ గమ్ సినిమా చేశారు. యూత్ ఫుల్ ఎంటర్టైనర్ గా రాబోతున్న ఈ సినిమా ట్రైలర్ ఇంప్రెస్ చేసింది. డిసెంబర్ 29న రిలీజ్ అవుతున్న ఈ సినిమాలో రోషన్ తో మానస చౌదరి జత కట్టింది. బబుల్ గమ్ సినిమాను పీపుల్ మీడియా ఫ్యాక్టరీ బ్యానర్ లో టీజీ విశ్వప్రసాద్, వివేక్ కూచిబొట్ల నిర్మించారు.

సినిమా రిలీజ్ దగ్గర పడుతుండగా సినిమాను సాధ్యమైంత విధంగా భారీగా ప్రమోట్ చేస్తున్నారు మేకర్స్. ఈ క్రమంలో బిగ్గెస్ట్ రియాలిటీ షో బిగ్ బాస్ తెలుగు సీజన్ 7లో కూడా బబుల్ గమ్ టీం సందడి చేసింది. బబుల్ గమ్ హీరో రోషన్ హీరోయిన్ మానస చౌదరితో పాటుగా సుమ కూడా బిగ్ బాస్ స్టేజ్ మీదకు వచ్చారు. హౌస్ లో ఉన్న ఆరుగురు హౌస్ మెట్స్ కి సినిమా ట్రైలర్ చూపించినట్టు ఉన్నారు.

బిగ్ బాస్ స్టేజ్ మీదకు వచ్చే ఏ సినిమా అయినా మంచి ఫలితాన్ని తెచ్చుకుంటుంది. రీసెంట్ గా వచ్చిన యానిమల్, హాయ్ నాన్న సినిమాలు కూడా బిగ్ బాస్ లో ప్రమోట్ చేశారు. అదే క్రమంలో బబుల్ గమ్ టీం కూడా బిగ్ బాస్ షో ని వాడుకున్నారు. బబుల్ గమ్ పక్కా యూత్ టార్గెట్ తో తెరకెక్కిన సినిమా అని ప్రచార చిత్రాలు చూస్తే తెలుస్తుంది. బిగ్ బాస్ ఫైనల్ ఎపిసోడ్ లో బబుల్ టీం సందడి ఆ సినిమాను ఎక్కువమంది ప్రేక్షకులకు చేరువయ్యేలా చేస్తుందని చెప్పొచ్చు.

ఇక బిగ్ బాస్ సీజన్ 7 ఫైనల్ ఎపిసోడ్ ఈరోజు రాత్రి 7 గంటలకు మొదలవుతుంది. ఇప్పటికే ఈ సీజన్ విన్నర్ ఎవరన్నది ఆల్రెడీ లీక్ అయ్యింది. బిగ్ బాస్ సీజన్ 7 విన్నర్ గా కామన్ మ్యాన్ పల్లవి ప్రశాంత్ నిలిచాడు. రన్నర్ గా అమర్ దీప్ సెకండ్ ప్లేస్ లో నిలిచాడు. బిగ్ బాస్ సీజన్ 6 కన్నా సీజన్ 7 భారీగా సక్సెస్ అయ్యిందని చెప్పొచ్చు. ఈ సీజన్ లో కంటెస్టెంట్స్ అంతా కూడా తమ మంచి పర్ఫార్మెన్స్ తో మెప్పించారు. బిగ్ బాస్ ఫైనల్ ఎపిసోడ్ ప్రోమో రిలీజ్ కాగా అందులో బబుల్ గమ్ టీం తో పాటుగా నాగార్జున నా సామురంగ లో నటించిన అల్లరి నరేష్, రాజ్ తరుణ్ ఇంకా ఈగల్ సినిమా ప్రమోషన్ కోసం రవితేజ వచ్చారు.