షారుఖ్.. ఈ సెంటిమెంట్ రొమాన్స్ కలిసొచ్చేనా

ఈ ఏడాది షారుఖ్ ఖాన్ పఠాన్, జవాన్ సినిమాలతో రెండు సాలిడ్ బ్లాక్ బస్టర్ హిట్స్ ని తన ఖాతాలో వేసుకున్నాడు. అలాగే ఈ రెండు సినిమాలు వెయ్యి కోట్లకి పైగా కలెక్షన్స్ కి రాబట్టి రికార్డు క్రియేట్ చేశాయి. ప్రభాస్ తర్వాత రెండు సార్లు ఆ ఫీట్ అందుకున్న హీరోగా షారుఖ్ నిలిచాడు. ఈ ఏడాది షారుఖ్ నుంచి డుంకీ కూడా ప్రేక్షకుల ముందుకి వస్తోంది.

బాలీవుడ్ లో మోస్ట్ సక్సెస్ ఫుల్ డైరెక్టర్ రాజ్ కుమార్ హిరాణీ దర్శకత్వంలో ఈ సినిమా తెరకెక్కడం విశేషం. డిఫరెంట్ కాన్సెప్ట్ తో రెడీ అయిన ఈ మూవీ డిసెంబర్ 21న థియేటర్స్ లోకి రాబోతోంది. ఈ సినిమా రిలీజ్ అయిన నెక్స్ట్ డే ప్రభాస్ సలార్ కూడా ప్రేక్షకుల ముందుకి వస్తోంది. దీనిపై భారీ అంచనాలు ఉన్న నేపథ్యంలో డుంకీపైన కొంత ప్రభావం ఉంటుందని భావిస్తున్నారు.

ఇదిలా ఉంటే బాలీవుడ్ లో హీరో, హీరోయిన్ మధ్య లవ్ ట్రాక్ చాలా సింపుల్ గా ఉంటుంది. అయితే ఈ మధ్య కొంతమంది డిఫరెంట్ గా ట్రై చేస్తున్నారు. జవాన్ సినిమాలో కుస్తీ బ్యాక్ డ్రాప్ పెట్టి షారుఖ్ ఖాన్, దీపికా పదుకునే మధ్య లవ్ ట్రాక్ ఎపిసోడ్ ని దర్శకుడు అట్లీ డిజైన్ చేశారు. ఈ ఎపిసోడ్ ఆడియన్స్ కి భాగా కనెక్ట్ అయ్యింది.

అనుకోకుండా జరిగిందా, లేదంటే షారుక్ ఈ తరహా ఎపిసోడ్ కి కనెక్ట్ అయ్యి పెట్టారో తెలియదు కాని డుంకీలో కూడా షారుఖ్ ఖాన్, తాప్సి మధ్య ఇలాంటి లవ్ ట్రాక్ ఎపిసోడ్ ని డిజైన్ చేశారు. తాజాగా డుంకీ డ్రాప్ 2గా రిలీజ్ అయిన లుట్ పుట్ గయా సాంగ్ లో హీరో, హీరోయిన్ మధ్య లవ్ ఎమోషన్స్ ని చూపించరు. ఇందులో కుస్తీ ఎపిసోడ్ కూడా ఉండటం విశేషం.

ఈ డుంకీ కూడా హిట్ అయితే షారుఖ్ ఖాన్ కి కుస్తీ రొమాన్స్ అనేది సెంటిమెంట్ అయ్యే అవకాశం ఉందని బాలీవుడ్ సర్కిల్ లో వినిపిస్తోంది. బాలీవుడ్ లోకి అడుగుపెట్టిన తర్వాత తాప్సి చేస్తోన్న అతిపెద్ద సినిమా, స్టార్ హీరో మూవీ ఇదే కావడం విశేషం. ఈ సినిమా హిట్ అయితే ఆమె కెరియర్ కూడా నెక్స్ట్ లెవల్ లో వెళ్ళే అవకాశం ఉంది.