వచ్చేది డైనోసార్​ ధనుష్.. రిస్క్​ వద్దు!

ఈ ఏడాది మిగిలిపోయిన మోస్ట్ అవైటెడ్​ సినిమాల్లో ప్రభాస్ సలార్​ - షారుక్ డంకీ. డిసెంబర్ మూడో వారంలో ఇవి రిలీజ్​కు రెడీగా ఉన్నాయి. సినీ ప్రియుల దృష్టంతా ఈ రెండు చిత్రాల మీదే ఉంది. దీంతో ఈ రెండు చిత్రాలకు అటు ఇటు కొద్ది రోజుల వరకు ఏ సినిమాలు వచ్చేందుకు సాహసం చేయవు! కానీ ధనుశ్​ పాన్ ఇండియా మూవీ కెప్టెన్ మిల్లర్ మాత్రం విడుదల సాహసానికి సిద్ధంగా ఉంది.

డిసెంబర్ 15న ఈ సినిమా ప్రేక్షకుల ముందుకు రాబోతుంది. వాస్తవానికి ఈ చిత్రం విడుదల తేదీని ఎప్పుడో అనౌన్స్ చేశారు. అప్పటికీ షారుఖ్ ఖాన్ డంకీ మాత్రమే డిసెంబర్​ రిలీజ్​కు కన్ఫార్మ్ అయ్యింది. బాలీవుడ్ చిత్రం కావడంతో మిల్లర్​ మేకర్స్​.. పెద్ద పోటీగా భావించలేదు.

కానీ ఇప్పుడు పరిస్థితి అలా లేదు. అనూహ్యంగా సలార్ వచ్చి డిసెంబర్​ మూడో వారానికి చేరింది. పైగా రీసెంట్​గానే జవాన్​తో మరో రూ.1000కోట్ల హిట్​ను అందుకున్నారు షారుక్​. అంటే ఇప్పుడు సలార్​ - డంకీకి విపరీతమైన క్రేజ్ నెలకొని ఉంది. మరి ఇలాంటి సమయంలో కేవలం వారం రోజుల వ్యవధిలో ముందుగా వచ్చి.. మిల్లర్.. పైసా వసూలు చేయడం సాధ్యమేనా అంటే చెప్పడం కాస్త కష్టమే.

గతంలో... 2018 డిసెంబర్​లో ధనుశ్​ 'మారి 2' రిలీజ్ చేసినప్పుడు.. అప్పుడు పోటీగా.. షారుక్​ ఖాన్ జీరో, యష్ కేజీయప్​ ఛాప్టర్ 1, మోహన్ లాల్ ఒడియన్, అక్వమెన్ వంటివి ఉన్నాయి. అయినా కూడా 'మారి 2' కమర్షియల్​గా మంచి సక్సెస్​ను అందుకుంది. ఇప్పుడు కూడా అలాంటి సీన్ రిపీట్​ అవుతుందనే ధీమాతో సినిమా రిలీజ్​ చేస్తే.. కష్టమే! ఎందుకంటే ఈ సారి పోటీగా వచ్చేది డైనోసార్​. తక్కువ అంచనా వేయలం. కాబట్టి.. మిల్లర్​ ఫైనల్ డెసిషన్​ చాలా క్యాలికులేషన్లపై ఆధారపడి ఉంటుంది.

ఒకవేళ ఢీ కొట్టేందుకు రెడీ అయిందా.. తమిళంలో ఓకే కానీ ఇతర భాషల్లో కష్టాలు తప్పవు. ఇకపోతే ఈ పీరియాడిక్ డ్రామాలో ప్రియాంకా మోహన్ హీరోయిన్, కన్నడ స్టార్​ శివరాజ్ కుమార్, సందీప్ కిషన్ కీలక పాత్రలు పోషించారు. ఇప్పటికే రిలీజైన టీజర్ ఆకట్టుకుంది.