ఇంత రక్తపాతం మహేశ్ చేసుంటే..?

ఏ హీరోకైనా అతడి మేనరిజం, స్క్రీన్ ప్రెజెన్స్​, యాక్టింగ్​ బట్టే కథలు సెట్​ అవుతుంటాయి. లేదంటే కంటెంట్ ఎంత​ బలంగా ఉన్నప్పటికీ అవి సక్సెస్​ సాధించడం కష్టమవుతుంది. అందుకే దాదాపుగా దర్శక రచయితలు ఫలానా హీరోను దృష్టిలో పెట్టుకుని కథలు రాసుకుంటుంటారు.

అయితే విషయానికొస్తే.. తాజాగా రిలీజైన యానిమల్ సినిమా టీజర్​ ఎంతగా ట్రెండ్ అయిందో తెలిసిన సంగతే. ఫుల్​ వైలైన్స్​తో వచ్చిన ఈ టీజర్​ మంచి రెస్పాన్స్ తెచ్చుకుంది. ఇందులో రణ్​బీర్​ బోల్డ్ యాక్టింగ్​, మాస్​ వైలెన్స్ హైడోస్​లో ఉంది. అయితే ఇదే పాత్రలో మహేశ్​ను ఊహించుకోండి. సెట్ అవ్వట్లేదు కదా.. కానీ వాస్తవానికి ఈ సినిమా కథను సందీప్ వంగా.. ముందుగా సూపర్ స్టార్ మహేశ్ బాబుకు చెప్పారట. కానీ బోల్డ్​నెస్​, వైలెన్స్ ఎక్కువ కావడం వల్ల మహేశ్​ దాన్ని సున్నితంగా తిరస్కరించారని తెలిసింది.

కానీ ఇప్పుడా కథనే.. రణ్​బీర్​ కపూర్​తో తీసి హైప్ పెంచారు సందీప్​ వంగా. ఒకవేళ మహేశ్​ ఇలాంటి వైల్డ్ క్యారెక్టర్​కు ఒప్పకుని ఉన్నా అవి ఆయనకు అంతగా సెట్​ అవ్వవు. ఫ్యామిలీ ఆడియెన్స్​ ఆయన్ను అలా రిసీవ్ చేసుకోలేరు. ఇకపోతే పుష్ప కథ కూడా ముందుదా మహేశ్ దగ్గరికే వెళ్లిందట. కానీ మహేశ్​.. అడవుల్లో దుంగలు స్మగ్లింగ్ చేసే పాత్రలంటే తనకు సెట్ కావని తప్పుకున్నారట.

అల్లు అర్జున్ చేసిన ఈ రా పాత్రలో మహేశ్​ను ఊహించుకోవడం కష్టమే. ఎందుకంటే మహేశ్​ మాస్ స్టైల్ వేరుగా ఉంటుంది. పోకిరి, బిజినెస్​మెన్​ తరహాలో క్లాస్ అండ్ మాస్ ఉంటే కనెక్ట్ అవుతుంది. ఇంకా గతంలోనూ ఏ మాయ చేశావే, గజినీ చిత్రాలు కూడా మొదటగా మహేశ్ దగ్గరికే వెళ్లాయట. ఇవి కూడా హిట్ అయ్యాయి.

కానీ నిజానికి ఈ పాత్రలు కూడా మహేశ్​కు సెట్ అవ్వవనే చెప్పాలి. సూర్యలాగా మహేశ్​ను గుండుతో చూడలేం. గౌతమ్ మేనన్ స్లో నరేషన్ కూడా మహేశ్​కు సెట్​ అవ్వవు. కాబట్టి ఈ చిత్రాలకు మహేశ్​ నో చెప్పి మంచి పనే చేశారు. అలా అని మహేశ్​ కథలను, పాత్రలను జడ్జ్​ చేసే విషయంలో కరెక్ట్​గా ఉంటారని కాదు. స్పైడర్, బాబీ, బ్రహ్మోత్సవం, వంశీ లాంటి ఆయన నటించిన సినిమాలు ఫెయిల్ కూడా అయ్యాయి.