బిజినెస్ మెన్ రీ రిలీజ్.. ట్రైలర్ చూశారా?

ఈ మధ్యకాలంలో స్టార్ హీరోల సూపర్ హిట్ సినిమాల రీ రిలీజ్ సిరీస్ లు చేస్తున్నారు. ప్రస్తుతం నడుస్తున్న ట్రెండ్ ఇది. ఇప్పటి వరకు చాలా సినిమాలు అలానే విడుదల చేశారు. మహేష్ బాబు, రామ్ చరణ్, ఎన్టీఆర్, ప్రభాస్, పవన్ కళ్యాణ్, ఇలా దాదాపు స్టార్ హీరోలందరి సినిమాలు రీరిలీజ్ చేశారు. తమ అభిమాన హీరోల సినిమాలు పాతవే, ఆల్రెడీ చూసినవే అయినా క్యూలు కట్టి మరీ చూసేందుకు ప్రేక్షకులు థియేటర్లకు పరిగెత్తారు. కేవలం మన దేశంలోనే కాదు, విదేశాల్లోనూ ఇలానే సందడి చేశారు.

ఇప్పటికే మహేష్ ఒక్కడు మూవీ రీరిలీజ్ చేయగా, తాజాగా బిజినెస్ మెన్ కూడా విడుదల చేయాలని అనుకుంటున్నారు. ఆగస్టు9 వ తేదీన మహేష్ పుట్టిన రోజు అనే విషయం తెలిసిందే. ఈ నేపథ్యంలో, ఆయన పుట్టిన రోజు సందర్భంగా ఈ మూవీని మరోసారి ప్రేక్షకుల ముందుకు తీసుకువస్తున్నారు. కాగా, ఈ విడుదల నేపథ్యంలో తాజాగా మూవీ ట్రైలర్ విడుదల చేశారు.

మహేష్ అన్ని సినిమాలు ఒక ఎత్తు అయితే, ఈ మూవీ ఒక ఎత్తు అని చెప్పాలి. అప్పటి వరకు చాలా స్మార్ట్ గా, కూల్ గా ఎప్పుడో ఒకసారి డైలాగ్ చెప్పే మహేష్, ఈ మూవీలో మాస్ డైలాగులతో అదరగొడతాడు. అందుకే, ఈ మూవీకి చాలా క్రేజ్ ఎక్కవ అనే చెప్పాలి. ఇక ఈ మూవీలో మహేష్ సరసన కాజల్ అగర్వాల్ నటించింది. పూరీ జగన్నాథ్ దర్శకత్వం వహించగా, మహేష్ ని డిఫరెంట్ గా చూపించిన క్రెడిట్ ఆయనకే దక్కింది.

ఈ సినిమా 2012లో సంక్రాంతికి ప్రేక్షకుల ముందుకు వచ్చింది. అప్పట్లో బ్లాక్ బస్టర్ గా నిలిచింది. ఇక ఈ సినిమాలో మహేష్ సూర్య భాయ్ అనే పాత్ర పోషించారు. చేతిలో రూపాయి కూడా లేకుండా ముంబయి నగరంలోకి అడుగుపెట్టి, ఆయన చివరకు ఆ ముంబయినే శాశించే స్థాయికి ఎలా ఎదిగాడు అనేదే ఈమూవీ కథ.

కాగా, రీరిలీజ్ అయినా ఈ మూవీ చూడటానికి మహేష్ అభిమానులు క్యూలు కడుతున్నారు. ఇప్పటికే టికెట్లు హాట్ కేకుల్లా అమ్ముడుపోతున్నాయి. మరోవైపు మహేష్ మాత్రం తన బర్త్ డే ని ఫ్యామిలీతో లండన్ లో సెలబ్రేట్ చేసుకుంటున్నారు.